​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຫົວໜ້າກົມກວດກາ (ກວຕ)ພ້ອມຄະນະ ເຮັດວຽກຮ່ວມກັບ ພວຕ ແຂວງ ເຊກອງ

00144ໃນຕອນເຊົ້າຂອງວັນທີ 21 ພຶດສະພາ 2019 ຢູ່ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ໄດ້ເປິດກອງປະຊຸມ ການລົງຊຸກຍູ້ວຽກງານກວດກາ ພາຍໃນ ພວຕ ແຂວງເຊກອງຂື້ນ ໂດຍໃຫ້ກຽດເຂົ້າຮ່ວມຂອງ ທ່ານ ເຮີເຊັງ ເຢຍປໍເຮີ ຫົວໜ້າກົມກວດກາ ກະຊວງ ວິທະຍາສາດ

ແລະ ເຕັກໂນໂລຊີ ແລະ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ມີຜູ້ຕາງໜ້າຈາກກົມກວດກາ(ກວຕ), ຫົວໜ້າຫອ້ງການ ວຕເມືອງ ແລະ ພະນັກງານ-ລັດ ຖະກອນ ພາຍໃນພະແນກ ເຂົ້າຮ່ວມທັງໝົດຈໍານວນ 27ຄົນ, ຍິງ 9ຄົນ

      ພາຍຫຼັງໄດ້ກ່າວຈຸດປະສົງ ແລະ ເປິດກອງປະຊຸມຢ່າງເປັນທາງການແລ້ວ ທ່ານ ສຸລະພົນ ໝື່ນວິເສດຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ລາຍງານສະພາບການ ຈັດຕັ້ງປະຕິບັດ ວຽກງານ ວິທະຍາສາດ ແລະ ເຕັກໂນໂລຊີ ທົ່ວແຂວງໃນໄລຍະ 01 ປີ ຜ່ານມາໂດຍຫຍໍ້ ແລະ ສະເໜີທິດທາງແຜນການ ປີ 2019 ຕໍ່ທ່ານຫົວໜ້າກົມກວດກາພ້ອມຄະນະ; ທ່ານ ເຮີເຊັງ ເຢຍປໍເຮີ, ຫົວໜ້າກົມກວດກາ, ກະຊວງວິທະຍາສາດ ແລະ ເຕັກໂນໂລຊີ ກໍໄດ້ເຜີຍແຜ່ ບັນດາເອກະສານຕ່າງໆ ເປັນຕົ້ນແມ່ນ ກົດໝາຍວ່າດ້ວຍການ ກວດກາລັດ (ສະບັບປັບປຸງ) ສະບັບເລກທີ 41/ສພຊ, ລົງວັນທີ 16 ພະຈິກ 2017 ປະກອບດ້ວຍ X ພາກ ແລະ 80 ມາດຕາ; ບົດແນະນໍາການ ປັບປຸງການຈັດຕັ້ງຄະນະກວດກາພັກ, ອົງການກວດກາລັດ ກະຊວງ-ອົງການ ແລະ ທ້ອງຖິ່ນ (ສະບັບປັບປຸງ) ສະບັບເລກທີ 192/ຄກສພ, ລົງວັນທີ 26 ມິຖຸນາ 2017

      ຈາກນັ້ນ, ບັນດາຜູ້ເຂົ້າຮ່ວມກອງປະຊຸມຕາງໜ້າຂະແໜງການ ແລະ ຫ້ອງການ ວຕ ເມືອງກໍໄດ້ສະແດງຄວາມຄິດຄວາມເຫັນ ແລກປ່ຽນບົດຮຽນເຊິ່ງກັນ ແລະ ກັນ ຢ່າງກົງໄປກົງມາດ້ວຍບັນຍາກາດທີ່ຟົດຟື້ນ ເພື່ອໃຫ້ພະນັກງານທຸກຄົນພາຍໃນ ພະແນກ ມີຄວາມເອົາໃຈໃສ່ ແລະ ໃຫ້ຄວາມສໍາຄັນຕໍ່ວຽກງານ ວິທະຍາສາດ ແລະ ເຕັກໂນໂລຊີໄດ້ມີການພັດທະນາຂື້ນເລື້ອຍໆ.

     ໃນຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຂອງທ່ານປະທານກອງປະຊຸມ ຊຶ່ງທ່ານໄດ້ເນັ້ນໃສ່ບາງວຽກທີ່ສໍາຄັນ ເປັນຕົ້ນແມ່ນການພັດທະນາ ຊັບພະຍາກອນມະນຸດຄື: ສ້າງບຸກຄະລາກອນໃຫ້ມີຄວາມພ້ອມທາງດ້ານຄວາມຮູ້ຄວາມສາມາດ ໃນດ້ານວຽກງານກວດກາຂອງທ້ອງຖິ່ນ ເພື່ອປະກອບໃສ່ ຂະແໜງວິທະຍາສາດ ແລະ ເຕັກໂນໂລຊີ ໃນຂອບເຂດທົ່ວແຂວງກໍ່ຄືທົ່ວປະເທດ,ທ່ານຍັງໄດ້ເນັ້ນໜັກບາງຈຸດ ເປັນຕົ້ນຕໍໂດຍແມ່ນວຽກງານຊັບສິນທາງ ປັນຍາ, ມາດຕະຖານ ແລະ ການວັດແທກເພື່ອສ້າງບຸກຄາລະກອນ ຂອງພະແນກໃຫ້ມີຄວາມເຂັ້ມແຂງ ແລະ ທ່າແຮງຕ່າງໆຂອງແຂວງ ເຊກອງອີກດ້ວຍ.

 

ບົດຂ່າວ: ນ.ລັດສະໝີ ກົມມະສິດ

ຮູບພາບ:ບຸດ​ດີ ພົມ​ພິ​ທັກ

0145 00146 00147 00148 00149 00150

 

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates