​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ເຊກອງສ້າງຂະບວນການອະນາໄມລວມ

  ໃນວັນທີ 17 ກໍລະກົດ 2020 ຜ່ານມານີ້ ຄະນະພັກ, ຄະນະພະແນກ, ຕະຫລອດຮອດພະ ນັກງານລັດ ຖະກອນພາຍໃນພະແນກວິທະຍາສາດ ແລະ ເຕັກ ໂນໂລຊີ ແຂວງເຊກອງໄດ້ເຂົ້າ

ຮ່ວມຂະບວນການ ອະນາໄມລວມ ເພື່ອຂ່ຳນັບຮັບຕ້ອນກອງປະຊຸມໃຫ່ຍຂອງອົງຄະນະພັກແຂວງ ຄັ້ງທີ X ໃນທົ່ວເທດສະບານແຂວງ ກໍຄືເທດສະບານເມືອງ ລະມາມ ນຳພາໂດຍທ່ານ ວຽງໄຊ ວໍລະສິງ ຮອງຫົວໜ້າ ພະແນກວິທະຍາສາດ ແລະ ເຕັກໂນໂລຊີແຂວງເຊກອງ.

 ໂດຍມີຈຸດປະສົ່ງ ເພື່ອເຮັດໃຫ້ຕົວເມືອງມີຄວາມສະອາດສວຍງາມ, ບໍ່ມີຂີ້ເຫຍື້ອ ແລະ ປະສາຈາກສິ່ງຮົກເຮື້ອ ຕ່າງໆ ຕາມເຂດສາທາລະນະ, ສຳນັກງານ ອົງການ, ສະຖານທີ່ບໍລິການ, ຫ້າງຮ້ານ ແລະ ໜ້າເດີ່ນບ້ານເຮືອນ ຊານບ້ານຊ່ອງຂອງປະຊາຊົນ ໃນເທດສະບານແຂວງ ກໍຄືເທດສະບານເມືອງລະມາມ ໃນການຮັກສາ ອະນາໄມ ລວມຄັ້ງນີ້ເພື່ອເປັນການຂ່ຳນັບຮັບຕ້ອນກອງປະຊຸມໃຫ່ຍ ຄັ້ງທີ X ຂອງອົງຄະນະພັກແຂວງທີ່ຈະໄຂຂື້ນໃນທ້າຍເດືອນ ກໍລະກົດ 2020 ນີ້ໃຫ້ມີຂະບວນຟົດຟື້ນ, ເຫັນໄດ້ຄວາມສຳຄັນໃນການດໍາລົງຊີວິດ ໃຫ້ຖືກຫລັກອະນາໄມຕົວເມືອງ ເພື່ອເປັນທີ່ເອກອ້າງ ແລະ ດຶ່ງດູດໃຫ້ແຂກທັງພາຍໃນ ແລະ ຕ່າງປະເທດ ມາທ່ອງທ່ຽວ ແຂວງເຊກອງໃຫ້ຫລາຍຂຶ້ນ ແລະ ມີຄວາມສວຍງາມອີກດ້ວຍ.

  ການສ້າງຂະບວນການອະນາໄມລວມໃນຄັ້ງ ມີເກັບຂີ້ເຫຍື້ອ,ສິ່ງເສດເຫຼືອກີດຂວາງຕ່າງໆ,ຕັດຫຍ້າ, ເສຍຫຍ້າຕາມຟຸດບາດ ໂດຍສະເພາະແມ່ນ ເສັ້ນທາງສາຍຫລັກ ແລະ ເສັ້ນທາງຊອຍທາງສວນຫລັກເມືອງຫາພະແນກ ວິທະຍາສາດແລະເຕັກໂນໂລຊີ. ມີຜູ້ເຂົ້າຮ່ວມທັງໝົດ 18 ຄົນ, ຍິງ 4 ຄົນ.

ບົດຂ່າວ-ຮູບພາບ: ຄ່ຽມແກ້ວ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates