​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກ ວິທະຍາສາດ ແລະ ເຕັກໂນໂລຊີ ແຂວງ ເຊກອງ ລົງຊຸກຍູ້ ເຜີຍແຜ່ກົດໝາຍ ແລະ ນິຕິກຳ

ໃນຕອນເຊົ້າວັນທີ 28 ຕຸລາ 2019 ຜ່ານມານີ້, ຢູ່ທີ່ສະໂມສອນຂອງເມືອງ ທ່າແຕງ ແຂວງ ເຊກອງ, ພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ຈັດກອງປະຊຸມເຜີຍແຜ່ກົດໝາຍ ແລະ ນິຕິກຳ

ກ່ຽວກັບວຽກງານວິທະຍາສາດ ແລະ ເຕັກໂນໂລຊີທີ່ຕິດພັນກັບການຊຸກຍູ້ການຜະລິດກາເຟ ໃຫ້ເປັນສະມາຊິກ ກາເຟພູພຽງບໍລະເວນເພື່ອຈົດຖິ່ນກໍາເນີດກອງປະຊຸມຄັ້ງນີ້ໃຫ້ກຽດເປັນປະທານໂດຍທ່ານ ສຸລະພົນ ໝືນວິເສດ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ, ມີຫ້ອງການກ່ຽວຂ້ອງ, ເຂດຈຸດສຸ່ມພັດທະນາ, ກຸ່ມຜະລິດກາເຟ ແລະ ແຂກຖືກເຊີນເຂົ້າຮ່ວມ. ເຊິ່ງການເຜີຍແຜ່ກົດໝາຍ ແລະ ນິຕິກຳ ກ່ຽວກັບວຽກງານ ວິທະຍາສາດ ແລະ ເຕັກໂນໂລຊີ ທີ່ຕິດພັນກັບການຊຸກຍູ້ການຜະລິດກາເຟໃຫ້ເປັນສະມາຊິກກາເຟ ພູພຽງບໍລະ ເວນເພື່ອຈົດຖິ່ນກໍາເນີດ ( GI )ຄັ້ງນີ້ ປະກອບມີ: ກົດໝາຍວິທະຍາສາດ ແລະ ເຕັກໂນໂລຊີ, ກົດໝາຍວ່າ ດ້ວຍຊັບສິນທາງປັນຍາ, ກົດໝາຍມາດຕະຖານ ແລະ ກົດໝາຍການວັດແທກ ເພື່ອໃຫ້ບັນດາພາກສ່ວນທີ່ກ່ຽວຂ້ອງໃຫ້ຮັບຮູ້ ແລະ ເຂົ້າໃຈເຖິງໜ້າທີ່,ພາລະບາດບາດ ຂອງພະແນກວິທະຍາສາດ ແລະ ເຕັກໂນໂລຊີ ແລະ ຫ້ອງການວິທະຍາສາດ ແລະເຕັກໂນໂລຊີ ເມືອງ ທ່າແຕງ ເພາະວຽກງານຂອງວິທະຍາສາດ ແລະ ເຕັກໂນໂລຊີ ແມ່ນໄດ້ປິ່ນອ້ອມກັບທຸກຂະແໜງການເປັນຕົ້ນແມ່ນ ອຸດສາຫະກຳ ແລະ ການຄ້າ, ກະສິກຳ-ປ່າໄມ້, ສາທາລະນະສຸກ, ແລະ ບັນດາຜູ້ປະກອບການ,ເຈົ້າຂອງ ຫົວໜ່ວຍທຸລະກິດເປັນຕົ້ນ ເພື່ອໃຫ້ການພົວພັນຮ່ວມມືປະສານສົມທົບ ຈັດຕັ້ງປະຕິບັດວຽກງານຕາມຂໍ້ກຳນົດ,ລະບຽບກົດໝາຍໃຫ້ຖືກຕ້ອງ. ໃນກອງປະຊຸມຄັ້ງນີ້ ມີບັນດາຜູ້ເຂົ້າຮ່ວມແມ່ນເຫັນວ່າມີຄວາມເຂົ້າໃຈ ແລະ ຮັບຮູ້ຫຼາຍຂຶ້ນ ກ່ຽວກັບວຽກງານດັ່ງກ່າວ ແລະ ໃຫ້ຄວາມສົນໃຈ, ຮ່ວມມືເປັນຢ່າງດີ. ນອກນັ້ນຍັງໄດ້ເອົາ ຄວາມຮູ້ໄປປັບປຸງໝູນໃຊ້ເຂົ້າໃນກິດຈະການຂອງຜູ້ປະກອບການເອງ.
         ໂອກາດນີ້ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ຍົກໃຫ້ເຫັນປະຫວັດຄວາມເປັນມາ ແລະ ຄວາມໝາຍຄວາມສຳຄັນຂອງວຽກງານວິທະຍາສາດ ແລະ ເຕັກໂນໂລຊີ ທີ່ເປັນປັດໄຈສຳຄັນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ແລະ ການຫັນເປັນ ອຸດສາຫະກຳ ແລະ ທັນສະໄໝ ທີ່ຕິດພັນໂດຍກົງກັບການດຳລົງຊີວິດຕົວຈິງໃນທົ່ວສັງຄົມ ແນໃສ່ເຮັດໃຫ້ບັນດານິຕິກຳ ຖືກນໍາໄປຈັດຕັ້ງປະຕິບັດໃນຕໍ່ໜ້າຢ່າງ ເຂັ້ມງວດ,ໃຫ້ທຸກຄົນມີສະຕິເປັນເຈົ້າການປົກປ້ອງຮ່ວມມືກັນ ເພື່ອຜົນປະໂຫຍດຂອງຫົວໜ່ວຍທຸລະກິດ ແລະ ຜູ້ບໍລິໂພກ, ຜູ້ຊົມໃຊ້ ໃຫ້ໄດ້ຮັບສິດສະເໝີພາບ ເຊິ່ງກັນ ແລະ ກັນ. ນອກນັ້ນ,ທ່ານຍັງໄດ້ລົງຊຸກຍູ້ຕິດຕາມວຽກງານວິຊາສະເພາະ ພ້ອມທັງແນະນຳບັນດາຜູ້ປະກອບ ແລະ ຫົວໜ່ວຍທຸລະກິດ ຂອບເຂດພາຍໃນເມືອງ ມີຄວາມເປັນແບບຢ່າງ ບົນພື້ນຖານ ຄວາມຖືກຕ້ອງຕາມ ລະບຽບ, ຫລັກການ ແລະ ມາດຕະຖານ ຂອງພາກພື້້ນ ແລະ ສາກົນ ແນ່ໃສ່ ຊຸກຍູ້ສົ່ງເສີມການບໍລິການ ທີ່ມີຄຸນນະພາບ, ແທດເໝາະກັບສະພາບຄວາມເປັນຈິງ ລະຫວ່າງຜູ້ໃຫ້ບໍລິການ ແລະ ຜູ້ຊົມໃຊ້ໃຫ້ມີຄວາມໂປ່ງໃສ ແລະ ຍຸຕິທຳ.

ບົດຂ່າວ ແລະ ຮູບພາບ: ຄ່ຽມແກ້ວ ແກ້ວດວງມະນີ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates