​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ກອງປະຊຸມ ເຜີຍແຜ່ວຽກງານ ວິທະຍາສາດ ແລະ ເຕັກໂນໂລຊີຢູ່ແຂວງເຊກອງ

ໃນວັນທີ 10 ທັນວາ 2020 ຜ່ານມານີ້, ທີ່ຫ້ອງ ປະຊຸມຊັ້ນ III ຂອງຫ້ອງວ່າການແຂວງເຊກອງ ກົມ ແຜນການ ແລະ ການຮ່ວມມື, ກະຊວງວິທະ ຍາສາດ ແລະ ເຕັກໂນໂລຊີ (ກວຕ) ຮ່ວມກັບພະ ແນກວິທະຍາສາດ

ແລະ ເຕັກໂນໂລຊີແຂວງ ໄດ້ຈັດກອງປະຊຸມເຜີຍແຜ່ວຽກງານວິທະຍາສາດ ແລະເຕັກໂນໂລຊີຂຶ້ນ ໂດຍໃຫ້ກຽດ ເປັນປະທານຮ່ວມ ຂອງທ່ານ ປອ ຄໍາເພັດ ວົງດາລາ ຫົວໜ້າກົມແຜນການ ແລະ ຮ່ວມມື, ກວຕ ແລະ ທ່ານ ສຸລະພົນ ໜື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງເຊກອງ.

          ຈຸດປະສົ່ງຂອງກອງປະຊຸມຄັ້ງນີ້ແມ່ນເພື່ອເປັນການສຳຫຼວດ ແລະເກັບກຳຂໍ້ມູນ ບັນດາສິນຄ້າປາຍແຫຼມ, ພ້ອມທັງຕິດຕາມ, ຊຸກຍູ້ສົ່ງເສີມ ໃຫ້ຜູ້ປະກອບການ ແລະ ຊາວກະສິກອນຜູ້ຜະລິດ ຫັນເອົາການນຳໃຊ້ວິທະຍາ ສາດ ເຕັກໂນໂລຊີ ແລະນະວັດຕະກຳ ເປັນກຳລັງແຮງໃນການຫັນເອົາສິນຄ້າ ຫຼື ຜະລິດຕະພັນພູມປັນຍາ ຂອງທ້ອງຖິ່ນ ມາເປັນອຸດສາຫະກຳຫຼັກ ໃນການຊົມໃຊ້ສິນຄ້າທີ່ມີຄຸນນະພາບ ແລະໄດ້ມາດຕະຖານ ສາມາດແຂ່ງຂັນກັບພາກພື້ນ ແລະສາກົນ.

   ໃນວາລະໂອກາດດັ່ງກ່າວນີ້ ຜູ້ເຂົ້າຮ່ວມໄດ້ຮັບຟັງການເຜີຍແຜ່ຄວາມຮູ້ພື້ນຖານກ່ຽວຊັບສິນທາງປັນຍາ,ບົດບາດຄວາມສຳຄັນຂອງວຽກງານຊັບສິນທາງປັນຍາ, ວຽກ ງານມາດຕະຖານ ແລະວັດແທກ ຕໍ່ກັບການສົ່ງເສີມການຜະລິດເປັນສິນຄ້າ ແລະການຄ້ຳປະກັນຄວາມໝັ້ນຄົງດ້ານສະບຽງອາຫານ ເປັນຕົ້ນ: ບັນດານິຕິກໍາທີ່ຕິດພັນ ກັບວຽກງານດັ່ງກ່າວເຊັ່ນ: ເຄື່ອງໝາຍການຄ້າ, ເງື່ອນໄຂທີ່ໄດ້ຮັບການຢັ້ງຢືນເຄື່ອງໝາຍການຄ້າ, ເຄື່ອງໝາຍທີ່ບໍ່ສາມາດຈົດທະບຽນໄດ້, ແນວຄວາມຄິດການສ້າງ ເຄື່ອງໝາຍການຄ້າ, ເຄື່ອງໝາຍລວມໝູ່, ເຄື່ອງໝາຍຮັບຮອງ, ສິດຂອງເຈົ້າຂອງັບສິນອຸດສາຫະກໍາ, ຄວາມສໍາຄັນຂອງເຄື່ອງໝາຍການຄ້າຕໍ່ກັບທຸລະກິດ ແລະອື່ນໆ, ນອກຈາກນັ້ນຍັງໄດ້ພ້ອມກັນແລກປ່ຽນປະກອບຄຳຄິດຄຳເຫັນຕໍ່ກັບຄວາມເປັນໄປໄດ້ໃນການສຳຫຼວດ, ເກັບກຳຂໍ້ມູນບັນດາສິນຄ້າທີ່ເປັນປາຍແຫຼມໃນການສົ່ງອອກ ຫຼື ນຳເຂົ້າ, ເພື່ອຮັບປະກັນຄຸນນະພາບ ແລະ ມາດຕະຖານທີ່ດີຂອງຜະລິດຕະພັນສິນຄ້າອື່ນໆ. ເຊິ່ງກະຊວງວິທະຍາສາດ ແລະ ເຕັກໂນໂລຊີ ກໍຄື ລັດຖະບານແຫ່ງ ສປປ ລາວ ໄດ້ຖືເປັນນະໂຍບາຍສຳຄັນ ຕໍ່ກັບວຽກງານການຈົດທະບຽນ ແລະ ການປົກປ້ອງຊັບສິນທາງປັນຍາ, ສະນັ້ນໃນທີ່ປະຊຸມໄດ້ຮຽກຮ້ອງມາຍັງບັນດາທ່ານ ທີ່ເຂົ້າຮ່ວມໃນກອງປະຊຸມຄັ້ງນີ້ ທັງພາກລັດ ແລະເອກະຊົນຈົ່ງພ້ອມໃຈກັນເກັບກ່ຽວເອົາຄວາມຮູ້, ປະສົບການກ່ຽວກັບວຽກງານຊັບສິນທາງປັນຍາ, ມາດຕະຖານ ແລະວັດແທກຈາກກອງປະຊຸມຄັ້ງນີ້ ເພື່ອນໍາໄປໝູນໃຊ້ເຂົ້າໃນການດໍາເນີນວຽກງານກໍ່ຄືການດໍາເນີນກິດຈະການໃຫ້ໄດ້ຮັບຜົນດີ ປະກອບສ່ວນເຂົ້າໃນການຈັດຕັ້ງປະ ຕິບັດແຜນພັດທະນາເສດຖະກິດ-ສັງຄົມແຂວງໃຫ້ເຕີບໃຫຍ່ຂະຫຍາຍຕົວຂຶ້ນເລື້ອຍໆ.

       ກອງປະຊຸມສຳມະນາໃນຄັ້ງນີ້ມີຜູ້ເຂົ້າຮ່ວມຈາກພາກລັດ, ພາກເອກະຊົນ ແລະ ພາກທຸລະກິດທັງໝົດ 40 ຄົນ, ຍິງ17 ຄົນ

ບົດຂ່າວ: ລັດສະໝີ ກົມມະສິດ

ຮູບພາບ:ມະນີໄຊ ເທບໄກສອນ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates