​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ສອງຂະແໜງເຕັກໂນໂລຊີຂໍ້ມູນຂ່າວສານ ແຂວງ ເຊກອງ ແລະ ອັດຕະປື ຮ່ວມມື ຊ່ວຍເຫຼືອກັນ

ໃນລະຫວ່າງວັນທີ 29 ກໍລະກົດ ຫາ ວັນທີ 1 ສິງຫາ 2019 ຜ່ານມານີ້ ທີ່ຫ້ອງປະຊຸມຂອງພະ ແນກ ວິທະຍາສາດ ແລະ ເຕັກໂນໂລຊີ ແຂວງ ເຊກອງສອງຂະແໜງເຕັກໂນໂລຊີຂໍ້ມູນຂ່າວສານ ພວຕ ແຂວງ

ເຊກອງ ແລະ ພວຕ ແຂວງອັດຕະປື ໄດ້ມີການພົວພັນຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ກ່ຽວກັບວຽກງານເຕັກໂນໂລຊີຂໍ້ມູນຂ່າວສານ (ໄອທີ) ໂດຍສະເພາະແມ່ນການມື ແລະ ຊ່ວຍ ເຫຼືອກັນສ້າງ ເວັບໄຊ (Website) ຂອງພະແນກວິທະຍາສາດ ແລະ ເຕັກໂນໂລຊີແຂວງອັດຕະປື ທັງນີ້ກໍ່ເພື່ອເປັນການ ຜັນຂະຫຍາຍບົດບັນທຶກການຮ່ວມມືດ້ານວຽກງານວິທະຍາສາດ ແລະ ເຕັກໂນໂລຊີ 4 ແຂວງ ພາກໃຕ້, ຮອບວຽງທີ II ຄັ້ງທີ 1 ທີ່ແຂວງ ອັດຕະປື ເປັນເຈົ້າພາບ ທັງເປັນການຜັນຂະຫຍາຍຕໍ່ຍອດຄວາມຮູ້, ປະສົບການ ແລະ ຜົນສຳເລັດຂອງໂຄງການຄົ້ນຄວ້າພັດທະນາເວັບໄຊຂອງ ພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ.

ຈຸດປະສົ່ງແມ່ນເພື່ອຮ່ວມກັນພັດທະນາເວັບໄຊຂອງພະແນກວິທະຍາສາດ ແລະ ເຕັກໂນໂລຊີແຂວງອັດຕະປືໃຫ້ສາມາດເຜີຍແຜ່ອອກສູ່ສາທາລະນະໄດ້ ພ້ອມດ່ຽວກັນນີ້ ວິຊາການຂະແໜງເຕັກໂນໂລຊີຂໍ້ມູນຂ່າວສານແຂວງເຊກອງ ກໍ່ໄດ້ຖ່າຍທອດຄວາມຮູ້ ແລະ ປະສົບການຂອງຕົນ ມາຍັງວິຊາການຂອງ ຂະແໜງເຕັກໂນໂລຊີຂໍ້ມູນຂ່າວສານ ແຂວງອັດຕະປື ໃນການພັດທະນາເວັບໄຊ, ການຄຸ້ມຄອງ ແລະ ອັບເດດເວັບໄຊຂອງຕົນໃນຕໍ່ໜ້າ ເພື່ອຮັບປະກັນໃຫ້ເວັບໄຊ ດັ່ງກ່າວມີຄວາມຍືນຍົງໃນອະນາຄົດ ແລະ ເປັນການຮັດແໜ້ນຄວາມສະໝານສາມັກຄີລະຫວ່າງສອງຂະແໜງການ ກໍຄືສອງ ພວຕ ແຂວງ ເຊກອງ ກັບ ແຂວງ ອັດຕະປືອີກດ້ວຍ.

         ເຊິ່ງບົດຮຽນທີ່ຖ່າຍທອດໃນຄັ້ງນີ້ ປະກອບມີການການນຳໃຊ້ໂປຣແກຣມຈູມລາ(joomla3.8.7) ເພື່ອຈັດການບໍລິຫານເນື້ອໃນຂອງເວັບໄຊ; ການສ້າງ ບົດຄວາມ,ການຕິດຕັ້ງສ່ວນເສີມຕ່າງໆໃຫ້ມີຄວາມສວຍງາມການໃຊ້ພາສາ HTML ໃນການແກ້ໄຂເວັບໄຊການປັບແຕ່ງໜ້າເວັບໄຊ (Website),ນອກຈາກອອກແບບ ແລະ ສ້າງເວັບໄຊໃຫ້ແລ້ວ ທາງພະແນກວິທະຍາສາດ ແລະ ເຕັກໂນໂລຊີແຂວງເຊກອງ ຍັງໄດ້ມີການຝຶກກ່ຽວກັບການຄຸ້ມຄອງ ແລະ ນຳໃຊ້ເວັບໄຊ (Website) ໃຫ້ພະນັກງານວິຊາການ ແຂວງອັດຕະປື ອີກດ້ວຍເພື່ອເຮັດໃຫ້ພະນັກງານຜູ້ທີ່ຮັບຜິດຊອບສາມາດປັບປຸງແກ້ໄຂສາມາດເກັບ ກູ້ຂໍ້ມູນຄືນ ແລະ ອັບເດດຂໍ້ມູນຂ່າວສານດ້ານຕ່າງໆ ລົງໃນໜ້າເວັບໄຊຂອງຕົນເອງໄດ້ຕະຫລອດເວລາ ພ້ອມນັ້ນຍັງໄດ້ມີການແລກປ່ຽນຄວາມຮູ້ ແລະ ປະສົບການດ້ານວິຊາການເຊິ່ງກັນ ແລະ ກັນກ່ຽວກັບການຄຸ້ມຄອງ ແລະ ພັດທະນາວຽກງານເຕັກໂນໂລຊີຂໍ້ມູນຂ່າວສານຂອງແຕ່ລະທ້ອງຖິ່ນ ເພື່ອເຮັດໃຫ້ການ ຄຸ້ມຄອງ ແລະ ພັດທະນາດຳເນີນໄປໃນທິດທາງດຽວກັນ, ຍົກລະດັບການນຳໃຊ້ໄອທີຂັ້ນທ້ອງຖິ່ນໃຫ້ມີຄວາມເຂັ້ມແຂງທັງເປັນທີ່ຮັບຮູ້ ແລະ ເຂົ້າໃຈຂອງສັງຄົມ ຕໍ່ກັບວຽກງານດັ່ງກ່າວໄດ້ຢ່າງກວ້າງຂວາງ.

 

ບົດ​ຂ່າວ ແລະ ຮູບພາບ: ລັດ​ສະ​ໝີ ກົມ​ມະ​ສິດ

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates