​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ແຂວງເຂົ້າຮ່ວມຂະບວນການປູກຕົ້ນ ໄມ້ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ

ໃນຕອນເຊົ້າວັນທີ 1 ມິຖຸນາ 2019 ພະແນກ ວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ເຂົ້າຮ່ວມພີທີສະເຫຼີມສະຫຼອງວັນເດັກນ້ອຍສາ

ກົນ ແລະ ວັນປູກຕົ້ນໄມ້ແຫ່ງຊາດ (ວັນທີ 1 ມິຖຸນາ 2020), ຢູ່ທີ່ເຂດປ່າສະຫງວນແຫຼ່ງທ່ອງທ່ຽວທໍາມະຊາດ ຕາດແຝກ ແຂວງເຊກອງ ເຊິ່ງນຳພາໂດຍ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ, ມີທ່ານໃນຄະນະພະແນກ, ຫົວໜ້າຫ້ອງການ ແລະ ຮອງຫົວໜ້າຫ້ອງການ, ຫົວໜ້າຂະແໜງ ແລະ ຮອງຫົວໜ້າຂະແໜງ ພ້ອມດ້ວຍພະນັກງານລັດຖະກອນ ພາຍໃນພະແນກວິທະຍາສາດ ແລະ ເຕັກໂນໂລຊີແຂວງ ເຂົ້າຮ່ວມຢ່າງເປັນຂະບວນຟົດຟື້ນ.

  ທ່ານ ສະໜອງ ສິມມາວັດ ຮອງຫົວໜ້າຫ້ອງການກະສິກໍາ ແລະປ່າໄມ້ເມືອງລະມາມ ໄດ້ກ່າວວ່າ: ການຈັດກິດ ຈະກໍາປູກຕົ້ນໄມ້ໃນຄັ້ງນີ້ ແມ່ນເພື່ອສະໜັບສະໜູນນະໂຍບາຍຂອງລັດຖະບານລາວໃນການເພີ່ມເນື້ອທີ່ສີຂຽວໃຫ້ ສປປ ລາວ, ທັງເປັນການປູກຈິດສຳນຶກໃຫ້ພະນັກ ງານພວກເຮົາໃນການປູກຕົ້ນໄມ້ ເຊິ່ງໃນໄລຍະຜ່ານມາ ພວກເຮົາກໍ່ໄດ້ຈັດກິດຈະກຳນີ້ຂຶ້ນ ແລະ ພິເສດປີນີ້ ເມືອງລະມາມພວກເຮົາຈະປູກໃຫ້ໄດ້ໃນເນື້ອທີ່ 300 ເຮັກຕາ ໂດຍມີໄມ້ດູ່,ໄມ້ຍາງ, ໄມ້ຈໍາປາປ່າ, ໄມ້ສັກ, ໄມ້ແຄນເຮືອ, ໄມ້ຄູນ ແລະ ໄມ້ອື່ນໆ 7 ແສນກວ່າເບ້ຍ.

 ທ່ານຮອງຫົວໜ້າຫ້ອງການກະສິກໍາ ແລະ ປ່າໄມ້ເມືອງກ່າວຕື່ມວ່າ: ການປູກໃນມື້ນີ້ ແມ່ນມີຄວາມສໍາຄັນຫຼາຍເພາະເປັນການປະກອບສ່ວນເຂົ້າໃນການບັນລຸ ຄາດໝາຍປະເທດພວກເຮົາ ໂດຍສະເພາະແມ່ນເຮັດແນວໃດໃຫ້ປ່າຈະເພີ່ມເນື້ອທີ່ປົກຫຸ້ມສີຂຽວ, ການປົກປັກຮັກສາຊັບພະຍາກອນທໍາມະຊາດ ທີ່ຖືກທໍາລາຍ ແລະ ສູນເສຍໄປ ພາຍຫລັງໄດ້ປູກແລ້ວທາງຫ້ອງການກະສິກໍາ ແລະ ປ່າໄມ້ເມືອງໄດ້ຈັດພະນັກງານວິຊາການຮັບຜິດຊອບ ລົງຕິດຕາມ ເພື່ອເຮັດໃຫ້ອັດຕາການຕາຍຂອງ ເບ້ຍໄມ້ ໜ້ອຍທີ່ສຸດ ທຽບໃສ່ປີຜ່ານມາ ເພີ່ມຂື້ນເປັນຈໍານວນຫລາຍ ແລະ ອັດຕາການລອດຕາຍ ປີ 2019 ປະຕິບັດໄດ້ 75%.

                                                                                                                                   ບົດຂ່າວ: ລັດສະໝີ ກົມມະສິດ

                                                                                                                                       ຮູບພາບ: ບຸດດີ ພົມພິທັກ

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates