​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ສ້າງຂະບວນການແຂ່ງຂັນກິລາ

0125ໃນຕອນບ່າຍຂອງວັນທີ5 ເມສາ 2019 ຜ່ານມານີ້ ຢູ່ທີ່ເດີ່ນກິລາເປຕັງຂອງ ແຂວງອັດຕະປື ແລະ ເດີ່ນບານເຕະໂດ​ນັດ, ພະແນກວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ ສ້າງຂະບວນ ການແຂ່ງຂັນ

ກິລາ ເພື່ອສຸຂະພາບ, ມິດຕະພາບ ແລະ ຄວາມສາມັກຄີພາຍໃນ ພາຍຫຼັງທີ່ສຳເລັດກອງປະຊຸມພົບປະແລກ ປ່ຽນບົດຮຽນໃນຕອນເຊົ້າ ເຊິ່ງຂະບວນການແຂ່ງຂັນກິລາໃນຄັ້ງນີ້ນຳພາໂດຍຄະນະນໍາຂອງແຕ່ລະແຂວງ ພ້ອມດ້ວຍອ້າຍນ້ອງພະນັກງານລັດຖະກອນ 4 ແຂວງ ເຂົ້າຮ່ວມທັງໝົດ 110 ຄົນ, ຍິງ 28 ຄົນ.

      ການສ້າງຂະບວນການແຂ່ງຂັນກິລາໃນຄັ້ງນີ້ ແມ່ນເພື່ອສ້າງໄມຕີຈິດ ມິດຕະພາບ ແລະ ຄວາມສາມັກຄີ ພິເສດ ລະຫວ່າງ ການນຳ ແລະ ພະນັກງານລັດຖະກອນ ໃນຂົງເຂດວິທະຍາສາດ ແລະ ເຕັກໂນໂລ ຊີ 4 ແຂວງພາກໃຕ້ ໂດຍກິລາທີ່ແຂ່ງຂັນໃນຄັ້ງນີ້ປະກອບມີ 2ປະເພດ, ມີ 4 ລາຍການ ຄື: ກິລາເປຕັງ ການນຳ, ກິລາເປຕັງຊາວໜຸ່ມຊາຍ, ກິລາເປຕັງຊາວໜຸ່ມຍິງ ແລະ ກິລາບານເຕະຊາຍທົ່ວໄປ ໃນນີ້ຜົນການ ແຂ່ງຂັນກິລາເປຕັງການນໍາ ທິມຊະນະເລີດໄດ້ແກ່ ພະແນກວິທະຍາສາດ ແລະ ເຕັກໂນໂລຊີແຂວງເຊກອງ, ກິລາເປຕັງຊາວໜຸມຍິງ ທິມຊະນະເລີດໄດ້ແກ່ ພວຕ ແຂວງອັດຕະປຶ, ກິລາເປຕັງຊາວໜຸ່ມຊາຍທິມຊະນະເລີດໄດ້ແກ່ ພວຕ ແຂວງອັດຕະປຶ ແລະ ກິລາບານເຕະຊາຍທົ່ວໄປ ທິມທີ່ຊະນະເລີດໄດ້ແກ່ ພວຕ ແຂວງຈໍາປາສັກ.

ບົດຂ່າວ: ນ.ລັດສະໝີ ກົມມະສິດ

ຮູບພາບ: ບຸດດີ ພົມພິທັກ

0127 0126 0128 0129 0130 0132 0133 0131 0134

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates