​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ແຂວງ ເອົາໃຈໃສ່ເຄື່ອນໄຫວສອບທຽບ ແລະ ກວດຄືນອຸປະກອນວັດແທກ ຢູ່ເມືອງ ດາກຈຶງ

00135ວັນທີ 9-12 ພຶດສະພາ2019 ຜ່ານມານີ້ ພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ, ຫ້ອງການວິທະຍາສາດ ແລະ ເຕັກໂນໂລຊີເມືອງ ດາກຈຶງ ສົມທົບກັບລັດວິສາຫະກິດ ໄຟຟ້າລາວ ສາຂາແຂວງ

ເຊກອງ ແລະ ລັດວິສາຫະກິດນ້ຳປະປາແຂວງ ໄດ້ຮ່ວມກັນລົງເຄື່ອນໄຫວສອບທຽບ ແລະ ກວດຄືນອຸປະ ກອນວັດແທກໜໍ້ນັບໄຟຟ້າ ແລະ ໝໍ້ແທກນ້ຳປະປາ ທີ່ຕິດຕັ້ງນຳໃຊ້ພາຍໃນເມືອງ ດາກຈຶງ.

ຈຸດປະສົ່ງ ໃນການລົງເຄື່ອນໄຫວຄັ້ງນີ້ແມ່ນເພື່ອຕິດຕາມກວດກາ, ສອບທຽບ ແລະ ກວດຄືນ ອຸປະກອນວັດແທກ ປະເພດໝໍ້ນັບໄຟຟ້າ ແລະ ໝໍ້ແທກນ້ຳປະປາ ທີ່ໄດ້ຕິດຕັ້ງນຳໃຊ້ພາຍໃນເມືອງດາກຈຶງ ເຮັດໃຫ້ການນຳໃຊ້ອຸປະກອນດັ່ງກ່າວມີຄວາມຍຸຕິທຳ, ປອດໄພ, ຊັດເຈນ ແລະ ມີຄວາມເປັນເອກະພາບ ບົນພື້ນຖານ ຄວາມຖືກຕ້ອງຕາມລະບຽບ, ຫລັກການ ແລະ ມາດຕະຖານ ຂອງພາກພື້້ນ ແລະ ສາກົນ ແນ່ໃສ່ ຊຸກຍູ້ສົ່ງເສີມການບໍລິການທີ່ມີຄຸນນະພາບ, ແທດເໝາະກັບສະພາບຄວາມເປັນຈິງ ບໍ່ໃຫ້ມີການເອົາປຽບ ລະຫວ່າງຜູ້ໃຫ້ບໍລິການ ແລະ ຜູ່ໃຊ້ບໍລິການ ເຮັດໃຫ້ການຊົມໃຊ້ອຸປະກອນວັດແທກພາຍໃນ ແຂວງເຊກອງ ມີຄວາມຍຸຕິທຳ.

ການຈັດຕັ້ງປະຕິບັດໃນຄັ້ງນີ້ແມ່ນເປັນການກວດຄືນອຸປະກອນວັດແທກທີ່ຕິດຕັ້ງນຳໃຊ້ໃນຮອບວຽນ 2 ປີ ຕໍ່ໜຶ່ງຄັ້ງ ແລະ ເປັນການກວດທຽບ ຄືນຈຳ ນວນ 3 ສ່ວນຮ້ອຍ ຂອງຈໍານວນໝໍ້ນັບໄຟຟ້າ ແລະ ໝໍ້ແທກນໍ້າປະປາທັງໝົດທີ່ມີໃນທົ່ວເມືອງ ເຊິ່ງຜ່ານການກວດທຽບບັນດາອຸປະກອນວັດແທກ ປະເພດໝໍ້ ແທກນ້ຳປະປາທັງໝົດ 20 ໜ່ວຍຈາກຈຳນວນ 438ໜ່ວຍ ແລະ ໝໍ້ນັບໄຟຟ້າທັງໝົດ 74ໜ່ວຍຈາກຈໍານວນ 1,973ໜ່ວຍ ເຫັນວ່າບັນດາອຸປະກອນ ດັ່ງກ່າວແມ່ນມີຄວາມຊັດເຈນ, ຖືກຕ້ອງຕາມເກນມາດຕະຖານທີ່ໄດ້ກຳນົດໄວ້ ແລະ ທາງຄະນະທິມງານວິຊາການກໍ່ໄດ້ ໜີບກົ່ວປ້ອງ ກັນການດັດປັບ ແລະ ຕິດສະຕິກເກີຢັ້ງຢືນຜ່ານການກວດສອບຖືກຕ້ອງແລ້ວ ພ້ອມດຽວກັນນີ້ ຄະນະທິມງານວິຊາການຍັງໄດ້ໃຫ້ຄຳແນະນຳປະຊາຊົນ ບັນດາເຜົ່າທີ່ນຳໃຊ້ໃຫ້ອຸປະກອນ ເອົາໃຈໃສ່ຕິດຕາມດ້ວຍຕົນເອງເພີ່ມຕື່ມ ເພື່ອປ້ອງກັນ ແລະ ຫລີກລ້ຽງ ການສູນເສຍ ທີ່ເກີດຈາກອຸປະກອນມີຄວາມຄາດເຄື້ອນ.

ບົດຂ່າວ ແລະ ຮູບພາບ: ວິຊັນ ເມືອງວົງສາ

00136 00137 00138 00139 00140 00139

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates