​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກວິທະຍາສາດ ແລະ ເຕັກໂນໂລຊີ (ແຂວງເຊກອງ, ສປປ ລາວ) ແລະ (ແຂວງ ບິ່ງດິ້ງ, ສສ ຫວຽດນາມ) ຈັດກອງປະຊຸມ ພົບປະແລກປ່ຽນບົດຮຽນ

ໃນຕອນເຊົ້າວັນທີ 22 ກໍລະກົດ 2019 ຜ່ານມານີ້, ຢູ່ທີ່ຫ້ອງປະຊຸມຂອງພະແນກວິທະຍາສາດ ແລະ ເຕັກໂນໂລຊີແຂວງເຊກອງ. ສອງພະແນກວິທະຍາ ສາດ ແລະ ເຕັກໂນໂລຊີແຂວງ (ເຊກອງ, ສປປ ລາວ ແລະ

ບິ່ງດີ້ງສສ ຫວຽດນາມ)ໄດ້ຈັດກອງປະຊຸມພົບປະແລກປ່ຽນບົດຮຽນນຳກັນກ່ຽວກັບການຄົ້ນຄວ້າດ ພັດທະນາ ແລະ ຄຸ້ມຄອງວຽກງານວິທະຍາສາດ ແລະ ເຕັກໂນໂລຊີຂັ້ນທ້ອງຖິ່ນ, ຊຶ່ງຕາງໜ້າໃຫ້ແຂວງເຊກອງ ສປປ ລາວ ນຳພາໂດຍ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ແລະ ຕາງໜ້າໃຫ້ແຂວງບິ່ງດິ້ງ ສສ ຫວຽດນາມ ນຳພາໂດຍ ທ່ານ ເລກົງເຍື່ອງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ມີບັນດາທ່ານຜູ້ແທນກອງປະຊຸມທີ່ເປັນພະນັກງານຫຼັກແຫຼ່ງ ຈາກທັງສອງຝ່າຍເຂົ້າຮ່ວມ ທັງໝົດຈໍານວນ 15 ທ່ານຍິງ5ທ່ານ.

ການພົບປະລະຫວ່າງສອງຝ່າຍຄັ້ງນີ້ ເກີດຂຶ້ນໂດຍການຜັນຂະຫຍາຍເນື້ອໃນຈິດໃຈຂອງບົດບັນທຶກ ຊ່ວຍຈຳຂອງຄະນະຜູ້ແທນຂັ້ນສູງທັງສອງແຂວງ (ແຂວງເຊກອງ-ບິ່ງດີ້ງ) ແລະ ຢູ່​ໃນ​ທາມ​ກາງ​ບັນຍາກາດ​ແຫ່ງ​ຄວາມ​ປິ​ຕິ​ຊົມ​ຊື່ນ, ຄວາມ​ເອກອ້າງ​ທະ​ນົງ​ໃຈ, ຄວາມສາມັກຄີມິດຕະພາບ ແລະ ການພົວພັນຮ່ວມມືແບບພິເສດ ລະຫວ່າງ ສປປ ລາວ - ສສ ຫວຽດນາມ ເວົ້າລວມ, ເວົ້າສະ​ເພາະແມ່ນການພົວພັນ ຮ່ວມມືລະຫວ່າງແຂວງເຊກອງ ແລະ ແຂວງ ບີ້ງດີ້ງ ກໍ່ຄືສອງພະແນກ ພະແນກວິທະຍາສາດ ແລະ ເຕັກໂນໂລຊີແຂວງ.

ຈຸດປະສົ່ງຂອງກອງປະຊຸມແມ່ນເພື່ອພົບປະແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນໃນຂົງເຂດວຽກງານວິທະຍາສາດ ແລະ ເຕັກໂນ ໂລຊີກ່ຽວກັບການຄົ້ນຄວ້າ, ພັດທະນາ ແລະ ຄຸ້ມຄອງ ໃນລະດັບທ້ອງຖິ່ນ ຂອງທັງສອງປະເທດ ແນໃສ່ເຮັດໃຫ້ການຈັດຕັ້ງປະຕິບັດວຽກງານດັ່ງກ່າວມີການເຕີບ ໃຫຍ່ຂະຫຍາຍຕົວ ແລະ ມີຄວາມເຂັ້ມແຂງຂຶ້ນເລື້້ອຍໆ.

ໂອກາດນີ້, ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນ ໂລຊີແຂວງເຊກອງໄດ້ກ່າວຕ້ອນຮັບ ດ້ວຍຄວາມປິຕິອັນອົບອຸ່ນ ຕໍ່ຄະນະຜູ່ແທນພະແນກ ວິທະຍາສາດ ແລະ ເຕັກໂນໂລຊີແຂວງບີ້ງດີ້ງ ສສຫວຽດນາມ ທີ່ມາຢ້ຽມຢາມ ແລະ ເຮັດວຽກຢູ່ແຂວງເຊກອງ ຄັ້ງນີ້ເປັນຄັ້ງທໍາອິດ, ເຊິ່ງ ທ່ານໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກ ຂອງຄະນະຜູ້ແທນ ພວຕ ແຂວງບິ່ງດີ້ງ ສສ ຫວຽດນາມ ເຊິ່ງທ່ານໃຫ້ຮູ້ວ່າ ນີ້ແມ່ນ​ເຫດການປະຫວັດສາດ ແລະ ມີ​ຄວາມໝາຍຄວາມ​ສໍາຄັນ​ຢ່າງ​ເລິກ​ເຊິ່ງ ຕໍ່ສອງພະແນກ ພະແນກວິທະຍາສາດ ແລະ ເຕັກໂນໂລຊີແຂວງ (ເຊກອງ-ບິ່ງດິ້ງ) ທີ່ຈະໄດ້ເສີ່ມຂະຫຍາຍ ການພົວພົນຮ່ວມືແບບພິເສດຂອງສອງພັກ, ສອງລັດ ເວົ້າລວມ, ເວົ້າສະເພາະກໍຄືສອງແຂວງ (ເຊກອງ-ບິ່ງດີ້ງ) ໃຫ້ເຕີມໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ. ໃນທີ່ປະ ຊຸມທັງສອງຝ່າຍ ທັງສອງຝ່າຍ ກໍ່ໄດ້ລາຍງານ ສະພາບການຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີໃນໄລຍະຜ່ານມາ ທັງໄດ້ໃຫ້ຄໍາປຶກສາແນະນໍາ ໃນການຈັດຕັ້ງປະຕິບັດວຽກງານດັ່ງກ່າວ ພ້ອມນີ້ກໍ່ຍັງມີການປຶກສາຫາລືວາງແຜນການພົວພັນຮ່ວມມື ແລະ ການຊ່ວຍເຫຼືອກັນໃນຕໍ່ໜ້າ.

ຜ່ານປະຊຸມປຶກສາຫາລື ໃນໂອກາດຕ່ອນທ້າຍນີ້, ທັງສອງຝ່າຍກໍ່ຕົງລົງເຫັນດີເປັນເອກະພາບສືບຕໍ່ພົວພັນຮ່ວມມື ແລະ ຊ່ວຍເຫຼືອກັນໄລຍະ 5 ປີຕໍ່ໜ້າ (ປີ 2020-2025) ໂດຍໄດ້ສ້າງບົດບັນທຶກຮ່ວມມື ແລະ ຊ່ວຍເຫຼືອກັນ ເພື່ອເປັນບ່ອນອີງໃນການຈັດຕັ້ງປະຕິບັດ ກ່ຽວກັບການຄຸ້ມຄອງວຽກງານວິທະຍາສາດ ແລະ ເຕັກໂນໂລຊີ ທັງເປັນການເສີ່ມຂະຫຍາຍມູນເຊື້ອສາຍພົວພັນມິຕະພາບ, ສາມັກຄີພິເສດ ແລະ ຮ່ວມມືຮອບດ້ານ ຂອງສອງພັກ, ສອງລັດຖະບານ ເວົ້າລວມ, ເວົ້າສະເພາະ ສອງແຂວງເຊກອງ - ບິ່ງດີ້ ກໍ່ຄືສອງພະແນກວິທະຍາສາດ ແລະ ເຕັກໂນໂລຊີແຂວງ ໃຫ້ເຕີບໃຫຍ່,​ ໜັກແໜ້ນ,​ ເຂັ້ມແຂງ ຂຶ້ນເລື້ອຍໆ.

ບົດ​ຂ່າວ: ລັດ​ສະ​ໝີ ກົມ​ມະ​ສິດ

ຮູບ​ພາບ: ບຸດ​ດີ ພົມ​ພິ​ທັກ

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates