​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ເມືອງ ກະລືມ ໄດ້ຮັບການຝຶກອົບຮົມ ແລະ ສ້າງເວັບໄຊ

ເພື່ອພັດທະນາລະບົບການບໍລິການຂໍ້ມູນ ຂ່າວສານ ສື່ອອນລາຍຜ່ານຊ່ອງທາງເວັບໄຊ ໃຫ້ມີຄຸນະພາບທີ່ ໝັ້ນຄົງ, ມີຄວາມປອດໄພ ທາງດ້ານເນື້ອໃນ ແລະ ໃຫ້ມີຄວາມສະດວກ ວ່ອງໄວຫຼາຍຂື້້ນໃນຍົກທີ່ທັນ ສະໄໝລະຫວ່າງ

ວັນທີ 12-16 ສິງຫາ 2019 ນີ້ ພະແນກ ວິທະຍາສາດ ເຕັກໂນໂລຊີ ແຂວງເຊກອງ ໄດ້ຈັດຊຸດຝຶກອົບຮົມການສ້າງ ເວັບໄຊ ໃຫ້ເມືອງ ກະລຶມ ທີ່ຫ້ອງການວິທະຍາສາດ ແລະ ເຕັກໂນໂລຊິເມືອງ ເຊີ່ງພາຍໃຕ້ການເປັນປະທານຂອງ ທ່ານ ສາຍຄຳ ແກ້ວບຸນປານ ຮອງເຈົ້າເມືອງກະລຶມ, ທ່ານ ລຳພັນ ແກ້ວມະ​ຫາ​ໄຊ ຮອງຫົວໜ້າພະແນກວິທະຍາ ສາດ ແລະ ເຕັກໂນໂລຊີ ແຂວງເຊກອງ, ມີບັນດາທ່ານ ວິທິຍາກອນ, ນັກສໍາມະນາກອນຈາກພາກສ່ວນທີ່ກ່ຽວ ຂ້ອງອ້ອມຂ້າງເມືອງ ລວມທັງໝົດ 20 ທ່ານ,ຍິງ 2 ທ່ານ.

      ເຊີ່ງຈຸດປະສົງຂອງການຝຶກອົບຮົມ ແມ່ນເປັນການຍົກສູງໂຄສະນາເຜີຍແຜ່ຂໍ້ມູນຂ່າວສານແບບທັນສະໄໝ ແລະເຮັດໃຫ້ພະນັກງານວິຊາການທີ່ກ່ຽວຂ້ອງພາຍໃນເມືອງມີຄວາມຮູ້ພື້ນຖານໃນການພັດທະນາ ແລະ ຄຸ້ມຄອງເວັບໄຊພ້ອມທັງເປັນການຜັນຂະຫຍາຍບົດບາດຂອງ ວຽກງານພະແນກວິທະຍາສາດ ແລະ ເຕັກໂນໂລຊິແຂວງລົງສູ່ທ້ອງຖີ່ນ ໂດຍແນໃສ່ສ້າງຄວາມເຂັ້ມແຂງໃຫ້ແກ່ທ້ອງຖີ່ນ ແລະ ການເຄື່ອນໄຫວວຽກງານຕ່າງໆຂອງ ແຕ່ລະໜ້າວຽກພາຍໃນເມືອງໃຫ້ສັງຄົມຮັບຮູ້ຜ່ານຊ່ອງທາງເວັບໄຊໄດ້ຢ່າງສະດວກ, ວ່ອງໄວ ມີຄວາມທັນສະໄໝຄືກັບບັນດາເມືອງອື່ນໆ  ເຊີ່ງນັກສໍາມະນາກອນທີ່ເຂົ້າ ຮ່ວມການຝຶກອົບຮົມໃນຄັ້ງນີ້ ແມ່ນໄດ້ຮຽນຮູ້ກ່ຽວກັບ ລະບົົບການສ້າງເວັບໄຊແບບທັນສະໄໝ, ການບໍລິການລົງຂໍ້ມູນຂ່າວສານຜ່ານຊ່ອງທາງເວັບໄຊ ໃຫ້ມີຄວາມລະ ອຽດ ຖືກຕ້ອງ ວ່ອງໄວ.

ບົດຂ່າວ ແລະ ຮູບພາບ: ນ.ລັດສະໝີ ກົມມະສິດ


 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates