​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ກອງປະຊຸມພົບປະແລກປ່ຽບົດຮຽນ 4 ແຂວງພາກໃຕ້

00020   ກອງ​ປະຊຸມພົບ​ປະ​ແລກ​ປ່ຽນ​ບົດຮຽນ​ວຽກ​ງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ 4 ​ແຂວງ​ພາກ​ໃຕ້ຄັ້ງ​ທີ II

ທີ່​ແຂວງ​ຈໍາປາ​ສັກ​ເປັນ​ເຈົ້າພາບ​ໄດ້​ຈັດ​ຂຶ້ນ​ໃນຄັ້ງ​ວັນ​ທີ 29 ມັງກອນ 2016. ສະຖານທີ່ຫ້ອງປະຊຸມພະ ແນກແຜນການ-ການລົງທຶນແຂວງຈໍາປາສັກ,ໃຫ້​ກຽດ​ກ່າວ​​​ເປີດ​ກອງ​ປະຊຸມ​ໂດຍ​  ທ່ານ ສົມສະຫນິດ ບຸດ​ຕິ​ວົງ, ຄະນະບໍລິງານພັກແຂວງ, ຮອງ​ເຈົ້າ​ແຂວງໆ​ຈໍາປາ​ສັກ. ​

       ໃນ​ພິທີ​ດັ່ງກ່າວມີ​ບັນດາ​ທ່ານ​ຫົວຫນ້າ​ ແລະ ​ຮອງ​ຫົວຫນ້າ​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ(ວຕ) ​ໃນ 4 ​ແຂວງ​ພາກ​ໃຕ້, ມີ​ພະນັກງານ​ວິຊາ​ການ​ເຂົ້າ​ຮ່ວມ​ທັງ​ຫມົດ 52 ທ່ານ, ຍິງ 12 ທ່ານ.

​      ໃນ​ວາລະ​​ດໍາ​ເນີນ​ການປະຊຸມ,ບັນດາ​ທ່ານຫົວຫນ້າ​ພະ​ແນ​ກ ວຕ ​ແຕ່ລະ​ແຂວງ ກໍ​ໄດ້​ລາຍ​ງານ​ຜົນ​ການ​ເຄື່ອນ​ໄຫວວຽກ​ງານ​​ໃນລະ​ພະ​ແນ​ກຂອງ​ຕົນ ​ໂດຍ​ສືບ​ຕໍ່​ຈັດ​ຕັ້ງ​ປະຕິບັດ​ເນື້ອ​ໃນ​ຈິດ​ໃຈ​ຂອ​ງກອງປະຊຸມຄັ້ງ​ທີ ທີ່​ແຂວງ​ອັດ​ຕະປືຊຶ່ງ​ແຕ່​ລະ​ພະ​ແນ​ກ ວຕ ​ໃນ 4 ​ແຂ​ວງ ຈະ​ຕ້ອງ​ໄດ້​ຜັດປ່ຽນ​ກັນ​ເປັນ​ເຈົ້າພາບຈັດກອງ​ປະຊຸມ ​ເພື່ອ​ແລກປ່ຽນ​ບົດຮຽນ​ຊຶ່ງ​ກັນ​ແລະ​ກັນ. ຊຶ່ງ​ເນື້ອ​ໃນ​ຂອງ​ກອງ​ປະຊຸມ​ແມ່ນ​ເລັງ​ໃສ່​ຜົນ​ການຈັດ​ຕັ້ງ​ປະຕິບັດ​ການ​ຮ່ວ​ມມື​ທັງ​ພາຍ​ໃນ(ສີ່​ແຂວງ) ​ແລະ​ ຮ່ວມ​ມື​ພົວພັບ​ກັບ​ຕ່າງປະ​ເທດ.

ບົດຂ່າວ ແລະ ພາບ ຄ່ຽມແກ້ວ ແກ້ວດວງມະນີ

00018 00019 00017

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates