​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ຈັດຝຶກອົບຮົມການພັດທະນາເວັບໄຊໃຫ້ ພະແນກສຶກສາທິການ ແລະ ກິລາ

ໃນລະຫວ່າງວັນທີ 17-19 ກໍລະກົດ 2019 ຜ່ານ​ມານີ້ຢູ່ທີ່ສູນໄອຊີທີ ພະແນກ ສຶກສາ ແລະ ກິລາ ແຂວງເຊກອງ ພະແນກ ວິທະຍາສາດ ແລະ ເຕັກໂນໂລຊີແຂວງ ໄດ້ຈັດຝຶກອົບຮົມອອກແບບ ແລະ ພັດທະນາ

ເວັບໄຊໃຫ້ແກ່ພະນັກງານວິຊາການຂອງສູນໄອຊີທີ ພະແນກສຶກສາທິການ ແລະ ກິລາແຂວງເຊກອງ ເຊິ່ງມີຜູ້ ເຂົ້າຮ່ວມທັງໝົດ 13 ທ່ານ, ຍິງ 4 ທ່ານ.

   ຈຸດປະສົງ ໃນການຝຶກອົບຮົມໃນຄັ້ງນີ້ແມ່ນເພື່ອ ຊ່ວຍເສີມສ້າງຄວາມເຂັ້ມແຂງ ໃຫ້ພະນັກງານວິຊາການ ຂອງສູນໄອຊີທີ, ພະແນກສຶກສາທິການ ແລະ ກິລາແຂວງ ໃນການ​ອອກແບບ ແລະ ພັດທະນາເວັບໄຊ ໃຫ້ມີ ຄວາມເຂັ້ມແຂງຂຶ້ນຕື່ມ ແລະ ທັງເປັນການຊ່ວຍປັບປຸງ-ອອກແບບເວັບໄຊຂອງພະແນກການດັ່ງກ່າວ ໃຫ້ສາ ມາດເຜີຍແຜ່ຂໍ້ມູນຂ່າວສານການຈັດຕັ້ງເຄື່ອນໄຫວວຽກງານຂົງເຂດການສຶກສາ ແລະ ກິລາໃນທົ່ວແຂວງ ຜ່ານ ລະບົບອິນເຕີເນັດອອກສູ່ພາຍນອກໄດ້ຢ່າງກວ້າງຂວາງ ແລະ ເລິກເຊິ່ງ.

   ການຝຶກອົບຮົມຄັ້ງນີ້ປະກອບມີເນື້ອໃນການຝຶກດັ່ງນີ້: ນໍາໃຊ້ໂປຣແກຣມ Xampp ເປັນເຊີເວີຈໍາລອງໃນຄອມພິວເຕີ; ໂປຣແກຣມ joomla 2.5.18 ທີ່ເປັນ ລະບົບ ຈັດການບລິຫານເນື້ອໃນຂອງເວັບໄຊ; ການສ້າງບົດຄວາມ(ໂມດູນ),ເນື້ອໃນຂ່າວສານ, ຕິດຕັ້ງສ່ວນເສີມຕ່າງໆໃຫ້ມີຄວາມສວຍງາມ; ການໃຊ້ພາສາ HTML ໃນການ ແກ້ໄຂເວັບໄຊດ້ວຍFirebug ຫລື F12; ການປັບແຕ່ງໜ້າເວັບໄຊ ພ້ອມດ້ວຍຕັ້ງຊື່ເວັບ www.ict – sekong.edu.la; ຂັ້ນຕອນການລົງ ພາສາລາວໃນ Joomla ແລະ ອື່ນໆ. ມາຮອດ ເວລາ 15:00 ໂມງ ກອງປະຊຸມໄດ້ປິດລົງດ້ວຍຜົນສໍາເລັດອັນຈົບງາມ

ບົດຂ່າວ ແລະ ຮູບພາບ: ລັດສະໝີ ກົມມະສິດ

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates