​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ກໍາມະບານຮາກຖານ ພວຕ ແຂວງ ເຂົ້າຮ່ວມ ຂະບວນການແຂ່ງຂັນກິລາ (ເປຕັງ)

ໃນວັນທີ 30 ມັງກອນ 2020 ຜ່ານມານີ້ ຢູ່ທີ່ເດີ່ມ ຮົ່ມແຂວງເຊກອງ ໄດ້ເປິດພິທີແຂ່ງຂັນກິລາ (ເປຕັງ) ຂື້ນໂດຍໃຫ້ກຽດເປັນປະທານ ເປີດພິທີ ຂອງທ່ານ ວົງເດືອນ ຈັນທະບຸດຊຽງ ກໍາມະການພັກແຂວງປະ ທານຄະ

ນະບໍລິຫານງານສະຫະພັນກຳມະບານແຂວງ,ມີທ່ານເລຂາຄະນະບໍລິຫານງານກໍາມະບານ ແລະ ເລຂາໜ່ວຍກໍາ ມະບານ, ຕະຫລອດຮອດສະມາຊິກ ກໍາມະບານທີ່ມາຈາກຮາກຖານ ພະແນກການ, ຫ້ອງການ, ລັດວິສາຫະກິດ ເຂົ້າຮ່ວມທັງໝົດ 200 ກ່ວາຄົນ.

      ຈຸດປະສົງຂອງການສ້າງຂະບວນການໃນຄັ້ງນີ້ແມ່ນ ເພື່ອຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ  VI ຜູ້ແທນ ສະຫະພັນກໍາມະບານແຂວງ, ພິທີປະກາດ ຮັບຮອງສະຫະພັນກໍາມະບານແຂວງ ເປັນສະຫະພັນກໍາມະບານ 5 ເປັນເຈົ້າ ແລະ ວັນສ້າງຕັ້ງສະຫະພັນກໍາມະບານລາວ (ວັນທີ 1 ກຸມພາ 1865 – 1 ກຸມພາ 2020) ຄົບຮອບ 64 ປີ ແລະ ທັງເປັນການ ສ້າງຄວາມສະໜານສະມັກຄີ, ມີໄມຕີຈິດມິດຕະພາບໃນໝູ່ສະມາຊິກກໍາມະບານ ໃຫ້ມີຄວາມໜັກແໜ້ນເຂັ້ມແຂງ ໂດຍຖືເອົາຂະບວນການ ກິລາເປັນສື່ກາງ, ການແຂ່ງຂັນກິລາ (ເປຕັງ) ໃນຄັ້ງນີ້ມີຕົວແທນຄະນະນັກກິລາຈາກຮາກຖານກໍາມະບານຂອງແຕ່ລະພະແນກການ, ຫ້ອງການຂອງລັດ, ລັດວິສາ ຫະກິດ ແລະ ສອງກຳລັງ ປກສ-ປກຊ ອ້ອມຂ້າງແຂວງ ເຂົ້າຮ່ວມທັງໝົດ 67 ທິມ, ຈັດເປັນສອງປະເພດການແຂ່ງຂັນຄື: ປະເພດທິມຊາຍທົ່ວໄປມີ 50 ທິມ ແລະ ທິມຍິງທົ່ວໄປມີ 17 ທີມ, ເຊິ່ງຄະນະທິມຊາຍກໍາມະບານຮາກຖານພະແນກວິທະຍາສາດ ແລະ ເຕັກໂນໂລຊີແຂວງ ຢູ່ໃນກຸ່ມ H ມີຢູ່ 4ທີມຄື: ອົງການກາແດງ, ພະແນກສຶກສາທິການ ແລະ ກິລາແຂວງ ແລະ ທະນາຄານນະໂຍບາຍ, ຈະເປັນການແຂ່ງຂັນເຂົ້າຮອບ 16 ທີມ, ນັດທີ1 ພົບກັບທິມ ອົງການກາແດງເຊິ່ງກໍາມະບານ ພວຕ ຊະນະດ້ວຍຄະແນນ 11 ຕໍ່ 8,  ນັດທີ 2 ພົບກັບທິມ ພະແນກສຶກສາທິການ ແລະ ກິລາແຂວງ ເສຍດ້ວຍຄະແນນ 2 ຕໍ່ 11 ແລະ ນັດ 3 ພົບກັບທິມ ທະນາຄານນະໂຍບາຍເສຍດ້ວຍຄະແນນ 10 ຕໍ່ 11, ການເຂົ້າຮ່ວມການແຂ່ງຂັນໃນແຕ່ລະນັດ ຄະນະນັກກິລາກໍາມະບານພະແນກກໍ່ໄດ້ສູ້ຊົນໃຊ້ທຸກຄວາມສາມາດ ເພື່ອຍາດແຍ່ງຜົນງານການແຂ່ງຂັນທີ່ດີແຕ່ຜົນການແຂ່ງຂັນ ປະກົດວ່າ ທິມກໍາມະບານຊາຍ ພວຕ ແຂວງ ພວກເຮົາໄດ້ ຕົກຮອບ 16 ທີມ ໄປຢ່າງໜ້າເສຍດາຍ.

ບົດຂ່າວ: ນ.ລັດສະໝີ ກົມມະສິດ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates