​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ໜ່ວຍສະຫະພັນແມ່ຍິງ ພວຕ ແຂວງ ຈັດພິທີ ຮັບຮອງເປັນໜ່ວຍ 3 ດີ

0036ໃນຕອນເຊົ້າວັນທີ 22 ມັງກອນ 2019 ໜ່ວຍສະ ຫະພັນແມ່ຍິງ ພວ​ຕ ແຂວງ ໄດ້ຈັດພິທີຮັບຮອງ ເປັນໜ່ວຍ ສະຫະພັນຍິງ 3 ດີໃນໄລຍະ I (ປີ 2016-2017) ເຊິ່ງພິທີດັ່ງກ່າວໄດ້ຈັດຂຶ້ນທີ່ຫ້ອງ ປະຊຸມພະແນກວິ​ທະ​ຍາ

​ສາດ ແລະ ເຕັກໂນໂລຊີແຂວງ ໂດຍໃຫ້ກຽດເຂົ້າຮ່ວມ ຂອງທ່ານ ນາງ ເພັດດາແກ້ວ ພົນສະຫຼາດ ຮອງປະ ທານສະຫະພັນແມ່ຍິງແຂວງ ແລະທ່ານ ລໍາພັນ ແກ້ວມະຫາໄຊ ຮອງເລຂາໜ່ວຍພັກຮາກຖານ ພະແນກ ວິທະຍາສາດ ແລະ ເຕັກໂນໂລຊີແຂວງມີທ່ານຕາງໜ້າຈາກຄະນະໜ່ວຍສະຫະພັນແມ່ຍິງພະແນກການອ້ອມ ຂ້າງແຂວງ3 ອົງການຈັດຕັ້ງມະຫາຊົນ ພ້ອມດ້ວຍສະຫາຍສະມາຊິກສະຫະພັນແມ່ຍິງພາຍໃນໜ່ວຍເຂົ້າ ຮ່ວມທັ​ງ​ໝົດ 15 ສະ​ຫາຍຍິງ 12 ສະ​ຫາຍ.

            ນະໂອກາດນີ້ ທ່ານ ນາງ ດາວັນ ຜາງທະວົງ ຮອງປະທານໜ່ວຍສະຫະພັນແມ່ຍິງ ພວຕ ແຂວງ ໄດ້ຂຶ້ນຜ່ານບົດສະຫຼຸບລາຍງານການຈັດຕັ້ງປະຕິບັດຂໍ້ແຂ່ງຂັນ 3 ດີ ໄລຍະທີ I ປີ (2016-2017) ແລະ ທິດ ທາງແຜນການ ໄລຍະທີ II ປີ (2018-2019)ເຊິ່ງທ່ານໄດ້ຍົກໃຫ້ເຫັນຫຼາຍດ້ານທີ່ພົ້ນເດັ່ນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ໃນການເຄື່ອນໄຫວ ຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫາຍສະມາຊິກພາຍໃນໜ່ວຍ ແລະ ສະຫາຍສະມາຊິກພາຍໃນໜ່ວຍກໍ່ໄດ້ເຂົ້າຮ່ວມຂະບວນການແຂ່ງຂັນ 3 ດີ ທັງໝົດ 100% ຜ່ານການຈັດຕັ້ງປະຕິບັດສາມາດປະເມີນສະມາຊິກສະຫະພັນແມ່ຍິງທີ່ຈັດຕັ້ງປະຕິບັດຂໍ້ແຂ່ງຂັນ 3 ດີຄື: ພົນລະເມືອງດີ, ພັດທະນາດີ ແລະ ສ້າງຄອບຄົວ ດີມີຄວາມຜາສຸກ ໄດ້ຈຳນວນ 9 ຄົນ ເທົ່າກັບ 100%. ຄັດເລືອກຈັດປະເພດໄດ້ສະຫາຍສະມາຊິກທີ່ດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີປະເພດ I ມີ 6 ສະຫາຍ ກວມເອົາ 66,66% ຂອງຜູ້ເຂົ້າຮ່ວມແຂ່ງຂັນທັງໝົດ ແລະ ປະເພດ II ມີ 3 ສະຫາຍ ກວມເອົາ 33,33% ຂອງຜູ້ເຂົ້າຮ່ວມທັງໝົດ; ຕໍ່ກັບໝາກຜົນ ແລະ ຜົນງານຂອງສະຫາຍສະມາຊິກພາຍໃນໜ່ວຍຍາດມາໄດ້ນັ້ນ ເຮັດໃຫ້ໜ່ວຍສະຫະພັນແມ່ຍິງພະແນກວິທະຍາສາດ ແລະ ເຕັກໂນໂລຊແຂວງ ຖືກຮັບຮອງ ເປັນໜ່ວຍ 3 ດີ ໃນໄລຍະ I (2016-2017),​ ເພື່ອຮັກສາຜົນງານທີ່ຍາດມາໄດ້ໃນໄລຍະທີ I ນັ້ນ,​ ໜ່ວຍກໍ່ໄດ້ກໍານົດທິດທາງແຜນການເຄື່ອນໄຫວຈັດຕັ້ງປະຕິບັດ ຂໍ້ແຂ່ງຂັນ 3 ດີ ໄລຍະທີ II (2018-2019)ໂດຍຈະສືບຕໍ່ຈັດຕັ້ງເຊື່ອມຊຶມເນື້ອໃນຄໍາຂວັນ ແລະ ຂໍ້ແຂ່ງຂັນ 3 ດີຂອງສູນກາງສະຫະພັນແມ່ຍິງລາວ, ຈັດຕັ້ງເຜີຍ ແຜ່ແຜນການເຄື່ອນໄຫວຈັດຕັ້ງປະຕິບັດຂໍ້ແຂ່ງຂັນ 3 ດີຂອງໜ່ວຍ ພ້ອມທັງເປີດຂະບວນການແຂ່ງຂັນ 3 ດີ ໃຫ້ສະມາຊິກພາຍໃນໜ່ວຍຂອງຕົນໃຫ້ໄດ້ 100%, ສູ້ຊົນສ້າງສະມາຊິກໃຫ້ກາຍເປັນພົນລະເມືອງດີໃຫ້ໄດ້ 100%, ສ້າງສະມາຊິກທີ່ພັດທະນາດີ ໃຫ້ໄດ້ 90% ຂຶ້ນໄປ ແລະ ສ້າງຄອບຄົວຂອງສະມາຊິກໃຫ້ເປັນ ຄອບຄົວດີ ມີຄວາມຜາສຸກ ໃຫ້ໄດ້ຫຼາຍກວ່າ 90% ແລະ ສ້າງສະມາຊິກ ສະຫະພັນແມ່ຍິງ 3 ດີຂອງໜ່ວຍໃຫ້ໄດ້ 80% ຂຶ້ນໄປ.
       ພ້ອມດຽວກັນນີ້ ທ່ານ ນາງ ເພັດດາແກ້ວ ພົນສາຫຼາດ ຮອງປະທານສະຫະພັນແມ່ຍິງແຂວງ, ກໍ່ໄດ້ມີ ຄຳເຫັນໂອ້ລົມ ເຊິ່ງທ່ານໄດ້ເໜັ້ນໜັກໃຫ້ຄະນະໜ່ວຍ ພ້ອມດ້ວຍສະມາຊິກຕ້ອງໄດ້ເອົາໃຈໃສ່ສູ້ຊົນຮັກສາໄວ້ມູນເຊື້ອທີ່ຍາດມາໄດ້ໃນໄລຍະທີ I ພ້ອມກັນນັ້ນກໍ່ໄດ້ຮຽກຮ້ອງໃຫ້ເອົາໃຈໃສ່ສູ້ຊັນປະຕິບັດແຜນການ ໄລຍະ ທີ  II ໃຫ້ບັນລຸຕາມເປົ້າໝາຍ, ນອກນັ້ນທ່ານຍັງໄດ້ຊີ້ນຳໃຫ້ໜ່ວຍຈັດຕັ້ງກຸ່ມທ້ອນເງິນຂອງໜ່ວຍ ເພື່ອເປັນກອງທຶນຊ່ວຍເຫລື່ອເຊິ່ງກັນ ແລະ ກັນ ໃນການພັດ ທະນາເສດຖະກິດຄອບຄົວ ແລະ ແກ້ໄຂຄວາມຈຳເປັນພາຍໃນສະມາຊິກ ຕາມທີ່ສະຫະພັນແມ່ຍິງລາວວາງອອກ ໂດຍຖືເອົາການເຜີຍແຜ່ເອກະສານສຳຄັນຕ່າງໆ ຂອງພັກ-ລັດ ກໍຄືຂອງສູນກາງສະຫະພັນແມ່ຍິງລາວວາງອອກໃນແຕ່ລະໄລຍະ ແລະ ເອົາແຜນການຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບການຈັດຕັ້ງ ປະຕິບັດວຽກງານວິຊາສະເພາະເປັນຕົ້ນຕໍ, ເອົາໃຈໃສ່ສຶກສາອົບຮົມດ້ານການເມືອງແນວຄິດເປັນກົກ, ເຊື່ອມຊຶມເອກະສານສໍາຄັນຂອງພັກ, ຂອງຊາດຢ່າງເປັນປົກ ກະຕິ, ພ້ອມກັນບຸກບືນປະກອບສ່ວນຈັດຕັ້ງປະຕິບັດວຽກງານວິຊາສະເພາະຢ່າງຕັ້ງໜ້າ ຕິດພັນກັບວຽກງານອົງການຈັດຕັ້ງແມ່ຍິງ, ພ້ອມນັ້ນ ຕ້ອງໄດ້ເສີມຂະ ຫຍາຍມູນເຊື້ອປົກປັກຮັກສາຮີດຄອງປະເພນີອັນງາມຂອງຊາດຂອງເຜົ່າ, ຮັກສາຄວາມສາມັກຄີເປັນປຶກແຜ່ນ, ນອກນີ້ຕ້ອງໄດ້ຝຶກຝົນຫຼໍ່ຫຼອມ ແລະ ພັດທະນາ ຕົນເອງໃນດ້ານຕ່າງໆໃຫ້ສູງຂຶ້ນເລື້ອຍໆ.

  ບົດຂ່າວ: ລັດສະໝີ ກົມມະສິດ

ຮູບພາບ: ບຸດດີ ພົມພິທັກ

0037 0038 0039 0040 0041 0042 0043 0044 0045

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates