​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ໄດ້ຈັດຝຶກອົບຮົມ ການນໍາໃຊ້ “ລະບົບ ການນັບຄະແນນສຽງເລືອກຕັ້ງ (E-Voting)” ໃຫ້ຫ້ອງວ່າການເມືອງລະມາມ

ໃນວັນທີ 7 ກຸມພາ 2020 ທີ່ຜ່ານມານີ້, ພະແນກ ວິທະຍາສາດ ແລະ ເຕັກໂນໂລຊີແຂວງ ໄດ້ຈັດຝຶກ ອົບຮົມໂປຣແກຣມການນໍາໃຊ້ “ລະບົບການນັບຄະ ແນນສຽງເລືອກຕັ້ງ (E-Voting)”ໃຫ້ກັບຄະນະຮັບ ຜິດ

ຊອບນັບຄະແນນສຽງເລືອກຕັ້ງໃນຂັ້ນເມືອງ-ເມືອງລະມາມ, ເຊີ່ງມີນັກວິທະຍາກອນ ແລະ ນັກສໍາມະນາກອນ ຈາກພາກສ່ວນຕ່າງໆຂອງເມືອງເຂົ້່າຮ່ວມທັງໝົດ 7ທ່ານ, ຍິງ 2ທ່ານ.

 ຈຸດປະສົງຂອງການຝຶກອົບຮົມຄັ້ງນີ້ແມ່ນເພື່ອ ເປັນການເຜີຍແຜ່ຜົນຂອງການຄົ້ນຄວ້າພັດທະນາດ້ານວິທະຍາ ສາດ ແລະ ເຕັກໂນໂລຊີຂອງກົມ, ພະແນກວິທະຍາສາດ ແລະ ເຕັກໂນໂລຊີ ແລະ ຍົກສູງພາລະບົດບາດຂອງ ວຽກງານວິທະຍາສາດ ແລະ ເຕັກໂນໂລຊີໃນທ້ອງຖິ່ນ ໃຫ້ມີຄວາມເຂັ້ມແຂງໃນການຄຸ້ມຄອງ-ບໍລິຫານລັດທີ່ທັນ ສະໄໝ,ແນໃສ່ເຮັດໃຫ້ການບໍລິຫານມີຄວາມສະດວກ, ວ່ອງໄວ, ທັນສະໄໝ ແລະ ສາມາດກວດສອບໄດ້ໂດຍໄດ້ ຝຶກອົບຮົມໂປຣແກຣມການນຳໃຊ້ “ລະບົບການນັບຄະແນນສຽງເລືອກຕັ້ງ (E-Voting)” ເພື່ອນໍາໃຊ້ໃນການນັບຄະແນນສຽງເລືອກຕັ້ງກອງປະຊຸມສາມາດເຮັດໃຫ້ ຜູ້ເຂົ້າຮ່ວມຝຶກອົບຮົມໄດ້ຮຽນຮູ້, ເຂົ້າໃຈ ແລະ ນຳໃຊ້ລະບົບເຕັກໂນໂລຊີດິຈິຕ໋ອນ ເຂົ້າໃນວຽກງານຕົວຈິງ ເພື່ອຫລຸດຜ່ອນຈາກການຂີດຂຽນມາເປັນການຈົດກ່າຍ, ການຄຸ້ມຄອງບໍລິຫານແບບທັນສະໄໝ ເຮັດໃຫ້ການປະຕິບັດວຽກງານມີຄວາມວ່ອງໄວແລະສະດວກງ່າຍຂື້ນ.

      ໃນໄລຍະການຝຶກອົບຮົມ, ຜູ້ເຂົ້າຮ່ວມໄດ້ຮຽນຮູ້ວິທີການຕິດຕັ້ງລະບົບ, ການຈັດການຂໍ້ມູນ,ການນໍາໃຊ້ລະບົບ,ການຕັ້ງຄ່າ ຊຶ່ງໄດ້ລົງມືປະຕິບັດຕົວຈິງພ້ອມ ທັງແລກປ່ຽນຄຳຄິດເຫັນໃນການໃຊ້ລະບົບດັ່ງກ່າວອີກດ້ວຍ.

ບົດຂ່າວ ແລະ ຮູບພາບ: ນາງ ລັດສະໝີ ກົມມະສິດ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates