​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ໜ່ວຍພັກ ພວຕ ແຂວງຈັດກອງປະຊຸມສະຫຼຸບ ຕີລາຄາແຜນກໍ່ສ້າງໜ່ວຍພັກປອດໃສ, ເຂັ້ມ ແຂງ, ໜັກແໜ້ນ

  ໃນຕອນເຊົ້າວັນທີ 23ພະຈິກ2020 ຜ່ານມານີ້, ທີ່ຫ້ອງປະຊຸມ ພະແນກວິທະຍາສາດ ແລະເຕັກໂນ ໂລຊີແຂວງໜ່ວຍ ພັກພະແນກວິທະຍາສາດ ແລະ ເຕັກໂນໂລຊີແຂວງ

ໄດ້ຈັດກອງປະຊຸມສະຫຼຸບຕີລາຄາແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ແລະກຳນົດແຜນກໍ່ສ້າງໜ່ວຍພັກປອດໃສ,​ ເຂັ້ມແຂງ, ໜັກແໜ້ນປະຈຳປີ 2021 ຂອງຕົນຂຶ້ນພາຍໃຕ້ການເປັນ ປະທານຂອງສະຫາຍສຸລະພົນ ໝື່ນວິເສດ ເລຂາໜ່ວຍພັກຮາກຖານພະແນກ ວິທະຍາສາດ ແລະ ເຕັກໂນໂລຊີແຂວງ,ມີສະຫາຍໃນຄະນະພັກຮາກຖານ ແລະ ສະມາຊິກພັກສົມບູນພາຍໃນໜ່ວຍ ເຂົ້າຮ່ວມ ທັງໝົດ 14ສະຫາຍ, ຍິງ 6 ສະຫາຍ.

 ຈຸດປະສົ່ງຂອງກອງປະຊຸມດັ່ງກ່າວ ແມ່ນເພື່ອໃຫ້ສະມາຊິກພັກພາຍໃນໜ່ວຍພັກປະກອບຄຳເຫັນພ້ອມທັງ ຕີລາຄຸນ ນະພາບ ແລະແບ່ງປະເພດສະມາຊິກພັກດ້ວຍກັນ; ປະກອບຄຳເຫັນດ້ານດີ, ດ້ານອ່ອນ ແລະວິ ທີປັບປຸງແກ້ໄຂຂອງ ໜ່ວຍພັກພ້ອມທັງຕີລາຄາຄຸນນະພາບ ແລະແບ່ງປະເພດໜ່ວຍພັກ.

ນະໂອກາດດັ່ງກ່າວ ສະຫາຍ ສຸລະພົນ ໜື່ນວິເສດ, ເລຂາໜ່ວຍພັກພ້ອມທັງສະຫາຍຮອງເລຂາ ແລະຄະນະ ໜ່ວຍພັກ ໄດ້ຜ່ານຄໍາສັ່ງຂອງກົມການເມືອງສູນກາງພັກສະບັບເລກທີ 01/ກມສພ, ລົງວັນທີ 03 ມັງກອນ ປີ 2018 ວ່າດ້ວຍການ ເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ຄຳແນະນຳ ສະບັບເລກທີ 291/ຄຈສພ, ລົງວັນທີ 26 ເມສາ 2018 ກ່ຽວກັບການ ຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ ວ່າດ້ວຍການ ເພີ່ມທະວີການກໍ່ສ້າງໜ່ວຍພັກປອດໃສ, ເຂົ້ມແຂງ, ໜັກແໜ້ນ, ແຈ້ງການຂອງຄະນະຈັດຕັ້ງແຂວງ ສະບັບເລກທີ 77/ຄຈຂ, ລົງວັນທີ 03 ກັນຍາ 2020 ກ່ຽວກັບການປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020, ຜ່ານບົດສະຫຼຸບຕີລາຄາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021.

ນະໂອກາດດຽວກັນນີ້ສະຫາຍເລຂາໜ່ວຍພັກໄດ້ຍົກໃຫ້ເຫັນສະພາບຈຸດພິດເສດ, ຂອບເຂດການນຳພາຂອງໜ່ວຍພັກແລະ ຜົນງານການ ຈັດຕັ້ງປະຕິບັດບັນດາ ມາດຖານເງື່ອນໄຂແຕ່ລະດ້ານ ເປັນຕົ້ນ:ວຽກງານການເມືອງ, ວຽກງານແນວຄິດ, ວຽກງານການຈັດຕັ້ງ, ແບບແຜນວິທີການນຳພາ ແລະດ້ານການນຳພາປະຕິ ບັດໜ້າທີ່ການເມືອງເຊິ່ງແຕ່ລະດ້ານແມ່ນບັນລຸໄດ້ຕາມມາດຖານເງື່ອນໄຂຂອງຂັ້ນເທິງວາງໄວ້ ພ້ອມນັ້ນສະຫາຍຍັງໄດ້ຍົກໃຫ້ເຫັນບາງດ້ານອ່ອນ, ຂໍ້ຄົງຄ້າງທີ່ຈະຕ້ອງ ໄດ້ສືບຕໍ່ປັບປຸງແກ້ໄຂໃນຕໍ່ໜ້າ, ຜ່ານການຮັບຟັງການສະຫຼຸບຕີລາຄາ ບັນດາສະຫາຍສະມາຊິກພັກພາຍໃນໜ່ວຍກໍ່ເຫັນດີເອກະພາບຮັບຮອງເອົາບົດສະຫຼຸບຕີລາຄາ ແລະທິດທາງແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນຕໍ່ໜ້າ ເພື່ອເປັນການສຶບຕໍ່ເສິບຂະຫຍາຍມູນເຊື້ອອັນດີງາມ ຜົນງານທີ່ໂດດເດັ່ນ ແລະ ດ້ານດີ ເດັດດ່ຽວປັບປຸງ, ແກ້ໄຂຈຸດອ່ອນຂໍ້ຄົງຄ້າງ ແລະ ສິ່ງທ້າທາຍທົດສອບທີ່ເປັນໄພອັນຕະລາຍຕໍ່ພັກແນ່ໃສ່ເຊີນຊູບົດບາດຄວາມສາມາດນໍາພາຂອງໜ່ວຍພັກ ແລະ ຍົກສູງຄວາມເປັນແບບຢ່າງນໍາໜ້າຂອງຖັນແຖວສະມາຊິກພັກຮັບປະກັນເຮັດໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ.

   ໂອກາດທ້າຍນີ້ ສະຫາຍເລຂາໜ່ວຍພັກຍັງໄດ້ໂອ້ລົມ ແລະຮຽກຮ້ອງໃຫ້ສະຫາຍສະມາຊິກພັກ, ພະນັກງານລັດຖະກອນໄດ້ເຊື່ອມຊຶມ, ກຳແໜ້ນ ແລະຮັກສາໄດ້ມູນເຊື້ອ, ຄຸນງາມຄວາມດີທີ່ຍາດມາໄດ້ໃນໄລຍະຜ່ານມາ ນຳເອົາເນື້ອໃນຈິດໃຈແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຄັ້ງນີ້ ໄປຈັດຕັ້ງປະຕິບັດເຂົ້າສູ່ວຽກງານຕົວຈິງຂອງແຕ່ລະສະຫາຍໃຫ້ມີຜົນສຳເລັດຕາມຈຸດປະສົງ ແລະລະດັບຄາດໝາຍທີ່ວາງໄວ້.

                                                                                                                         ບົດຂ່າວ: ລັດສະໝີ ກົມມະສິດ

                                                                                                                         ຮູບພາບ: ມະນີໄຊ ເທບໄກສອນ

    

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates