​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ສ້າງຂະບວນການຂໍ່ານັບຮັບຕ້ອນກອງປະຊຸມ ໃຫ່ຍຂອງໜ່ວຍພັກຮາກຖານ ພວຕ

ເພື່ອຂໍ່ານັບຮັບຕ້ອນກອງປະຊຸມໃຫ່ຍຂອງໜ່ວຍພັກ ຮາກຖານ ພວຕ ແຂວງເຊກອງ ທີ່ຈະໄຂຂື້ນໃນເວລາ ອັນໃກ້ໆນີ້ ບັນດາອົງການຈັດຕັ້ງສະຫະພັນແມ່ຍິງ, ກໍາມະບານ, ຊາວໜຸ່ມ ຮາກຖານພະແນກ ວິທະຍາ ສາດ

ແລະ ເຕັກໂນໂລຊີ ໄດ້ມີການອອກແຮງງານລວມ ປະດັບປະດາ ເອ້ຍ້ອງ ທາສີຮົ້ວ ແລະ ຫ້ອງການ ເພື່ອໃຫ້ ມີສວຍສົດງົດງາມ ແລະ ສະອາດງາມຕາ, ນອກນັ້ນ,ຍັງໄດ້ສ້າງຂະບວນການແຂ່ງຂັນກິລາບານເຕະ(ຟຸດຊໍ) ຮ່ວມ ກັບພະແນກ ແຜນການ ແລະ ການລົງທືນແຂວງນໍາອີກ ເພື່ອເປັນການສ້າງຄວາມສະໝານສາມັກຄີ ລະຫວ່າງ ສອງພະແນກ ຄຽງຄູ່ກັບການປະຕິບັດໜ້າທີ່ວຽກງານໄປພ້ອມໆກັນ ສະນັ້ນ,ຈິ່ງຫັນມາອອກກຳລັງກາຍ ເພື່ອສຸຂະ ພາບ, ມິດຕະພາບ, ຄວາມຜູກພັນ, ໄມຕີຈິດອັນຈົບງາມ ຂອງຊາວໜຸ່ມ,ສະຫະແມ່ຍິງ ແລະ ກຳມະບານ ເຊິ່ງຂະບວນ ການດັ່ງກ່າວນຳພາໂດຍຄະນະເລຂາຊາວໜຸ່ມພ້ອມດ້ວຍນັກກິລາຂອງສອງພະແນການ ເຂົ້າຮ່ວມທັງ ໝົດ 25 ຄົນ, ຍິງ 3 ຄົນ.

  ການແຂ່ງຂັນກິລາຄັ້ງນີ້ ກໍເປັນສ່ວນສຳຄັນຂອງການສ້າງຂະບວນການເພື່ອຂໍ່ານັບຮັບຕ້ອນກອງປະຊຸມໃຫ່ຍຂອງໜ່ວຍພັກຮາກຖານ ພວຕ ແລະ ທັງເປັນການສ້າງ ຂະບວນການປະຕິບັດຂໍ້ແຂ່ງຂັນ 4 ບຸກຂອງຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ກໍຄືຊາວໜຸ່ມຂອງ ພວຕ ໃຫ້ມີຂະບວນການຟົດຟື້ນ, ມ່ວນ ຊື່ນຊຶ່ງຜົນການແຂ່ງຂັ້ນຄັ້ງນີ້ພະແນກ ແຜນການ ແລະ ການລົງທຶນ ຊະນະ ພະແນກວິທະຍາສາດ ແລະ ເຕັກໂນໂລຊີ 7: 2 ປະຕູ, ໃນຄັ້ງວັນທີ 16 ມັງກອນ 2019 ຢູ່ທີ່ເດີ່ນບານເຕະໂປຍຊຽນ,

ບົດຂ່າວ ແລະ ຮູບພາບ: ນ.ລັດສະໝີ ກົມມະສິດ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates