​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ແຂວງເຊກອງຈັດກອງປະຊຸມປະເມີນ ຄືນແຜນກໍານົດພະນັກງານນຳ ພາ-ຄຸ້ມຄອງ

   ໃນຕອນເຊົ້າວັນທີ 19 ພະຈິກ 2020 ຜ່ານມານີ້, ທີ່ ຫ້ອງປະຊຸມ ພະແນກວິທະຍາສາດ ແລະເຕັກໂນ ໂລຊີແຂວງ ໄດ້ຈັດກອງ ປະຊຸມປະເມີນຄືນແຜນ ກໍານົດພະນັກງານນຳພາ-ຄຸ້ມຄອງ

ຂອງພະແນກວິທະຍາສາດແລະເຕັກໂນໂລຊີແຂວງໂດຍພາຍໃຕ້ ການເປັນປະທານຂອງ ທ່ານສຸລະພົນ ໝືນວິເສດ ເລຂາໜ່ວຍພັກ, ຫົວໜ້າພະແນກ ວິທະຍາສາດ ແລະເຕັກໂນໂລຊີແຂວງ, ມີບັນດາທ່ານຕາງໜ້າຈາກ ຂະແໜງການ ທີ່ກ່ຽວຂ້ອງ, ທ່ານໃນຄະນະພັກ, ຄະນະພະແນກ ຕະຫຼອດຮອດສະມາຊິກພັກ-ພະນັກ ງານລັດຖະກອນພາຍໃນພະແນກ ເຂົ້າຮ່ວມຢ່າງພ້ອມພຽງ.

     ຈຸດປະສົງ ແມ່ນເພື່ອປະຕິບັດຕາມແຈ້ງການຂອງຄະນະຈັດຕັ້ງແຂວງສະບັບເລກທີ 101/ຄຈ, ລົງວັນທີ 16ຕຸລາ 2020ວ່າດ້ວຍການປະເມີນຄືນແຜນກໍານົດພະນັກງານນໍາພາ-ຄຸ້ມຄອງ ຢູ່ໃນກົມກອງຂອງຕົນ, ເພື່ອເຮັດ ໃຫ້ວຽກງານການສ້າງ ແຜນກໍານົດພະນັກງານນໍາພາ-ຄຸ້ມຄອງແຕ່ລະຂັ້ນຮັບປະກັນ ລັກສະນະສຶບທອດປ່ຽນ ແທນຕໍ່ເນື່ອງໃນສະເພາະໜ້າ ແລະ ຍາວນານ,ຮັບປະກັນໃຫ້ແກ່ການຫັນວຽກພະນັກງານດໍາເນີນຕາມລະບຽບ ຫຼັກການ ເພື່ອຕອບສະໜອງໜ້າທີ່ການເມືອງ ຂອງພັກ-ລັດ; ທັງເປັນການກະກຽມບຸຄະລາກອນໃນລັກສະນະ ເປີດກວ້າງ ແລະໃຫ້ມີແຫຼ່ງເລືອກເຟັ້ນພະນັກງານເຂົ້າໃນ ຕໍາແໜ່ງນໍາພາ-ຄຸ້ມຄອງແຕ່ລະຂັ້ນ ພ້ອມຕອບສະໜອງ ໄດ້ທາງດ້ານຈໍານວນ, ຄຸນນະພາບ ແລະ ໂຄງປະກອບ ບຸກຄະລາກອນໃຫ້ຄົບຊຸດຕາມຄວາມຮຽກຮ້ອງ ຕ້ອງການຂອງແຕ່ລະຂະແໜງການໃນລະບົບການເມືອງ ແລະ ສໍາລັບປີ2020 ນີ້ແມ່ປີມ້ວນທ້າຍແຫ່ງການ ຈັດຕັ້ງປະຕິບັດແຜນສ້າງພະນັກງານໃນໄລຍະຜ່ານມາ.

  ໃນໂອກາດເຂົ້າຮ່ວມກອງປະຊຸມຄັ້ງນີ້ທ່ານສຸລະພົນ ໝືນວິເສດ ເລຂາໜ່ວຍພັກ, ຫົວໜ້າພະແນກວິທະຍາສາດ ແລະເຕັກໂນໂລຊີແຂວງ ກ່າວວ່າ: ການທາບທາມຢັ້ງຫາງສຽງໃນຄັ້ງນີ້ກໍ່ເພື່ອເຮັດໃຫ້ການຂຶ້ນແຜນກຳນົດພະນັກງານນຳພາ-ຄຸ້ມຄອງ ພາຍໃນພະແນກວິທະຍາສາດແລະ ເຕັກໂນໂລຊີແຂວງ ແຕ່ລະໄລຍະ ມີລັກສະນະຖືກຕ້ອງສອດຄ່ອງກັບສະພາບ ແລະເງື່ອນໄຂຕົວຈິງຂອງຂະແໜງການ ທັງຊອກໃຫ້ເຫັນຜູ້ທີ່ມີມາດຖານເງື່ອນໄຂຖືກຕ້ອງສອດຄ່ອງ ທີ່ຈະມາ ເປັນພະນັກງານລຸ້ນສືບທອດໃນຕຳແໜ່ງງານຕ່າງໆ ເຮັດໃຫ້ການຈັດຕັ້ງປະຕິບັດຊີ້ນຳ-ນຳພາໜ້າທີ່ການເມືອງ ກໍ່ຄືວຽກງານວິຊາສະເພາະ ໃນຕໍ່ໜ້າມີຄວາມກ້າວໜ້າ ແລະ ເຂັ້ມແຂງຂຶ້ນເຮັດໃຫ້ຂະແໜງການວິທະຍາສາດ ແລະເຕັກໂນໂລຊີສາມາດທຽບທັນກັບຂະແໜງການອື່ນໄດ້.ນະໂອກາດດຽວກັນນີ້ທ່ານຍັງ ຮຽກຮ້ອງໃຫ້ ສະມາຊິກພັກ, ພະນັກງານລັດຖະກອນທຸກທ່ານຈົ່ງມີຄວາມຮັບຜິດຊອບສູງ ພ້ອມກັນຄົ້ນຄວ້າ, ສຸມສະຕິປັນຍາເລືອກ ເຝັ້ນເອົາຜູ້ທີ່ມີມາດຖານ, ເງື່ອນໄຂຄົບຖ້ວນ ແລະ ຫຼີກເວັ້ນການເລືອກເອົາຍ້ອນເປັນບຸກຄົນທີ່ຕົນເອງສະໜິດສະໜົມ, ໝູ່ຄູ່ ຫຼື ຍາດພີນ້ອງໂດຍທີ່ບໍ່ຖືກຕ້ອງຕາມມາດຖານເງື່ອນໄຂທີ່ກຳນົດ.

     ເຂົ້າຮ່ວມກອງປະຊຸມໃນຄັ້ງນີ້ມີຂະແໜງການທີ່ກ່ຽວຂ້ອງ, ຄະນະພັກ, ຄະນະພະແນກ, ຫົວໜ້າ ແລະ ຮອງຫົວ ໜ້າຫ້ອງການ, ຫົວໜ້າ ແລະຮອງຫົວໜ້າ ຂະແໜງພ້ອມດ້ວຍພະນັກງານ-ລັດຖະກອນພາຍໃນພະແນກ ເຂົ້າຮ່ວມທັງໝົດ 17ທ່ານ,​ຍິງ 08 ທ່ານ

                                                                                                                                              ບົດຂ່າວ: ລັດສະໝີ ກົມມະສິດ

                                                                                                                                              ຮູບພາບ: ມະນີໄຊ ເທບໄກສອນ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates