​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ.ຂ ຈັດພິທີເປິດການນໍາໃຊ້ເວັບໄຊຢ່າງ ເປັນທາງການ

0071ໃນຕອນເຊົ້າວັນທີ 14 ກຸມພາ 2019 ຢູ່ທີ່ຫ້ອງປະ ຊຸມພະແນກວິທະຍາສາດ ແລະ ເຕັກໂນໂລຊີ ແຂວງເຊກອງໄດ້ຈັດພິທີ ເປິດການນໍາໃຊ້ເວັບໄຊ ຂອງພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ

ຢ່າງເປັນທາງການຂຶ້ນ, ພາຍໃຕ້ການເປັນປະທານ ຂອງທ່ານ ເຫລັກໄຫລ ສີວິໄລ ຄະນະປະຈໍາພັກແຂວງ, ຮອງເຈົ້າແຂວງ-ແຂວງເຊກອງຊຶ່ງໃນກອງປະຊຸມຄັ້ງນີ້ ໄດ້ມີບັນດາທ່ານຕາງໜ້າຈາກອົງການຈັດຕັ້ງພັກ, ລັດ ແລະ ອົງການຈັດຕັ້ງມະຫາຊົນອ້ອມຂ້າງແຂວງ ແລະ ຫ້ອງການທີ່ກ່ຽວຂ້ອງຂັ້ນເມືອງ ເຂົ້າຮ່ວມທັງໝົດ 60 ທ່ານ ຍິງ 8 ທ່ານ.

 ຈຸດປະສົງໃນການຈັດພິທີໃນຄັ້ງນີ້ ແມ່ນເພື່ອໂຄສະນາເຜີຍແຜ່ຜົນສຳເລັດຂອງການຄົ້ນຄວ້າ ແລະ ພັດທະນາເວັບໄຊຂອງພະແນກວິທະຍາສາດ ແລະ ເຕັກໂນໂລຊີແຂວງ ແລະ ປະກາດການນຳໃຊ້ເວັບໄຊ ຢ່າງເປັນທາງການອອກສູ່ສາຍຕາສັງຄົມພາຍນອກເວົ້າລວມ, ເວົ້າສະເພາະກໍ່ຄືບັນດາຂະແໜງການຕ່າງໆອ້ອມ ຂ້າງແຂວງ ແລະ ເມືອງ ໃຫ້ເປັນທີ່ຮັບຮູ້ກັນໂດຍທົ່ວໄປ. ພ້ອມດຽວກັນນີ້ ທັງເປັນການແລກປ່ຽນຄວາມຄິດຄວາມເຫັນດ້ານວິຊາການຈາກພາກສ່ວນຕ່າງໆກ່ຽວ ກັບຮູບຮ່າງລັກສະນະຂອງເວັບໄຊ ເພື່ອປັບປຸງຍົກລະດັບໃຫ້ມີຄວາມສົມບູນຍິ່ງໆຂຶ້ນ ຮັບປະກັນໃຫ້ແກ່ການບໍລິການ, ການສະໜອງ ຂໍ້ມູນຂ່າວສານໃຫ້ມີຄວາມ ຫລາກຫລາຍ, ກະທັດລັດ,​ ສະດວກ, ວ່ອງໄວ ແລະ ທັນສະໄໝ.

 

ໃນພິທີດັ່ງກ່າວ ໄດ້ຮັບຟັງການນຳສະເໜີກ່ຽວກັບປະຫວັດຄວາມເປັນມາຂອງໂຄງການສ້າງເວັບໄຊ, ຂະບວນການ ແລະ ຂັ້ນຕອນໃນການພັດທະນາ ພ້ອມທັງໄດ້ນຳສະເໜີລາຍລະອຽດກ່ຽວກັບຮູບຮ່າງ, ລັກສະນະ ແລະ ໜ້າຕາເວັບໄຊຂອງພະແນກ ຈາກຄະນະຮັບຜິດຊອບ. ນອກນັ້ນຜູ້ແທນກອງປະຊຸມ ຕາງ ໜ້າຈາກບັນດາພະແນກການ, ຫ້ອງການອ້ອມຂ້າງແຂວງ ແລະ ເມືອງ ກໍ່ໄດ້ສະແດງຄວາມຄິດຄວາມເຫັນແລກປ່ຽນບົດຮຽນເຊິ່ງກັນ ແລະ ກັນ ຢ່າງກົງໄປ ກົງມາດ້ວຍບັນຍາກາດທີ່ຟົດຟື້ນ ເພື່ອເຮັດໃຫ້ຮູບຮ່າງ ແລະ ລັກສະນະເວັບໄຊ ມີຄວາມກະທັດລັດ, ສ່ວຍງາມ ແລະ ມີຄວາມທັນສະໄໝ ສາມາດບໍລິການ, ສະ ໜອງຂໍ້ມູນຂ່າວສານທີ່ວ່ອງໄວ ແລະ ມີຄວາມໜ້າສົນໃຈຂອງສັງຄົມ.

 

          ໃນຕອນທ້າຍນີ້ປະທານກອງປະຊຸມ ທ່ານ ເຫລັກໄຫລ ສີວິໄລ ຄະນະປະຈໍາພັກແຂວງ, ຮອງເຈົ້າແຂວງ-ແຂວງເຊກອງໄດ້ເໜັ້ນໜັກໃຫ້ບັນດາຜູ້ແທນ ທີ່ເຂົ້າຮ່ວມກອງປະຊຸມ ຈົ່ງນຳເອົາຄວາມຮູ້ຄວາມເຂົ້າໃຈຈາກກອງປະຊຸມໃນຄັ້ງນີ້ນຳໄປເຜີຍແຜ່ຜັນຂະຫຍາຍສູ່ພະແນກການ, ຫ້ອງການ, ຂະ​ແໜງການຕົນ ເພື່ອ ເຮັດແນວໃດໃຫ້ຂະແໜງການຕົນ ໄດ້ມີສື່ເອເລັກໂຕຣນິກທີ່ທັນສະໄໝ ກໍຄືເວັບໄຊ ເປັນຂອງຕົນເອງໃນການເຜີຍແຜ່ຂໍ້ມູນຂ່າວສານກ່ຽວກັບຂະແໜງການຕົນ ອອກສູ່ສາທາລະນະ ກໍຄືສັງຄົມພາຍນອກໃຫ້ກວ້າງຂວາງ ແລະ ເປັນທີ່ຮັບຮູ້ໂດຍທົ່ວໄປຂອງສັງຄົມ ເປັນຕົ້ນ ແມ່ນການເຄື່ອນໄຫວຈັດຕັ້ງປະຕິບັດວຽກງານ ວິຊາສະເພາະ, ບັນດາລະບຽບ, ກົດໝາຍ ແລະ ຂໍ້ມູນຂ່າວສານທີ່ກ່ຽວຂ້ອງອື່ນໆ ທັງເປັນການສ້າງພາບລັກໃຫ້ແກ່ອົງການຈັດຕັ້ງຂອງຕົນມີຄວາມທັງສະໄໝ ພ້ອມນີ້ຍັງໄດ້ຮຽກຮ້ອງໃຫ້ພະແນກວິທະຍາສາດ ແລະ ເຕັກໂນໂລຊີແຂວງ ນຳເອົາຄວາມຮູ້ ແລະ ປະສົບການ ໄປພັດທະນາຕໍ່ຍອດສູ່ບັນດາຂະແໜງການອື່ນໆ ພາຍໃນແຂວງ ແລະ ເມືອງທີ່ມີທ່າແຮງຈະສ້າງເວັບໄຊເປັນຂອງຕົນເອງ ແລະ ໃຫ້ສືບຕໍ່ປັບປຸງຍົກລະດັບເວັບໄຊຂອງຕົນໃຫ້ມີຄວາມທັນສະໄໝຂຶ້ນເລື້ອຍໆ ທັນຕາມຍຸກ ແລະ ວິວັດທະນາການຄວາມກ້າວໜ້າທັນສະໄໝທາງດ້ານເຕັກໂນໂລຊີຂອງພາກພື້ນ ແລະ ຂອງໂລກໃນແຕ່ລະໄລຍະ. ພ້ອມນັ້ນກໍ່ຕ້ອງອັບເດດ ຂ່າວສານຢ່າງເປັນປົກກະຕິ ເພື່ອໃຫ້ຜູ້ເຂົ້າເບິ່ງເຂົ້າຊົມ ໄດ້ບໍລິໂພກຂ່າວສານທີ່ຫລາກຫລາຍ ແລະ ມີປະໂຫຍດ. ໃນໂອກາດອັນສະຫງ່າລາສີນີ້ ເວລາ 12:00 ໂມງ ຂອງວັນດຽວກັນ ທ່ານ ເຫລັກໄຫລ ສີວິໄລ ຄະນະປະຈຳພັກແຂວງ, ຮອງເຈົ້າແຂວງໆເຊກອງ, ຜູ້ຊີ້ນຳຂົງເຂດເສດຖະກິດ ກໍ່ໄດ້ໃຫ້ກຽດຕັດແຜ່ນຜ້າເປີດບໍລິການ ແລະ ນຳໃຊ້ເວັບໄຊຂອງພະແນກວິທະຍາສາດ ແລະ ເຕັກໂນໂລຊີແຂວງເຊກອງ ຢ່າງເປັນທາງການ

 

ຂ່າວ: ລັດສະໝີ ກົມມະສິດ

ຮູບພາບ: ບຸດ​ດີ ພົມ​ພິ​ທັກ

0072 0073 0074 0075 0076 0077 0078 0079 0080 0081 0082 0083

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates