​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ສອງພະແນກ ວິທະຍາສາດ ແລະ ເຕັກໂນໂລຊີ ແລກປ່ຽນຖອດຖອນບົດຮຽນ

ໃນລະຫວ່າງວັນທີ 14 ສິງຫາ 2019 ຜ່ານມານີ້ ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນ ໂລຊີແຂວງເຊກອງ,ໄດ້ມີພິທີຈັດກອງປະຊຸມແລກ ປ່ຽນຖອດຖອນ​ບົດຮຽນ​ລະຫວ່າງສອງພະແນກວິ ທະຍາສາດ

ແລະ ເຕັກໂນໂລຊີແຂວງເຊກອງ ແລະ ແຂວງຈໍາປາສັກ ໃນດ້ານ​ການຄຸ້ມຄອງວຽກ​ງານ​ມາດຕະຖານ ​ແລະ​ ວັດ​ແທກ, ​​ນໍາ​ໂດຍ ທ່າ​ນ ວຽງ​ໄຊ ວໍລະ​ສິງ ຮອງຫົວໜ້າພະແນກ ວິທະຍາສາດ ​ແລະ ​ເຕັກ​ໂນ​ໂລ​ຊີ ​ແຂວງ​ເຊ​ກອງ ​ແລະ​ ທ່ານ ສົມ​ຈິດ​ ໂພທິ​ສານ ​ຮອງຫົວໜ້າພະແນກວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ​ຈຳປາ​ສັກ, ເຊິ່ງມີ​ຜູ້​ເຂົ້າ​ຮ່ວມ​ທັງ​ໝົດ 12 ທ່ານ.

ຈຸດປະສົງ ໃນການແລກ​ປ່ຽນ​ຖອດ​ຖອນ​ບົດຮຽນຄັ້ງນີ້ ກໍ່ເພື່ອເຮັດໃຫ້ວຽກ​ງານ​ມາດຕະຖານ ​ແລະ​ ວັດ​ແທກ ​ຂອງ 2 ພະແນກ ມີຄວາມເປັນເອກະພາບ ຈັດຕັ້ງປະຕິບັດໄປໃນທິດທາງອັນດຽວກັນ ໂດຍອີງໃສ່ບົດບັນທຶກ ການຮ່ວມມືດ້ານວຽກງານວິທະຍາສາດ ແລະ ເຕັກໂນໂລຊີ 4 ແຂວງ ພາກໃຕ້, ໃຫ້ມີຄວາມເປັນເອກະພາບ ບົນພື້ນຖານ ຄວາມຖືກຕ້ອງຕາມ ລະບຽບ, ຫລັກການ, ມາດຕະຖານ ແລະ ວັດແທກ, ຊຸກຍູ້ສົ່ງເສີມການບໍລິການທີ່ມີຄຸນນະພາບ, ແທດເໝາະກັບສະພາບຄວາມເປັນຈິງ ເຮັດໃຫ້ການຊົມໃຊ້ຜະລິດຕະພັນສິນຄ້າ, ມີຄວາມຍຸຕິທຳ ໂດຍ​ສະ​ເພາະ​ວຽກ​ຜະລິດ​ຕະພັນ​ສິນ​ຄ້າ​ຫຸ້ມ​ຫໍ່, ຂະ​ແໜງຊັບ​ສິນ​ທາງ​ປັນຍາ ມາດຕະຖານ ​ແລະ ​ວັດ​ແທກ, ພະແນກວິທະຍາສາດແລະ ເຕັກໂນໂລຊີ ແຂວງເຊກອງໃນ​ໄລຍະ​ຜ່ານ​ມາ​ແມ່ນ​ໄດ້​ມີ​ການ​ເຄື່ອນ​ໄຫວ​ຢ່າງ​ຕໍ່​ເນື່ອງ​ເປັນ​ຕົ້ນ​ແມ່ນ: ວຽກ​ກວດ​ສອບ​ໝໍ້ນັບ​ໄຟຟ້າ ​ແລະ ​ໝໍ້​ແທກ​ນ້ຳ​ປະປາ, ກວດ​ສອບ​ຫົວ​ຈ່າຍ​ນ້ຳມັນ​ເຊື້ອ​ໄຟ, ກວດ​ສອບ​ຊິງ​ຊັ່ງ​ລົດ​ບັນທຸກ ​ແລະ​ ຊິງ​ຊັ່ງ​ຄຳ, ສ່ວນການຈັດ​ຕັ້ງ​ປະຕິບັດ​ກ່ຽວ​ກັບ​ສິນຄ້າ​ຫຸ້ມ​ຫໍ່​ແມ່ນ​ໄດ້​ຈັດ​ຕັ້ງ​ປະຕິບັດແຕ່ຜະ​ລິດ​ຕະພັນ​ດຽວ​ຄື​: ນ້ຳ​ດື່ມ​ບໍລິສຸດ, ຫຼັງ​ຈາກ​ນັ້ນພະນັກງານ​ວິຊາ​ການ​ແຂວງ​ເຊ​ກອງ ກັບ ແຂວງຈໍາປາສັກກໍ່ໄດ້ລົງຈັດ​ຕັ້ງ​ປະຕິບັດ​​ວິຊາ​ສະ​ເພາະ​ສາທິດ​ຕົວ​ຈິງ​ກ່ຽວ​ກັບ​ການກວດ​ສອບ​ຜະ​ລິດ​ຕະພັນ​ສິນຄ້າ​ຫຸ້ມຫໍ່ ນ້ຳ​ດື່ມ​ບໍລິສຸດ ໃນເທດສະບານແຂວງເຊກອງ ເຫັນວ່າສະຫລາກ ແລະ ບໍລິມາດນໍ້າດື່ມບໍລິສຸດໃນກະຕຸກ ມີຄວາມຖືກຕ້ອງຊັດເຈນຕາມ ລະບຽບ ຫລັກການ ແລະ ມາດຕະຖານວາງໄວ້, ສຳລັບ​ແຂວງ​ຈໍາປາສັກ ກໍ່ໄດ້​ຢັ້ງຢືນຈັດຕັ້ງປະຕິບັດ​ມາດຕະຖານ​ດິນ​ຈີ່​ ທີ່​ນໍາໃຊ້​ໃນ​ການ​ກໍ່ສ້າງ​ທົ່ວ​ໄປ ​ແລະ​ ເຊິ່ງ ພະ​ແນ​ກ ວຕ ເຊກອງກໍ່ໄດ້​ນໍາເອົາບົດຮຽນ​ນຳ​ພະ​ແນ​ກ ວຕ ​ແຂວງ​ຈຳປາ​ສັກ ​ເພື່ອ​ມາ​ເປັນ​ບ່ອນ​ອີງ​ໃນ​ການຈັດ​ຕັ້ງ​ປະຕິບັດຕາມ​ມາດຕະຖານ​ແຫ່ງ​ຊາດ.

ບົດຂ່າວ ແລະ ຮູບພາບ: ມະນີໄຊ ເທບໄກສອນ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates