​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຊາວໝຸ່ມ ກວຕ ແລະຊາວໝຸ່ມແຂວງເຊກອງ ລົງນາມບົດບັນທຶກແຮກສ່ຽວ

ຂ່າວ ແລະ ພາບ: ມະນີໄຊ ເທບໄກສອນ

  ໃນຕອນເຊົ້າຂອງວັນທີ 29 ກັນຍາ 2020 ຢູ່ສະໂມສອນໃຫຍ່ແຂວງເຊກອງ ໄດ້ມີພິທີລົງນາມ ບົດບັນທຶກແຮກສ່ຽວລະຫວ່າງ ຄະນະບໍລິຫານງານ ຊາວໜຸ່ມປະຊາຊົນປະຕິວັດລາວ, ກະຊວງວິທະຍາສາດ ແລະເຕັກ

ໂນໂລຊີ (ກວຕ) ກັບຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງເຊກອງ ໂດຍການໃຫ້ກຽດ ເຂົ້າຮ່ວມເປັນສັກຂີ ພິຍານຂອງທ່ານ ບັນດິດ ສຈ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະເຕັກໂນໂລຊີ, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ພ້ອມດ້ວຍບັນດາແຂກຖືກເຊີນອ້ອມຂ້າງແຂວງ ແລະຄະນະບໍລິຫານ ງານຊາວໜຸ່ມທັງສອງຝ່າຍເຂົ້າຮ່ວມ.

 ຈຸດປະສົງຂອງການລົງນາມບົດບັນທຶກໃນຄັ້ງນີ້ ແມ່ນເພື່ອເປັນການເພີ່ມທະວີຮັດແໜ້ນຄວາມສາມັກຄີ ລະຫວ່າງຊາວໜຸມກະຊວງວິທະຍາສາດ ແລະເຕັກໂນໂລຊີ ກັບຊາວໜຸ່ມແຂວງເຊກອງ ໂດຍສະເພາະແມ່ນການພົບປະຮ່ວມມື, ແລກປ່ຽນບົດຮຽນໃຫ້ການຊ່ວຍເຫຼືອ ເຊິ່ງກັນ ແລະກັນທາງດ້ານວຽກງານຂະບວນການ ກໍຄືວຽກງານວິຊາສະເພາະເວົ້າລວມ, ເວົ້າສະເພາະແມ່ນໃນຂົງເຂດວຽກງານວິທະຍາສາດ ແລະເຕັກໂນໂລຊີ.

 ໃນບົດບັນທຶກດັ່ງກ່າວ ທັງສອງຝ່າຍໄດ້ຕົກລົງເຫັນດີເປັນເອກະພາບແຮກສ່ຽວ ແລະໃຫ້ການຊ່ວຍເຊິ່ງກັນ ແລະກັນຄື: ເພີ່ມທະວີການພົວພັນປະສານສົມ ທົບໃນການຈັດຕັ້ງເຄື່ອນໄຫວກິດຈະກໍາລະຫວ່າງຄະນະບໍລິຫານງານຊາວໝຸ່ມແຂວງເຊກອງ ແລະຄະນະບໍລິຫານງານຊາວໝຸ່ມກະຊວງວິທະຍາສາດ ແລະເຕັກໂນໂລຊີ ເພື່ອປະກອບສ່ວນຢ່າງຕັ້ງໜ້າໃນການພັດທະນາອົງການຂອງຕົນໃຫ້ມີຄວາມເຂັ້ມແຂງ ແລະພັດທະນາດີຂຶ້ນເລື້ອຍໆ.

 ຮ່ວມລົງນາມໃນບົດບັນທຶກຄັ້ງນີ້ ແມ່ນທ່ານ ຕຸລາວັນ ວົງໄຊ ເລຂາຄະນະບໍລິຫານງານຊາວໝຸ່ມແຂວງເຊກອງ ແລະທ່ານ ພຸດທະສັກ ວິຈິດຕຣາ ເລຂາຄະນະບໍລິ ຫານງານຊາວໜຸມ ກະະຊວງວິທະຍາສາດ ແລະເຕັກໂນໂລຊີ.


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates