​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ໜ່ວຍຊາວໜຸ່ມຮາກຖານ ພວຕ ແຂວງເຊກອງ ມອບເຄື່ອງບັນເທົາທຸກໃຫ້ແກ່ຜູ້ປະສົບໄພນໍ້າ ຖ້ວມ

ໃນວັນທີ 24 ກັນຍາ 2019 ຄະນະຊາວໜຸ່ມຮາກ ຖານພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ  ພ້ອມດ້ວຍສະມາຊິກຊາວໜຸ່ມພາຍ ໃນໜ່ວຍໄດ້ໄປມອບເຄື່ອງຊ່ວຍເຫຼືອແກ່ຜູ້ປະສົບໄພ ພິບັດ

ທາງທໍາມະຊາດ(ນໍ້າຖ້ວມ)ໃຫ້ຄະນະກໍາມະການຊາວໝຸ່ມ ແຂວງເຊກອງ ເພື່ອນຳໄປມອບໃຫ້ຜູ້ປະສົບໄພນ້ຳ ຖ້ວມ 4 ຕົວເມືອງ ຄື: ເມືອງ ກະລືມ, ເມືອງ ດາກຈຶງ, ເມືອງ ລະມາມ ແລະ ເມືອງ ທ່າແຕງ.

    ໂດຍພິທີມອບ-ຮັບແມ່ນໄດ້ຈັດຂື້ນຢູ່ ສູນຮຽນຮູ້ພາສາອັງກິດຊາວໝຸ່ມ ແຂວງເຊກອງ ກ່າວມອບໂດຍທ່ານ ນ.ສິດທິພອນ ສີບຸນຄໍ້າ ເລຂາໝ່ວຍຊາວໜຸ່ມຮາກຖານພະແນກວິທະຍາສາດ ແລະ ເຕັກໂນໂລຊີແຂວງ ແລະ ກ່າວຮັບໂດຍທ່ານ ສຸກັນຍາ ອິນທະວົງ ຫົວໜ້າຂະແໜງຂະບວນການພັດທະນາຊາວ ພ້ອມດ້ວຍພາກສ່ວນ ທີ່ກ່ຽວຂ້ອງ.

   ໂດຍຈຸດປະສົງແມ່ນເພື່ອນຳເອົາວັດຖຸ, ປັດໃຈ ແລະ ເຄື່ອງໃຊ້ຕ່າງໆ ທີ່ໄດ້ຈາກການປະກອບສ່ວນ ຂອງສະມາຊິກຊາວໜຸ່ມພາຍໃນໜ່ວຍຮາກຖານ ແນກວິທະຍາ ສາດ ແລະ ເຕັກໂນໂລຊີແຂວງ ມາມອບໃຫ້ຄະນະກຳມະການຕ້ານໄພພິບັດຂັ້ນແຂວງ ເພື່ອເປັນການປະກອບສ່ວນບັນເທົ່າທຸກເບື້ອງຕົ້ນ ໃຫ້ກັບພໍ່ແມ່ປະຊາຊົນ ຜູ້ຖຶກເຄາະຮ້າຍທີ່ໄດ້ຮັບຜົນກະທົບຈາກໄພພິບັດນ້ຳຖ້ວມທີ່ 4 ຕົວເມືອງ ຄື: ເມືອງ ກະລືມ, ເມືອງ ດາກຈຶງ, ເມືອງ ລະມາມ ແລະ ເມືອງ ທ່າແຕງ ເຊິ່ງວັດຖຸສິ່ງຂອງ ທີ່ນຳມາມອບໃນຄັ້ງນີ້ປະກອບມີ: ນໍ້າດື່ມ 4 ແກັດ ແລະ ເສື້ອຜ້າຈໍານວນໜຶ່ງ ຄິດເປັນມູນຄ່າລວມເທົ່າກັບ 500.000 ກີບ,​ ທັງນີ້ກໍ່ເພື່ອເຮັດໃຫ້ຜູ້ທີ່ຖຶກເຄາະຮ້າຍ ຈາກໄພພິບັດຄັ້ງນີ້ສາມາດບັນເທົາທຸກ ແລະ ຜ່ານຜ່າອຸປະສັກໄພອັນຕະລາຍ ຈາກໄພທຳມະຊາດໃນຄັ້ງນີ້ດ້ວຍ.

         ນະໂອກາດດັ່ງກ່າວ ທ່ານ ສຸກັນຍາ ອິນທະວົງ ຫົວໜ້າຂະແໜງຂະບວນການພັດທະນາ ກໍ່ຍັງໄດ້ກ່າວວ່າຄືດັ່ງທີ່ຮູ້ນໍາກັນແລ້ວວ່າ ໃນລະຫວ່າງວັນທີ 30 ສິງຫາ ຫາວັນທີ 3 ກັນຍາ ຜ່ານມາ ໄດ້ມີພະຍຸພັດຜ່ານ, ເຊີ່ງໄດ້ສົ່ງຜົນກະທົບຕໍ່ຊັບສິນຂອງລັດ ບຸກຄົນ ນິຕິບຸກຄົນ ເຊັ່ນ: ຖະຫນົນຫົນທາງຖືກຕັດຂາດ ຂົວຖື້ກເປເພ ພ້ອມທັງໄດ້ສ້າງຜົນເສຍຫາຍຫລາຍຢ່າງ ເຮືອນຊານບ້ານຊ່ອງ, ບ່ອນທໍາມາຫາກິນຂອງປະຊາຊົນ, ສະນັ້ນ ຈຶ່ງເຮັດໃຫ້ປະຊາຊົນຈໍານວນໜຶ່ງຢູ່ບັນດາເມືອງຕ່າງໆ ຂອງແຂວງເຊກອງຕ້ອງພົບກັບການຂາດແຄນທີ່ຢູ່ອາໄສ ແລະ ອາຫານການກິນ, ໃນນາມຄະນະຮັບຜິດຊອບ ກໍຄືຫ້ອງການຊາວໝຸ່ມ ແຂວງເຊກອງ ຂໍສະແດງຄວາມ ຂອບໃຈມາຍັງຊາວໜຸ່ມຮາກຖານ ພະແນກວິທະຍາສາດ ແລະ ເຕັກໂນໂລຊີແຂວງ ທີ່ເຫັນຄວາມສໍາຄັນ ແລະ ຈໍາເປັນ ຈຶ່ງໄດ້ປະກອບສ່ວນຊ່ວຍເຫຼືອຜູ້ປະສົບ ໄພພິບັດຄັ້ງນີ້ ແລະ ຫວັງຢ່າງຍິ່ງວ່າ ການຊ່ວຍເຫຼືອຂອງພວກທ່ານໃນເທື່ອນີ້, ທາງຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນແຂວງຈະນໍາໄປມອບຕໍ່ ໃຫ້ກັບບັນດາຄອບຄົວຜູ້ປະສົບໄພ ເພື່ອເປັນການແບ່ງເບົາຄວາມທຸກ ແລະເປັນຂັວນກໍາລັງໃຈໃຫ້ແກ່ເຂົາເຈົ້າສູ້ຕໍ່ໄປໄດ້.

ບົດຂ່າວ ແລະ ຮູບພາບ: ນ.ລັດສະໝີ ກົມມະສິດ

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates