​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກວິທະຍາສາດແລະ ເຕັກໂນໂລຊີແຂວງ ເຊກອງແລະ ແຂວງສາລະວັນແລກປ່ຽນຖອດ ຖອນບົດຮຽນ ໃນການຄຸ້ມຄອງວຽກງານວິທະ ຍາສາດ ແລະ ເຕັກໂນໂລຊີ

  ໃນລະຫວ່າງວັນທີ 2 ກໍລະກົດ 2020 ຜ່ານມານີ້ ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນ ໂລຊີແຂວງເຊກອງ,ໄດ້ມີພິທີຈັດກອງປະຊຸມແລກ

ປ່ຽນຖອນຖອນ​ບົດຮຽນ​ລະຫວ່າງສອງພະແນກວິທະຍາສາດ ແລະ ເຕັກໂນໂລຊີແຂວງເຊກອງ ແລະ ແຂວງສາ ລະວັນ ໃນດ້ານ​ການຄຸ້ມຄອງວຽກ​ງານວິທະຍາສາດ ແລະ ເຕັກໂນໂລຊີ, ​​ນໍາ​ໂດຍ ທ່າ​ນ ລໍາພັນ ແກ້ວມະຫາໄຊ ຮອງຫົວໜ້າພະແນກ ວິທະຍາສາດ ​ແລະ ​ເຕັກ​ໂນ​ໂລ​ຊີ ​ແຂວງ​ເຊ​ກອງ ​ແລະ​ ທ່ານ ສຸກສະຫວັດ ພູມີໄລ ​ຮອງຫົວໜ້າພະແນກວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ​ສາລະວັນ, ເຊິ່ງມີ​ຜູ້​ເຂົ້າ​ຮ່ວມ​ທັງ​ໝົດ 11 ທ່ານ, ຍິງ 1 ທ່ານ;

 

 ຈຸດປະສົງກອງປະຊຸມຄັ້ງນີ້ ເພື່ອເປັນການຈັດຕັ້ງຜັນຂະຫຍາຍເນື້ອໃນຈິດໃຈບົດບັນທຶກການຮ່ວມມືດ້ານວຽກງານວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ ທີ່ເຊັນກັນທີ່ແຂວງອັດຕະປີໃນປີ 2019 ຜ່ານມາ ແລະເພື່ອສົນທະນາແລກປ່ຽນຄວາມຄິດຄວາມເຫັນເຊິ່ງກັນ ແລະກັນ ຂອງສອງພະແນກວິທະຍາສາດ ແລະເຕັກໂນໂລຊີແຂວງການໃນການນຳພາ, ການຄຸ້ມຄອງ, ການເຄື່ອນໄຫວຈັດຕັ້ງປະຕິບັດ ແລະວຽກງານອື່ນໆ ແນໃສ່ເຮັດໃຫ້ວຽກງານດັ່ງກ່າວມີຄວາມເຂັ້ມແຂງ ກ້າວໜ້າຂະຫຍາຍຕົວ, ມີຄວາມເປັນເອກະພາບ ແລະດຳເນີນໄປໃນທິດທາງອັນດຽວກັນຢູ່ທ້ອງຖິ່ນເວົ້າລວມ, ເວົ້າສະເພາະກໍຄືສອງແຂວງເຊກອງ-ສາລະວັນ ບົນພື້ນຖານຄວາມຖືກຕ້ອງສອດຄ່ອງຕາມລະບຽບ, ຫລັກການ ແລະກົດໝາຍວາງອອກຢ່າງເຂັ້ມງວດ ການພົບປະແລກປ່ຽນຄັ້ງນີ້ໄດ້ຍົກສາມວຽກໃຫຍ່ຄື: ໜຶ່ງ: ການຄຸ້ມຄອງ ແລະການເຄື່ອນໄຫວຈັດຕັ້ງປະຕິບັດວຽກ​ງານຊັບສິນທາງປັນຍາ, ມາດຕະຖານ ແລະວັດແທກ ​ເປັນ​ຕົ້ນ​ແມ່ນ: ວິທີການຈັດຕັ້ງປະຕິບັດວຽກ​ກວດ​ສອບ ສອບທຽບ​ໝໍ້ນັບ​ໄຟຟ້າ, ​ໝໍ້​ແທກ​ນ້ຳ​ປະປາ, ​ຫົວ​ຈ່າຍ​ນ້ຳມັນ​ເຊື້ອ​ໄຟ, ​ຊິງ​ຊັ່ງ​ລົດ​ບັນທຸກ, ຊິງ​ຊັ່ງ​ຄຳ, ຂະບວນການຈົດທະບຽນເຄື່ອງໝາຍການຄ້າ ແລະອື່ນໆຂອງແຕ່ ລະແຂວງ. ສອງ: ການເຄື່ອນໄຫວຈັດຕັ້ງປະຕິບັດວຽກງານວິທະຍາສາດ, ເຕັກໂນໂລຊີ ແລະ ນະວັດຕະກໍາ ເປັນຕົ້ນແມ່ນ ການບັງຄັບໃຊ້ນິຕິກໍາເຂົ້າໃນການຄຸ້ມຄອງ, ການສ້າງບົດສະເໜີໂຄງການເພື່ອນໍາໃຊ້ທຶນຂອງກອງທຶນພັດທະນາວິທະຍາສາດ ແລະເຕັກໂນໂລຊີ ແລະການເຄື່ອນໄຫວວຽກງານອື່ນໆ ຂອງຂະແໜງດັ່ງກ່າວ. ສາມ: ສະພາບການເຄື່ອນໄຫວຈັດຕັ້ງປະຕິບັດວຽກງານເຕັກໂນໂລຊີຂໍ້ມູນຂ່າວສານ ຂອງແຕ່ລະແຂວງ ເປັນຕົ້ນແມ່ນການເຜີຍແຜ່ຜົນສຳເລັດຂອງການຄົ້ນຄວ້າ ແລະພັດ ທະນາບັນດາໂປຣແກຣມຕ່າງໆຂອງກະຊວງ ເພື່ອຊຸກຍູ້ເຂົ້າໃນຂະບວນການນຳໃຊ້ຕົວຈິງຂອງພາກລັດ ແລະເອກະຊົນຂັ້ນທ້ອງຖິ່ນ ເຊັ່ນ: ໂປຣແກຣມນັບ ຄະແນນສຽງ ເລືອກຕັ້ງແບບທັນສະໄຫມ ເຂົ້າໃນກອງປະຊຸມຂັ້ນຕ່າງໆ, ໂປຣແກຣມຄຸ້ມຄອງເອກະສານຂາເຂົ້າ-ຂາອອກ, ໂປຣແກຣມຄຸ້ມຄອງພະນັກງານ, ໂປຣແກຣມຄຸ້ມຄອງຊັບສິນຂອງລັດ ແລະໂປຣແກຣມອື່ນໆ ທີ່ທາງກະຊວງພັດທະນາສຳເລັດ, ໂດຍໃນທີ່ປະຊຸມຄັ້ງນີ້ ການນຳ ແລະພະນັກງານຂອງຂະແໜງ ການທັງສອງພະແນກ ໄດ້ດຳເນີນໄປດ້ວຍໄມຕີຈິດ ມິດຕະພາບ ແລະຈິງໃຈແລກປ່ຽນບົດຮຽນສົນທະນາກັນຢ່າງກົງໄປກົງມາ ມີບັນຍາກາດທີ່ຟົດຟື້ນ ແລະດ້ວຍ ຜົນສຳເລັດຢ່າງຈົບງາມ.

 

                                                                                                                                                                                                                                                                               

                                                                                                        ບົດຂ່າວ ແລະ ຮູບພາບ: ຄ່ຽມແກ້ວ ແກ້ວມດວງມະນີ

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates