​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ວິໄສທັດການພັດທະນາວິທະຍາສາດ ແລະ ເຕັກໂນໂລຊີ

   ແຂວງເຊກອງໄດ້ມີວິ​ໄສ​ທັດ​ການ​ພັດທະນາ​ຂອງ​ແຂວງ​ເຊ​ກອງ​ ຮອດ​ປີ 2020 ຕ້ອງ​ສາມາດ​ເຊື່ອມ​​ໂຍງ​ກັບ​ພາກ​ພື້ນ ​ແລະ ສາກົນ​ທັງດ້ານ​ເສດຖະກິດ-ສັງຄົມ, ບໍລິການ​ເຊື່ອມ​ຕໍ່​ແລວ​ເສ​ດຖະກິດ​ຕາ​ເວັນ​ອອກ-ຕາ​ເວັນ​ຕົກ, ມີ​ການ​ພັດທະນາ​ຢ່າງ​ສະ​ໝ່ຳສະ​ເໝີ ​ແລະ ຍືນ​ຍົງ, ມີ​ໂຄງ​ປະກອບ​ເສດຖະກິດ ດ້ານ​ກະສິກຳ-ປ່າ​ໄມ້, ອຸດສາຫະກຳ ​ແລະ ການ​ບໍລິການ​ຢ່າງ​ໜັກ​ແໜ້ນ, ປະຊາຊົນ​ມີ​ຊີ​ວິດ​ການ​ເປັນ​ຢູ່​ທີ່​ດີ, ສັງຄົມ​ມີ​ຄວາມ​ສະຫງົບ, ສີວິ​ໄລ ​ແລະ ຍຸຕິ​ທຳແລະ ໄດ້​ວາງຄາດໝາຍ​ໃນແຜນພັດທະນາເສດຖະກິດ-ສັງຄົມ 5 ປີ​ຄັ້ງ​ທີ VIII (2015-2020) ຄື GDP ສະເລ່ຍເພີ່ມຂື້ນ 11-12% ຕໍ່ປີ (2011-2015) ຮອດປີ 2015 ໃຫ້ໄດ້ 12-13% ຕໍ່ປີ;ລາຍຮັບສະເລ່ຍໃສ່ຫົວຄົນ 650-750 ໂດລາ/ຄົນ/ປີ; ໂຄງປະກອບເສດຖະກິດ: ກະສິກຳ-ປ່າໄມ້ 39.4% ຂອງGDP, ອຸດສະຫະກຳແລະການຄ້າ 23.8 % ຂອງ GDP, ການບໍລິການ 38.8% ຂອງGDP, ການ​ແກ້​ໄຂ​ຄວາມທຸກ​ຍາກຮອດປີ 2015 ໃຫ້ໄດ້ 70%ໂດຍອີງໃສ່ຄາດຄະເນຮອດປີ 2020 ເທົ່າກັບ 80% ຂອງພົນລະເມືອງແຂວງເຊກອງ.​

    ວິໄສທັດການພັດທະນາວິທະຍາສາດ ແລະ ເຕັກໂນໂລຊີຂອງແຂວງເຊກອງ ເຮັດໃຫ້ວຽກງານວິທະຍາສາດ ແລະ ເຕັກໂນໂລຊີ ກາຍເປັນກຳລັງແຮງ ແລະ ບຸກທະລຸທີ່ມີປະສິດທິຜົນສູງທາງດ້ານການພັດທະນາເສດຖະກິດ-ສັງຄົມຂອງແຂວງ ໃຫ້ຂະຫຍາຍຕົວ ຕໍ່ເນື່ອງ, ບັນລຸເປົ້າໝາຍສະຫັດສະຫວັດດ້ານການພັດທະນາ, ສ້າງໃຫ້ເປັນພື້ນຖານໜັກແໜ້ນໃນ ການຫັນເປັນອຸດສາຫະກຳ ທັນສະໄໝ ຕິດພັນກັບການປົກປັກຮັກສາສິ່ງແວດລ້ອມໃຫ້ມີຄວາມຍືນຍົງ, ການຄົ້ນຄວ້ານຳໃຊ້, ການຖ່າຍທອດ, ການຄຸ້ມຄອງ ວຽກງານວິທະຍາສາດ, ເຕັກໂນໂລຊີ ແລະ ນະວັດຕະກຳເຂົ້າທຸກວຽກງານການ ພັດທະນາເສດຖະກິດ-ສັງຄົມ ຂອງປະຊາ ຊົນບັນດາເຜົ່າ.

  • ທັດສະນະຂອງການພັດທະນາ ວິທະຍາສາດ ແລະ ເຕັກໂນໂລຊີ

   ເພື່ອ​​ບັນລຸວິ​ໄສ​ທັດການພັດທະນາ ຮອດ​ປີ 2020, ​ແຜນ​ພັດທະນາ​ເສດຖະກິດ​-ສັງຄົມ 5 ປີ ຄັ້ງ​ທີ VII (2011-2015) ​ຂ​ອງ​ແຂວງ​ ແລະ ປະຕິບັດແຜນງານໃຫຍ່ຂອງກະຊວງວິທະຍາສາດ ແລະ ເຕັກໂນໂລຊີ ວາງໄວ້ຄື: 5 ໜ້າທີ່ ( ຊຸກຍູ້ສົ່ງເສີມການຄຸ້ມ ຄອງວຽກງານວິທະຍາສາດ, ຊຸກຍູ້ສົ່ງເສີມການຄຸ້ມຄອງວຽກງານເຕັກໂນໂລຊີ ແລະ ນະວັດຕະກຳ, ຊຸກຍູ້ສົ່ງເສີມການຄຸ້ມຄອງ ວຽກງານເຕັກໂນໂລຊີຂໍ້ມູນຂ່າວສານ, ຊຸກຍູ້ສົ່ງເສີມການຄຸ້ມຄອງວຽກງານຊັບສິນທາງປັນຍາ ແລະ ຊຸກຍູ້ສົ່ງເສີມການຄຸ້ມຄອງ ວຽກງານມາດຕະຖານ ແລະ ການວັດແທກ) ແລະ 6 ແຜນງານໃຫຍ່ (ບຸກທະລຸຈິນຕະນາການທາງດ້ານ ວິທະຍາສາດ ແລະ ເຕັກໂນ ໂລຊີໃຫ້ເຂົ້າສູ່ລວງເລິກແກ່ສັງຄົມ, ບຸກທະລຸ ການປັບປຸງກົງຈັກການຈັດຕັ້ງ ການຄຸ້ມຄອງ ແລະ ການຄົ້ນຄວ້າທາງດ້ານວິທະຍາສາດ, ບຸກທະລຸດ້ານຊັບພະຍາກອນມະນຸດໃຫ້ມີປະສິດທິຜົນສູງ, ບຸກທະລຸການນຳໃຊ້ວຽກງານວິທະຍາສາດ ແລະ ເຕັກໂນໂລຊີ ເພື່ອລືບ ລ້າງຄວາມທຸກຍາກຂອງປະຊາຊົນບັນດາເຜົ່າ ໂດຍການນຳໃຊ້ວິທະຍາສາດ ແລະ ເຕັກໂນໂລຊີເຂົ້າໃນການຜະລິດກະສິກຳ, ອຸດສາ ຫະກໍາປຸງແຕ່ງໃຫ້ກາຍເປັນສິນຄ້າ, ສຸມໃສ່ການບໍລິການວິທະຍາສາດ ແລະ ເຕັກໂນໂລຊີໂດຍສະເພາະວຽກງານ ຊັບສິນທາງປັນຍາ ມາດຕະຖານ ແລະ ການວັດແທກ ເພື່ອສ້າງຄວາມເປັນທຳໃຫ້ແກ່ຜູ້ຊົມໃຊ້ ແລະ ການຮ່ວມມືກັບສາກົນໃນການພັທະນາ ຊັບພະຍາ ກອນມະນຸດໃນການແລກປ່ຽນຂໍ້ມູນຂ່າວສານ) ໃຫ້​ປະກົດ​ຜົນ​ເປັນ​ຈິງ.

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates