​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຫົວໜ້າ ພວຕ ຂື້ນບັນຍາຍ ສອນກົດໝາຍວ່າ ດ້ວຍ ຊັບສິນທາງປັນຍາໃຫ້ພະນັກງານຫຼັກ ແຫຼ່ງ ລະບົບ 45 ວັນ

ໃນຕອນເຊົ້າວັນທີ 26 ກັນຍາ 2019 ຜ່ານມານີ້, ທີ່ຫ້ອງປະຊຸມພະແນກຍຸຕິທໍາແຂວງເຊກອງ,ໄດ້ເປີດ ຊຸດການຮຽນກົດໝາຍ 45 ວັນ, ຮຸ່ນທີ VIII, ເຊິ່ງມີພະນັກງານນໍາພາ-ຄຸ້ມຄອງ ຢູ່ຂັ້ນແຂວງແລະ ເມືອງເຂົ້າຮ່ວມ

ທັງໝົດ 43,ຄົນ,ຍີງ08ຄົນ.

     ໃນໂອກາດເປີດຊຸດຮຽນດັ່ງກ່າວ, ທ່ານ ສຸລະພົນ ໜື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລ ຊີແຂວງ ເຊກອງ ໄດ້ຖືກເຊີນເພື່ອຂື້ນບັນຍາຍກົດໝາຍວ່າ ຊັບສິນທາງປັນຍາ ເຊີ່ງປະກອບມີ 5 ບົດໃຫ່ຍຄື: ຄວາມຮັບຮູ້ກ່ຽວກັບຊັບສິນທາງປັນຍາ,ຄວາມຮັບຮູ້ກ່ຽວກັບຊັບສິນອຸດສາຫະກໍາ,ຄວາມຮູ້ກ່ຽວກັບພັນພືດໃໝ່,ຄວາມຮູ້ກ່ຽວກັບລິຂະສິດ ແລະ ສິດກ່ຽວຂ້ອງກັບລິຂະສິດ,ຄວາມຮູ້ກ່ຽວກັບການແກ້ໄຂຂໍ້ຂັດແຍ່ງ ແລະ ການ ຮ້ອງຟ້ອງ.

      ຈຸດປະສົງ ແມ່ນເພື່ອເປັນການເປີດກ້ວາງໃຫ້ຜູ້ເຂົ້າຮ່ວມໄດ້ຮັບຮູ້ແລະ ເຂົ້າໃຈຢ່າງເລິກເຊີ່ງ ກ່ຽວກັບວຽກງານຊັນສິນທາງປັນຍາ ໂດຍທ່ານໄດ້ກ່າວວ່າ: ນັບຕັ້ງແຕ່ ປີ 1990 ສປປ ລາວໄດ້ເຂົ້າຮ່ວມເຄື່ອນໄຫວນໍາບັນດາອົງການຊັບສິນຂອງສາກົນຢ່າງຕັ້ງໜ້າ ວຽກງານຊັບສິນທາງປັນຍາ ໄດ້ພັດທະນາ ແລະ ດໍາເນີນການຢ່າງບໍຢຸດຢັ້ງ ບໍ່ວ່າໃນດ້ານການເຜີຍແຜ່ໂຄສະນາ ກ່ຽວກັບວິຊາການ ແລະ ຜູ້ປະກອບການ ທັງສູນກາງ ແລະທ້ອງຖິ່ນ ກໍ່ໄດ້ຮັບເຜີຍແຜ່ເຊື່ອມຊືມໃນທຸກໆປີ, ເພື່ອແນໃສ່ການຊຸກຍູ້ ສົ່ງເສີມ ໃຫ້ຜູ້ທີ່ມີຄວາມຮູ້ຄວາມສາມາດ ຮູ້ປະດິດສ້າງ ນໍາໃຊ້ຊັບສິນທາງປັນຍາອອກສູ່ສັງຄົມພາຍນອກ, ເຊີ່ງກົດໝາຍຊັບສິນທາງປັນຍາ ໄດ້ຮັບຮອງ ແລະ ປະກາດ ໃຊ້ຢ່າງເປັນທາງການໃນ ປີ 2017 ຜ່ານມາໃນປະຈຸບັນ ບັນດາປະເທດສະມາຊິກຍັງເຫັນດີຕົກລົງກໍານົດເອົາວັນທີ 26 ເມສາ ເປັນວັນທີ່ສົນທິສັນຍາ ວ່າດ້ວຍການ ສ້າງຕັ້ງ ອົງການຊັບສິນທາງປັນຍາໂລກ, ສປປ ລາວກໍ່ໄດ້ຮັບການສະເຫຼີມສະຫຼອງ ນັບແຕ່ປີ 2001 ເປັນຕົ້ນມາ.

   ໃນບັນຍາກາດ ການບັນຍາຍ ເນື້ອໃນຂອງກົດໝາຍໃນຄັ້ງນີ້ເຫັນວ່າ ນັກສຳມະນາກອນ ແມ່ນໃຫ້ຄວາມສົນໃຈຫຼາຍ ແລະ ໄດ້ຮັບການແລກປ່ຽນຄໍາຄິດ ຄໍາເຫັນຢ່າງ ກົງໄປກົງມາ ກ່ຽວກັບ ວຽກງານດັ່ງກ່າວຢ່າງເປັນຂະບວນຟົດຟື້ນ.

ບົດຂ່າວ: ນ.ລັດສະໝີ ກົມມະສິດ

ຮູບພາບ:ບຸດ​ດີ ພົມ​ພິ​ທັກ


ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates