​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ແຫຼ່ງທ່ອງທ່ຽວວັດທະນະທໍາ

1. ສວນຫຼັກເມືອງ

ສ້າງຂຶ້ນ ​ແລະ ສຳເລັດ​ໃນປີ 2011 ​ເພື່ອຈາລຶກ​ເຖິງ​ດວງໃຈສາມັກຄີປວງຊົນເຜົ່າຕ່າງໆ ຂອງຊາວແຂວງ​ເຊກອງຫຼັກເມືອງ​ແບ່ງເປັນ 3 ທ່ອນ; ​ໝາຍເຖິງ: ​ຄວາມອຸດົມຮັ່ງມີ​ ດ້ວຍເ​ງິນ​, ຄຳ​, ເພັດນິນຈິນດາ​ຕ່າງໆ. ໜ່ວຍມົນ​ຕັ້ງຢູ່ເທິງ ​ໜາຍເຖິງ: ດວງຕາເວັນ, ​ເສົາຫຼັກ ເມືອງສູງ 990 ຊັງຕີແມັດ. ພາບຄົນທີ່ເຈະກະພາ, ຖືພ້າ ໝາຍເຖິງ ວິຖີການດໍາລົງຊິວິດ​ຂອງເຜົ່າຕ່າງໆ ​ທີ່ຕັ້ງຖິ່ນຖານດັ້ງເດີມ​ຢູ່ແຂວງ​ເຊກອງ.

 lakmuang  lakmuang lakmuang 

 ແຫຼ່ງ: ອົງການພັດທະນາແຫຼ່ງທ່ອງທ່ຽວແຂວງເຊກອງ 

 

2. ບ້ານກັນດອນໃໝ່

ບ້ານກັນດອນໃໝ່ເປັນບ້ານທ່ອງທ່ຽວທາງດ້ານວັດທະນະທແລະສຶກສາວິຖີຊີວິດຂອງຊົນເຜົ່າກະຕູ, ເປັນບ້ານທີ່ໄດ້ຍົກຍ້າຍແຕ່ເມືອງ ກະລຶມມາຕັ້ງຖິ່ນຖານຢູ່ເມືອງທ່າແຕງ, ຫ່າງຈາກຕົວເມືອງທ່າແຕງໄປທາງທິດຕາເວັນອອກ 17kmຫ່າງຈາກເທດສະບານແຂວງ ໄປ ທາງທິດຕາເວັນຕົກ35m. ໃນວັນທີ 05 ເດືອນ 03 ຂອງທຸກໆປີ, ຊາວບ້ານກັນດອນ  ຈັດງານບຸນປະເພນີຂອງເຜົ່າຂື້ນ ເພື່ອສະເຫຼີມ ສະຫຼອງໝາກຜົນຈາກການເກັບກ່ຽວໃນງານຈະມີການສະແດງສີລະປະພື້ນເມືອງ ແລະ ການວາງສະແດງຜະລິດຕະພັນ ຫັດຖະກຳຕໍ່າ ແຜ່ນ-ຈັກສານຂອງເຜົ່ານັກທ່ອງທ່ຽວສາມາດເລະຊົມໂລງສົບເກົ່າແກ່ດັ້ງເດີມຂອງເຜົ່າ ແລະ ທ່ຽວຊົມສາລາກວນກາງບ້ານໂດຍ ມີຜູ້ ນຳທ່ຽວຂອງບ້ານເປັນຄົນອະທິບາຍຕະຫຼອດງານ, ຍັງມີພິທີຂ້າຄວາຍແປງຮີດເປັນອາຫານຕ້ອນຮັບແຂກທີ່ມາຮ່ວມງານ ນຳອີກສ່ວນ ນັກທ່ອງທ່ຽວທີ່ຢາກຮຽນຮູ້ວີຖີຊີວິດສາມາດມາພັກຜ່ອນໄດ້ ເພາະມີໂຮມສະເຕຕາມເຮືອນປະຊາຊົນທີ່ຄອຍບໍລິການທຸກໆທ່ານ.

kandon   kandon festival 

 ແຫຼ່ງ: ອົງການພັດທະນາແຫຼ່ງທ່ອງທ່ຽວແຂວງເຊກອງ  

 

3. ເຮືອນຊົນເຜົ່າຮາຣັກ ( ອາລັກ )

ເຮືອນເອກະລັກ​​ເຜົ່າຮາລັກບ້ານກະສັງກາງເມືອງລະມາແຂວງເຊກອງຫ່າງຈາກເທສະບານເມືອງແລະແຂວງ 24km, ເປັນບ້ານຈຸດສຸມພັດທະນາທີສີ່  ຂອງເມືອງລະມາ, ຕາມເສັ້ນທາງເລກທີ 16B ອອກສູ່ຊາຍແດນຫວຽດ ນາມ,ເຮືອນດັ່ງກ່າວແມ່ນເຮັດດ້ວຍໄມ້​​ເນື້ອ ແຂງ, ມີວິຖີຊີວິດຮີດຄອງປະເພນີຄ້າຍຄືກັນກັບເຜົ່າອື້ນໆມີວັດທະນາທຳອັນດີງາມເຊັ່ນ:ມີການຈັດງານບຸນປະເພນີປະຈຳປີ, ການສະແດງສີລະປະພື້ນເມືອງການສະແດງຜະລິດຕະພັນຕໍ່າຫູກກີ່ແອວ ແລະ ຫັດຖະກຳຈັກສານ,ໃນນັ້ນມີການຄ້າຄວາຍເພື່ອໄວ້ຕ້ອນຮັບ​​ແຂກທີ່ມາທີ່ມາທ່ຽວຊົມງານບຸນປະຈຳປີ.

house  house  Festival 

ແຫຼ່ງ: ອົງການພັດທະນາແຫຼ່ງທ່ອງທ່ຽວແຂວງເຊກອງ

 

4. ບ້ານກົກພຸງໃຕ້.

ບ້ານກົກພຸງ ໄຕ້ເປັນບ້ານທ່ອງທ່ຽວ ທາງດ້ານ ວັດທະນາທຳ ອີກບ້ານໜຶ່ງທີ່ຂຶ້ນກັບ ເມືອງທ່າແຕງ, ມີຮີດຄອງປະເພນີ, ວັດທະນະ ທຳທີ່ເປັນເອກະລັກຂອງ ເຜົ່າກະຕູ ແລະອາຣັກໃນແຕ່ລະປີ ເຂົາເຈົ້າໄດ້ຈັດຕົ້ງງານບຸນ ປະເພນີຂຶ້ນ ເພື່ອສະເຫຼີມສະຫຼອງ ຜົນສະເລັດ ໃນການເກັບກ່ຽວ ຜົນລະປູກເຊິ່ງ, ມີການສະແດງ ສິລະປະພື້ນເມືອງ,ວາງສະແດງ ຜະລິດຕະພັນຕ່ຳແຜ່ນ ແລະ ຈັກສານ ທີ່ເປັນເອກະ ລັກ ຂອງເຜົ່າທ່ຽວຊົມໂລງສົບ ອັນເກົ່າແກ່ແລະ ຂໍ້ມູນອື່ນໆກ່ຽວກັບເຜົ່າ, ເມືອກ່ອນບ້ານນີ້ ໄດ້ຕັ້ງຖິ່ນຖານຢູ່ ເຂດເມືອງກະລຶມ ທາງທິດຕາເວັນອອກ ຊາຍແດນຫວຽດນາມ ແຕ່ຍ້ອນຄວາມທຸກຍາກ ເຂົາເຈົ້າຈິ່ງໄດ້ ຍົກຍ້າຍມາຕັ້ງ ຖິ່ນຖານຢູ່ແຫ່ງນີ້ ໂດຍສະເພາະ ງານບຸນ ປະເພນີປະຈຳປີຂອງ ເຜົ່າທີ່ເປັນເອກະລັກ ສືບທອດກັນມາເຊັ່ນ: ການນຸ່ງຖື, ການສະແດງສິລະປະພື້ນເມືອງ, ສະແດງຜະ ລິດຕະພັນຕ່ຳແຜ່ນ ແລະ ຈັກສານ, ໂລງສົບຄົນບູຮານ ແລະ ອື່ນໆ. ເຊິ່ງທາງບ້ານ ໄດ້ມີໄກ໋ນຳພາແຂກທ່ອງທ່ຽວ ແລະ ອະທິບາຍ ໃຫ້ທ່ານ ຕາມທີ່ຕ້ອງການໄດ້ ໄລຍະຫ່າງ ຈາກເທດສະບານ ເມືອງທ່າແຕງ ໄປທາງທິດເໜືອ 16 ກິໂລແມັດ ແລະ ເປີດບໍລິການ ນຳໄຊ້ແລ້ວໃນ ປີ 2009.20.ເຮືອນຊົນເຜົ່າຕະລຽງ:

ເຮືອນຊົນເຜົ່າຕະລຽງ, ບ້ານດາກມວນ, ເມືອງດາກຈຶງ ແມ່ນເຮືອນທີ່ເປັນເອກະລັກ ຂອງຊົນເຜົ່າຕະລຽງ ທີ່ເຮັດດ້ວຍວັດຖຸທຳມະຊາດ ຫ່າງຈາກເທດສະບານແຂວງ 108 ກິໂລແມັດ, ເຮືອນດັ່່ງກ່າວແມ່ນ ເປັນເອກະລັກມີມາແຕ່ດັ້ງເດີມຂອງເຜົ່າ, ເຊິ່ງນຳໃຊ້ວັດຖຸຈາກ ທຳມະຊາດລ້ວນໆ, ເຂົ້າໃນການປຸກສ້າງ ແລະ ຄວາມສາມັກຄີຂອງປະຊາຊົນ ທັງໝົດໃນບ້ານຊ່ວຍກັນສ້າງ ໃນແຕ່ລະຫຼັງຄາເຮືອນ. ໃນແຕ່ລະປີຊາວບ້ານ ໄດ້ຈັດຕັ້ງງານບຸນປະຈຳປີຂຶ້ນ ເພື່ອສະເຫຼີມສະຫຼອງຜົນສຳເລັດ ຈາກການເກັບກ່ຽວຜົນລະປູກ ໃນນັ້ນກໍມີການ ສະແດງ ສີລະປະພື້ນເມືອງ, ການນຸ່ງຖືທີ່ເປັນເອກະລັກຂອງເຜົ່າ, ການວາງສະແດງຜະລິດຕະພັນຕ່ຳແຜ່ນ ແລະ ຈັກສານພ້ອມນີ້ກໍ ມີການຂ້າຄວາຍ ຕ້ອນຮັບແຂກທີ່ມາຢ້ຽມຢາມ ໃນແຕ່ລະປີບໍ່ຕໍ່າກວ່າ 10 ໂຕ.

 

festival   festival festival 

ແຫຼ່ງ: ອົງການພັດທະນາແຫຼ່ງທ່ອງທ່ຽວແຂວງເຊກອງ

 

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates