​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກ ວຕ ແຂວງເຊກອງ ລົງຊຸກຍູ້ວຽກງານ ວິທະຍາສາດແລະເຕັກໂນໂລຊີເມືອງລະມາມ

ຕອນເຊົ້າວັນທີ 03 ພືດ​ສະ​ພາ 2020 ຜ່ານມານີ້, ຢູ່ທີ່ສະໂມສອນຂອງ ເມືອງລະ​ມາມ, ພະແນກວິທະ ຍາສາດ ແລະ ເຕັກໂນໂລຊີ ແຂວງເຊກອງ ຮ່ວມ​ກັບ​ຫ້ອງ​ການ​ວິ​ທະ​ຍາ​ສາດ​ສາດແລະເຕັກ​ໂນ​ໂລ​ຊີ​ເມືອງ

ລະ​ມາມ ໄດ້ຈັດກອງປະຊຸມເຜີຍແຜ່ກົດໝາຍກ່ຽວກັບວຽກງານວິທະຍາສາດ ແລະ ເຕັກໂນໂລຊີ ໂດຍ​ການ​ໃຫ້ກຽດເປັນ ປະທານຮ່ວມຂອງ ທ່ານ ສຸລະພົນ ໝືນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ແລະ ທ່ານ ຄຳ​ໄລ ປັນ​ຍາ​ຄູນ ຄະ​ນະ​ປະ​ຈຳ​ພັກ​ມືອງ ຮອງເຈົ້າເມືອງ-ເມືອງລະ​ມາມ ​ທັງ​ເປັນຜູ້​ຊີ​ນຳ​ວຽກ​ງານ​ຂົງ​ເຂດ​ເສດ​ຖະ​ກິດ, ມີຫົວ​ໜ້າ​ຫ້ອງ​ການ, ຮອງ​ຫົວ​ໜ້າ​ຫ້ອງ​ການ, ວິ​ຊາ​ການ  ພາຍ​ໃນຫ້ອງ​ການ ວ​ຕ ເມືອງ, ຫ້ອງການອ້ອມ​ຂ້າງ​ເມືອງ ແລະ ແຂກຖືກເຊີນເຂົ້າຮ່ວມທັງ​ໝົດ 35 ທ່ານ ຍິງ 10 ທ່ານ.

 

  ການລົງຊຸກຍູ້ເຄື່ອນໄຫວວຽກງານໃນຄັ້ງນີ້ ຍັງໄດ້ຮັບການລາຍງານຂອງທ່ານ ນາງ ກ​ອງ​​ນີ ສຸ​ວັນ​ນະ​ໄກ່​ສອນ ຮອງ​ຫົວໜ້າຫ້ອງ​ການ​ວິ​ທະ​ຍາ​ສາດ ​ແລະ ເຕັກ​ໂນ​ໂລ​ຊີເມືອງ ກ່ຽວກັບການຈັດຕັ້ງປະຕິບັດວຽກ ວິທະຍາສາດ ແລະ ເຕັກໂນໂລຊີ ໃນ​ໄລ​ຍະຜ່ານ​ມາ ແລະ ທິດທາງແຜນໃນຕໍ່ໜ້າ,ການລົງຊຸກຍູ້ ແລະເຮັດວຽກຂອງຄະນະ ນໍາພະແນກວິທະຍາສາດ ແລະ ເຕັກໂນໂລຊີແຂວງໃນຄັ້ງນີ້ ແມ່ນເພື່ອເຮັດໃຫ້ວຽກງານ ວິທະຍາສາດ ແລະ ເຕັກໂນໂລຊີ ຢູ່ຂັ້ນເມືອງໄດ້ຮັບການເຄື່ອນໄຫວຈັດຕັ້ງປະຕິ ບັດວຽກງານຢ່າງກ້ວາງຂວາງ ແລະ ມີຄວາມເຂັ້ມແຂງຂື້ນກວ່າເກົ່າ ທົ່ວສັງຄົມມີຄວາມຮັບຮູ້ ແລະເຂົ້າໃຈແນວທາງນະໂຍບາຍ, ລະບຽບ, ກົດໝາຍກ່ຽວກັບວິທະຍາ ສາດແລະເຕັກໂນໂລຊີຫຼາຍຂຶ້ນ ເຊິ່ງ​ກົດ​ໝາຍ​ທີ່​ໄດ້​ນຳ​ໄປ​ເຜີຍ​ແຜ່​ໃນ​ຄັ້ງ​ນີ້​ປະ​ກອບ​ມີ: ກົດໝາຍວິທະຍາສາດ ແລະ ເຕັກໂນໂລຊີ, ກົດໝາຍວ່າ ດ້ວຍຊັບສິນທາງປັນຍາ, ກົດໝາຍມາດຕະຖານ ແລະ ກົດໝາຍການວັດແທກ ຜ່ານການເຜີຍແຜ່ໃນຄັ້ງເຮັດໃຫ້ບັນດາຂະແໜງການ, ຫົວ​ໜ່ວຍ​ທຸ​ລະ​ກິດ ແລະ ປະ​ຊາຊົນ​ພາຍ​ໃນ​ເມືອງຮັບຮູ້ ແລະ ເຂົ້າໃຈແຈ້ງຕື່ມຕໍ່ພາລະບາດບາດ, ໜ້າທີ່ ຂອງຂະແໜງວິທະຍາສາດ ແລະ ເຕັກໂນໂລຊີຂັ້ນແຂວງ ແລະເມືອງ, ເປັນວຽກ​ທີ່ປິ່ນອ້ອມ ແລະຕິດພັນກັບທຸກຂົງ ເຂດວຽກ​ງານ ເປັນຕົ້ນຫຼັກໆແມ່ນ ອຸດສາຫະກຳ ແລະ ການຄ້າ, ກະສິກຳ-ປ່າໄມ້, ສາທາລະນະສຸກ, ຊັບພະຍາກອນທຳມະຊາດ ແລະສິ່ງແວດລ້ອມ ແລະວຽກງານ ອື່ນໆ ທີຈຳເປັນຕ້ອງໄດ້ມີການພົວພັນ ຮ່ວມມືປະສານສົມທົບກັນໃນກາຈັດຕັ້ງປະຕິບັດ. ການອອກຂໍ້ຕົກລົງ, ຂໍ້ກຳນົດ, ລະບຽບກົດໝາຍໃຫ້ຖືກຕ້ອງສອດຄ່ອງ ມີຄວາມເປັນເອກະພາບ ບົນພື້ນຖານລະບຽບກົດໝາຍ ໂດຍແນ່ໃສ່ຊຸກຍູ້ສົ່ງເສີມໃຫ້ຜູ້ປະກອບ, ການບໍລິການ ແລະ ຜະລິດຕະພັນສິນຄ້າທີ່ມີຄຸນນະພາບ, ປົກປ້ອງ ລິຂະສິດ, ຊັບສິນທາງປັນຍາຂອງຕົນ ໃຫ້ໄດ້ຕາມມາດຕະຖານເງື່ອນໄຂ ຂອງພາກພື້້ນ ແລະ ສາກົນ ແທດເໝາະກັບສະພາບຄວາມເປັນຈິງ ບໍ່ໃຫ້ມີການເອົາປຽບ ລະຫວ່າງຜູ້ໃຫ້ບໍລິການ ແລະ ຜູ້ໃຊ້ບໍລິການ ເຮັດ​ໃຫ້​ສັງ​ຄົມມີຄວາມຍຸຕິທຳ.

  ໃນ​ຕອນ​ທ້າຍ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ໂອ​ລົມ ແລະ ຍົກໃຫ້ເຫັນຄວາມໝາຍຄວາມສຳຄັນ ຂອງວຽກງານວິທະຍາສາດ ແລະ ເຕັກໂນໂລຊີ ທີ່ເປັນປັດໄຈສຳຄັນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ແລະ ການຫັນເປັນ ອຸດສາຫະກຳ ແລະ ທັນ ສະໄໝທີ່ຕິດພັນໂດຍກົງກັບການດຳລົງຊີວິດຕົວຈິງໃນທົ່ວສັງຄົມແນໃສ່ເຮັດໃຫ້ບັນດານິຕິກຳ ຖືກນໍາໄປຈັດຕັ້ງປະຕິບັດໃນຕໍ່ໜ້າຢ່າງເຂັ້ມງວດ,ໃຫ້ທຸກຄົນມີສະຕິເປັນ ເຈົ້າການປົກປ້ອງຮ່ວມມືກັນ ເພື່ອຜົນປະໂຫຍດຂອງຫົວໜ່ວຍທຸລະກິດ ແລະ​ ພໍ​ແມ່​ປະ​ຊາ​ຊົນຜູ້ບໍລິໂພກ.

                                                                             ບົດ​ຂ່າວ ແລະ ຮູບ​ພາບ: ບຸດ​ດີ ພົມ​ພິ​ທັກ

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates