​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຊາວໜຸ່ມຮາກຖານ ພວຕ ແຂວງ ເປີດພິທີປະ ກາດຮັບຮອງຂໍ້ແຂ່ງຂັນ 4 ບຸກຄັ້ງທີ I

ໃນຕອນ​ເຊົ້າວັນທີ 18 ກຸມພາ 2020, ທີ່ຫ້ອງປະ ຊຸມພະແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງເຊກອງ ໜ່ວຍ​ຊາວ​ໜຸ່ມ​ຮາ​ກ​ຖານ​ພະ​ແນກວິ ທະຍາສາດ ແລະ ເຕັກໂນໂລຊີແຂວງໄດ້​ເປີດພິທີ ປະກາດຮັບ

ຮອງ​ຂໍ້​ແຂ່ງ​ຂັນ 4 ບຸກຄັ້ງທີ I ຂື້ນພາຍໃຕ້ການເປັນປະທານຮ່ວມ ຂອງທ່ານ ປອ ຕຸລາວັນ ວົງໄຊ, ກໍາມະການສູນ ກາງຊາວໜຸ່ມ ປປລາວ, ເລຂາຄະນະບໍລິຫານງານຊາວໝຸ່ມແຂວງ, ທ່ານ ສຸ​ລະ​ພົນ ​ໝື່ນ​ວິ​ເສດ ເລຂາໜ່ວຍພັກ ຮາກຖານ ພະແນກວິທະຍາສາດ ແລະ ເຕັກໂນໂລຊີ ແຂວງ ແລະ ທ່ານ ນ ສິດ​ທິ​ພອນ ສີ​ບຸນ​ຄ້ຳ   ເລຂາໜ່ວຍ ຊາວໜຸ່ມຮາກຖານ, ມີບັນດາທ່ານຕາງໜ້າຄະນະ ໜ່ວຍຊາວໝຸ່ມຮາກຖານ ພະແນກການອ້ອມຂ້າງແຂວງ,3 ອົງການຈັດຕັ້ງມະຫາຊົນ ພ້ອມດ້ວຍສະມາຊິກ ຊາວໜຸ່ມພາຍໃນໜ່ວຍຮາກຖານເຂົ້າຮ່ວມທັ​ງ​ໝົດ 23 ສະ​ຫາຍ, ຍິງ  13 ສະ​ຫາຍ.

   ໃນວາລະກອງປະຊຸມທ່ານ ນາງ ສິດ​ທິ​ພອນ ສີ​ບຸນ​ຄ້ຳ   ເລຂາໜ່ວຍຊາວໝຸ່ມຮາກຖານພະແນກວິທະຍາສາດ ແລະ ເຕັກໂນໂລຊີແຂວງ ໄດ້ຂຶ້ນຜ່ານບົດສະຫຼຸບ ການປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈໍາປີ 2019 ແລະ ວາງທິດທາງແຜນການປະຈໍາປີ 2020 ພ້ອມທັງຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນຖອດຖອນໄດ້ ໂດຍພາຍໃຕ້ການຊີ້ນໍາໆພາຂອງຄະນະພັກ-ຄະນະນໍາພະແນກ, ຄະນະໜ່ວຍຊາວໝຸ່ມ ຍາມໃດກໍໄດ້ເອົາໃຈໃສ່ສຶກສາອົບຮົມການເມືອງ ນໍາພາແນວຄິດໃຫ້ສະມາຊິກຂອງຕົນຢ່າງເປັນປົກກະຕິ ໂດຍຖືເອົາການດໍາເນີນຊີວິດການເມືອງພາຍໃນໜ່ວຍ ແລະ ຂະແໜງການພາຍໃນເປັນບ່ອນຕໍານິ-ກໍສ້າງ, ຈັດຕັ້ງການຄົ້ນຄວ້າເຊື່ອມຊຶມ, ກໍາແໜ້ນມະຕິຂອງພັກ, ລະບຽບກົດໝາຍຂອງລັດ ແລະ ຂອງສູນກາງຊາວໝຸ່ມ ປປ ລາວວາງອອກ ຊຶ່ງເຮັດໃຫ້ສະມາຊິກຊາວໝຸ່ມ ພາຍໃນໜ່ວຍມີຄວາມເຂົ້າໃຈຢ່າງເລິກເຊິ່ງ ຕໍ່ແນວທາງການເມືອງ, ແຜນນະໂຍບາຍຂອງພັກ-ລັດ ແລະ ຫັນເປັນແຜນງານ-ເປັນໂຄງການລະອຽດສາມາດປະຕິບັດ ໃຫ້ປະກົດຜົນເປັນຈິງ.

      ໂດຍການປະຕິບັດຂໍ້ແຂ່ງຂັນ 4 ບຸກຄື: ບຸກທາງດ້ານການເມືອງ-ແນວຄິດປະຕິບັດໄດ້ 97%, ບຸກທາງດ້ານການຝຶກຝົນຫຼໍ່ຫຼອມ ແລະ ຮໍ່າຮຽນປະຕິບັດໄດ້ 98%, ບຸກທາງດ້ານວຽກງານການຈັດຕັ້ງປະຕິບັດໄດ້ 100% ແລະບຸກທາງດ້ານວິຊາຊີບ-ສ້າງວຽກເຮັດງານທໍາປະຕິບັດໄດ້ 99%.

       ໂອກາດດຽວກັນນັ້ນ, ທ່ານ ນາງ ສຸກສະດາ ມິດສຸວັນ ຮອງຫົວໜ້າຂະແໜງຂະບວນການ ແລະ ພັດທະນາວິຊາຊີບ, ຫ້ອງການຊາວໝຸ່ມ ປປ ລາວແຂວງກໍໄດ້ ຂຶ້ນຜ່ານຂໍ້ຕົກລົງ ຂອງຄະນະບໍລິຫານງານຊາວໝຸ່ມປະຊາຊົນ ປະຕິວັດລາວ ແຂວງເຊກອງສະບັບເລກທີ 55 ລົງວັນທີ 20 ມັງກອນ 2020 ວ່າດ້ວຍຮັບຮອງ ໜ່ວຍຮາກຖານຊາວໝຸ່ມພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ເປັນໜ່ວຍ 4 ບຸກ ສະໄໝທີ I ປະຈໍາປີ 2019. ໃຫ້ກຽດມອບໂດຍທ່ານ ປອ ຕຸລາວັນ ວົງໄຊ ເລຂາຄະນະບໍລິຫານງານຊາວໝຸ່ມແຂວງ.

      ໃນພິທີຍັງໄດ້ມີການມອບໃບຍ້ອງຍໍຂອງຄະນະບໍລິຫານງານຊາວໝຸ່ມແຂວງ ໃຫ້ສະມາຊິກຊາວໝຸ່ມພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ທີ່ປະກອບສ່ວນເຫື່ອແຮງ ແລະ ສະຕິປັນຍາເຂົ້າໃນຂະບວນການພັດທະນາວຽກງານຊາວໝຸ່ມ ກໍຄືດີເດັ່ນໃນການປະຕິບັດຂໍ້ແຂ່ງຂັນ 4 ບຸກປະຈໍາປີ 2019 ຈໍານວນ 14 ສະຫາຍ,ຍິງ5ສະຫາຍ.
       ຕອນທ້າຍພິທີທ່ານ ປອ ຕຸລາວັນ ວົງໄຊ ກໍໄດ້ຕີລາຄາສູງຕໍ່ການຊີ້ນໍາໆພາການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຄະນະໜ່ວຍຊາວໝຸ່ມ ພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ໃນໄລຍະຜ່ານມາ ແລະຮຽກຮ້ອງໃຫ້ສືບຕໍ່ເສີມຂະຫຍາຍຜົນງານທີ່ພົ້ນເດັ່ນເຂົ້າໃນການປະຕິບັດໜ້າທີ່ດ້ວຍຄວາມຮັບຜິດຊອບສູງ, ເອົາໃຈໃສ່ແກ້ໄຂຈຸດອ່ອນ-ຂໍ້ຄົງຄ້າງ ແລະ ຕ້ານທຸກບັນຫາປະກົດການຫຍໍ້ທໍ້ທີ່ຈະເກີດຂື້ນ, ໄປພ້ອມກັບການພັດທະນາວິຊາອາຊີບຂອງຊາວໜຸ່ມ,ສ້າງເສດຖະກິດຄອບ ຄົວ ແລະ ໂດຍແມ່ນນໍາໃຊ້ເຕັກນິກເຕັກໂນໂລຊີທີ່ທັນສະໄໝ ເຂົ້າໃນການພັດທະນາຕົນເອງ ແລະ ການຈັດຕັ້ງທີ່ພັກ-ລັດມອບໝາຍໃຫ້ດ້ວຍບາດກ້າວຫັນປ່ຽນໃໝ່ ພາຍໃຕ້ແນວທາງແຜນນະໂຍບາຍຂອງພັກ ແລະ ລະບຽບກົດໝາຍຂອງລັດນໍາອີກ.

 ບົດຂ່າວ: ລັດສະໝີ ກົມມະສິດ

ຮູບພາບ: ບຸດດີ ພົມພິທັກ


 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates