​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ທ່ານ ຮອງເຈົ້າແຂວງ-ແຂວງ ເຊກອງ ລົງຕິດ ຕາມ ແລະ ຊຸກຍູ້ວຽກງານວິທະຍາສາດ ແລະ ເຕັກໂນໂລຊີ

ໃນຕອນເຊົ້າຂອງວັນທີ 24 ຕຸລາ 2019 ຜ່ານມານີ້, ຢູ່ຫ້ອງປະຊຸມຂອງພະແນກວິທະຍາສາດ ແລະ ເຕັກ ໂນໂລຊີ ແຂວງເຊກອງ ໄດ້ຈັດກອງປະຊຸມຕິດຕາມ ແລະ ຊຸກ​ຍູ້ວຽກງານວິທະຍາສາດ ແລະ ເຕັກໂນ ໂລຊີຂື້ນ

ໃຫ້ກຽດເປັນປະທານກອງປະຊຸມຄັ້ງນີ້ໂດຍ ທ່ານ ເຫລັກໄຫລ ສີວິໄລ ຄະນະປະຈໍາພັກແຂວງ, ຮອງເຈົ້າແຂວງ -ແຂວງເຊກອງພ້ອມຄະນະ, ນອກຈາກນັ້ນຍັງມີທ່ານ ສຸລະພົນ ໝື່ນວິເສດເລຂາໜ່ວຍພັກຮາກຖານ ທັງເປັນຫົວ ໜ້າພະແນກ ວິທະຍາສາດ ແລະ ເຕັກໂນໂລຊີແຂວງ, ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າ ຂະແໜງ, ຮອງຫົວໜ້າຂະແໜງ, ພ້ອມດ້ວຍພະນັກງານ - ລັດຖະກອນພາຍໃນພະແນກເຂົ້າຮ່ວມທັງ ໝົດ 18 ທ່ານ, ຍິງ 4 ທ່ານ.

    ການເຄື່ອນໄຫວໃນຄັ້ງນີ້ ເພື່ອຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມ    ຄົບຄະນະບໍລິຫານ ງານພັກແຂວງເປີດກວ້າງຄັ້ງທີ 9 ສະໄໝທີ IX ຕິດພັນກັບການປະຕິບັດມະຕິກອງປະຊຸມສາມັນເທື່ອທີ 7 ຂອງສະພາປະຊາຊົນແຂວງ, ການກະກຽມດໍາເນີນ ກອງປະຊຸມໃຫ່ຍໜ່ວຍພັກຮາກຖານ, ຄະນະພັກຮາກຖານ, ການຈັດຕັ້ງປະຕິບັດວຽກງານວິຊາສະເພາະຂອງຂະແໜງການຕົນ ປະຈໍາປີ 2019 ເພື່ອຕິດຕາມ ແລະ ຊຸກຍູ້ ການເຄື່ອນໄຫວວຽກງານ ວິທະຍາສາດ ແລະ ເຕັກໂນໂລຊີ ໃຫ້ມີຄວາມເຂັ້ມແຂງຂື້ນກ່ວາເກົ່າ ໂດຍສະເພາະແມ່ນການຄຸ້ມຄອງ ແລະ ຕິດຕາມກວດກາເຄື່ອງມື ອຸປະກອນການວັດແທກ ໃນຂອບເຂດຄວາມຮັບຜິດຊອບຂອງພະແນກວິທະຍາສາດ ແລະ ເຕັກໂນໂລຊີ ຕາມການແບ່ງຂັ້ນການຄຸ້ມຄອງລະຫວ່າງແຂວງ ແລະ ເມືອງ ໃຫ້ຮັບປະກັນທາງດ້ານມາດຕະຖານ ແລະ ຄຸນນະພາບ ສ້າງຄວາມຍຸຕິທຳໃນສັງຄົມ ໃຫ້ບໍລິການດ້ານການວັດແທກພາຍໃນເມືອງ.

     ນະໂອກາດນີ້, ທ່ານ ສຸລະພົນ ໝື່ນວິເສດ ເລຂາໜ່ວຍພັກ, ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ກໍ​ຂື້ນໄດ້ລາຍງານໂດຍຫຍໍ້ ກ່ຽວກັບສະພາບການຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີ ໃນໄລຍະ 1 ປີຜ່ານມາ (ປີ2019) ແລະ ທິດທາງແຜນການໃນ 1 ປີຕໍ່ໜ້າ (ປີ2020) ເພື່ອໃຫ້ທ່ານຮອງເຈົ້າແຂວງ-ແຂວງເຊກອງ ພ້ອມດ້ວຍຄະນະຮັບຊາບເຊິ່ງທ່ານຫົວໜ້າພະແນກ ໄດ້ຍົກໃຫ້ເຫັນສະພາບ ຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ສະເໜີ ຄວາມຮຽກຮ້ອງຕ້ອງການຂອງການຈັດຕັ້ງປະຕິບັດວຽກງານວິທະຍາສາດ, ວຽກງານເຕັກໂນໂລຊີຂໍ້ມູນຂ່າວສານ,  ວຽກງານຊັບສິນທາງປັນຍາ, ມາດຕະຖານ ແລະ ການວັດແທກ ແລະ ວຽກ​ງານ​ວິ​ທະ​ຍາ​ສາດ​ ແລະ ນະ​ວັດ​ຕະ​ກຳ ໃນໄລຍະຜ່ານມາກໍຄືອະນາຄົດ ເພື່ອເປັນສ່ວນໜຶ່ງໃນການປະກອບສ່ວນເຮັດໃຫ້ເສດ ຖະກິດ -ສັງຄົມແຂວງ ໄດ້ຮັບການພັດທະນາ, ສັງຄົມມີຄວາມສະຫງົບ ແລະ ຍຸຕິທຳ ພ້ອມນັ້ນທ່ານຍັງຍົກໃຫ້ເຫັນບັນຫາທີ່ຍັງຄົງຄ້າງທີ່ຈະຕ້ອງໄດ້ຮັບການປັບປຸງ ແກ້ໄຂໃນຕໍ່ໜ້າຄື: ຄວາມຮູ້ ຄວາມສາມາດຂອງບຸກຄະລາກອນ, ພາ​ຫະ​ນະ, ເຄື່ອງມື, ວັດຖຸອຸປະກອນຮັບໃຊ້ວິຊາສະເພາະ ແລະ ງົບປະ ມານທີ່ຍັງຈຳກັດ.

        ໃນວາລະສຸດທ້າຍ, ກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງທ່ານ ເຫຼັກໄຫຼ ສີວິໄລ ຄະນະປະຈໍາພັກແຂວງ, ຮອງເຈົ້າແຂວງ-ແຂວງເຊກອງ, ຜູ້ຊີ້ນໍາວຽກງານເສດຖະກິດ, ເຊິ່ງມີບາງເນື້ອໃນຈິດໃຈທີ່ຕ້ອງໄດ້ຈັດຕັ້ງປະຕິບັດໃນຕໍ່ໜ້າ ພ້ອມດຽວກັນນີ້ທ່ານຍັງໄດ້ມີຄໍາເຫັນຍ້ອງຍໍຊົມເຊີຍຕໍ່ໝາກຜົນ, ຜົນງານທີ່ ພົ້ນເດັ່ນທີ່ພະແນກວິທະຍາສາດ ແລະ ເຕັກໂນໂລຊີແຂວງຍາດມາໄດ້ໄລຍະຜ່ານມາ, ພ້ອມດຽວກັນນີ້ ທ່ານຍັງໄດ້ຮຽກຮ້ອງໃຫ້ ພວຕ ແຂວງ ສືບຕໍ່ເສີມຂະຫຍາຍ ບັນດາຜົນງານທີ່ພົ້ນເດັ່ນ ແລະ ເອົາໃຈໃສ່ສຶກສາອົບຮົມດ້ານການເມືອງແນວຄິດໃຫ້ພະນັກງານ-ລັດຖະກອນໂດຍຕິດພັນກັບວຽກງານວິຊາສະເພາະໃຫ້ຫນັກແໜ້ນ, ປັບປຸງແກ້ໄຂຕື່ມບາງດ້ານທີ່ຍັງປະຕິບັດບໍ່ທັນໄດ້ດີໃຫ້ດີຂື້ນກວ່າເກົ່າ.

ບົດ​ຂ່າວ: ລັດ​ສະ​ໝີ ກົມ​ມະ​ສິດ

ຮູບ​ພາບ: ບຸດ​ດີ ພົມ​ພິ​ທັກ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates