​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພິທິເລື່ອນສະມາຊິກພັກສໍາຮອງຂື້ນເປັນສະມາ ຊິກພັກສົມບູນ

ໃນຕອນເຊົ້າວັນທີ 04 ຕຸລາ 2019 ຜ່ານມານີ້ ໜ່ວຍພັກຮາກຖານພະແນກ ວິທະຍາສາດ ແລະ ເຕັກໂນໂລຊີແຂວງເຊກອງ, ໄດ້ຈັດພິທີເລື່ອນສະມາ ຊິກພັກ ສຳຮອງ 1 ສະ​ຫາຍ ຂື້ນເປັນສະມາຊິກພັກ ສົມບູນ

ພິ​ທີ​ດັ່ງ​ກ່າວ​ແມ່ນ​ໄດ້​ຈັດ​ຂື້ນທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີແຂວງ, ໂດຍໃຫ້ກຽດເປັນປະ ທານຂອງ ສະຫາຍ ສຸລະພົນ ໜື່ນວິເສດ, ເລຂາໜ່ວຍພັກຮາກຖານ ພວຕ, ຫົວໜ້າ ພວຕ ແຂວງ ເຊກອງ ແລະ ມີຄະນະໜ່ວຍ ພັກ, ສະມາຊິກພັກສົມບູນ, ຕາງໜ້າຈາກສາມອົງການຈັດຕັ້ງມະຫາຊົນ, ພາຍໃນໜ່ວຍມີຜູ້ເຂົ້າ ຮ່ວມທັງໝົດ 15 ສະຫາຍ, ຍິງ 4 ສະຫາຍ.

      ໃນພິທີດັ່ງກ່າວ ສະ​ຫາຍ ທິດສຸວັນ ມິດສຸເກມ, ຮອງເລຂາໜ່ວຍພັກຮາກຖານ ພະແນກ ວິທະຍາສາດ ແລະ ເຕັກໂນໂລຊີແຂວງ ໄດ້ຂື້ນຜ່ານມະຕິຕົກລົງຂອງ ຄະນະປະຈຳພັກແຂວງ, ຮອງເລຂາພັກແຂວງ, ຮອງເຈົ້າແຂວງໆ ເຊກອງ ວ່າດ້ວຍການອະນຸມັດເລື່ອນສະມາຊິກພັກສຳຮອງຂື້ນເປັນສະມາຊິກສົມບູນ.

        ໂອກາດນີ້, ສະຫາຍ ສຸລະພົນ ໜື່ນວິເສດ, ເລຂາໜ່ວຍພັກຮາກຖານ ພະແນກວິທະຍາສາດ ແລະ ເຕັກໂນໂລຊີແຂວງ, ກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ສະມາຊິກພັກສຳຮອງທີ່ໄດ້ຝຶກຜົນຫຼໍ່ຫຼອມຕົນເອງຈົນກ້າວຂຶ້ນເປັນສະມາຊິກພັກສົມບູນ.

       ພ້ອມດຽວກັນນີ້ ສະຫາຍ ຍັງໄດ້ໂອລົມຕໍ່ສະມາຊິກພັກສົມບູນໃໝ່​ວ່າຈະຕ້ອງໄດ້ຝຶກຝົນຫຼໍ່ຫຼອມຕົນເອງຕື່ມອີກ, ຮັກສາມູນເຊື້ອຄຸນສົມບັດສິນທຳປະຕິວັດ ເອົາໃຈໃສ່ການພັດທະນາຕົນເອງ ແລະ ນໍາເອົາແນວທາງການປ່ຽນແປງໃໝ່ຂອງພັກ-ລັດໄປຜັນຂະຫຍາຍເປັນໂຄງການ,ແຜນງານລະອຽດ, ເຂົ້າກັບການຈັດຕັ້ງປະຕິ ບັດຈິງໃຫ້ ມີແບບແຜນວິທີເຮັດວຽກທີ່ດີ, ມີຄວາມສາມັກຄີໜັກແໜ້ນ ແລະ ການຕຳນິຕິຊົມກັນຢ່າງເປັນປົກກະຕິສະຫາຍຍັງໄດ້ເນັ້ນໜັກໃຫ້ສະມາຊິກພັກໃໝ່ ແລະ ສະມາຊິກພັກເກົ່າຕ້ອງເປັນແບບຢ່າງໃຫ້ແກ່ອ້າຍນ້ອງພະນັກງານ, ສ້າງຕົນເອງໃຫ້ເປັນແບບຢ່າງແກ່ມະຫາຊົນ, ເພື່ອເຮັດໃຫ້ໜ່ວຍພັກຮາກຖານພວກເຮົາ ກາຍເປັນ ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ພ້ອມກັນຈັດຕັ້ງປະຕິບັດວຽກງານທີ່ຂັ້ນເທິງມອບໝາຍໃຫ້, ຜັນຂະຫຍາບມະຕິກອງປະຊຸມໃຫຍ່ຄັ້ງທີ X ຂອງພັກ ປະຊາຊົນປະຕິວັດລາວ ໃຫ້ປາກົດຜົນເປັນຈິງ, ສ້າງວຽກງານ ໃນຂົງເຂດວິທະຍາສາດ ແລະ ເຕັກໂນໂລຊີ ໃຫ້ມີຄວາມເຂັ້ມແຂງ ແລະ ກ້າວໜ້າ, ສາມາດປະກອບ ສ່ວນເຂົ້າໃນການສ້າງສາ ພັດທະນາປະເທດຊາດ ເວົ້າລວມ, ເວົ້າສະເພາະກໍ່ຄື ແຂວງ ເຊກອງ ຂອງພວກເຮົາໃຫ້ມີຄວາມຈະເລີນກ້າວໜ້າຂື້ນ ເລື້ອຍໆ.

ບົດ​ຂ່າວ ແລະ ຮູບພາບ: ລັດສະໝີ ກົມມະສິດ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates