​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຈັດປາຖະກະຖາເອກະສານສໍາຄັນຂອງຊາດ- ຂອງພັກ

063ໃນຕອນບ່າຍຂອງວັນທີ 06 ກຸພາ 2019ຜ່ານມານີ້ ທີ່ຫ້ອງປະຊຸມ ພະແນກວິທະຍາສາດ ແລະ ເຕັກ ໂນໂລຊີແຂວງ ເຊກອງ, ໄດ້ຈັດຕັ້ງປະຖະກະຖາ ເຊື່ອມຊຶມ ບັນດາເອກະສານວັນສໍາຄັນຕ່າງໆ ຂອງ ຊາດ

ແລະ ຂອງພັກໃຫ້ກຽດເຂົ້າຮ່ວມເປັນປະທານໂດຍທ່ານ ສຸລະພົນ ໝື່ນວິເສດ ເລຂາໜ່ວຍພັກ, ຫົວໜ້າພະ ແນກວິ ທະຍາສາດ ແລະ ເຕັກໂນໂລຊີແຂວງ.

   ຈຸດປະສົງໃນການຈັດປະຖະກະຖາຄັ້ງນີ້ ແມ່ນເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນພາຍໃນ ພະແນກ ວິທະຍາສາດ ແລະ ເຕັກໂນໂລຊີແຂວງ ໄດ້ຮັບຮູ້ ແລະ ເຂົ້າໃຈເລິກເຊິ່ງຂອງການເຕີບ​ໃຫຍ່​ເຂັ້ມ​ແຂງ​ຂອງກອງ​ທັບ​ປະ​ຊາ​ຊົນ​ລາວໃນຕະຫຼອດໄລຍະ 70 ປີ (20 ມັງກອນ 1949 ຫາ 20 ມັງກອນ 2019), ການ ເຕີບໃຫຍ່ຂະຫຍາຍຕົວຂອງກອງບັນຊາການທະຫານແຂວງເຊກອງຄົບຮອບ 35 ປີ (14 ເມສາ 1984 ຫາ 14 ເມສາ 2019) ແລະ ການ​ກຳ​ເນີດ​ຂອງ​ອົງ​ການ​ຈັດ​ຕັ້ງ​ກຳ​ມະ​ບານ​ລາວ ຄົບ​ຮອບ 63 ປີ ທັງ​ນີ້ກໍ່​ເພື່ອ​ໃຫ້​ສະ​ມາ​ຊິກ​ພັກ, ພະ​ນັກ​ງານ​ລັດະ​ຖ​ະ​ກອນ ໄດ້​ເຊື່ອມ​ຊຶມ, ຝຶກ​ຜົນ​ຫລໍ່​ຫລອມ ແລະ ຮ່ຳ​ຮຽນ​ເອົາມູນເຊື້ອ, ນ້ຳ​ໃຈ​ເສຍ​ສະ​ຫລະ, ຄວາມອົງ​ອາດ​ກ້າ​ຫານ, ບໍ່​ຍອມ​ຈຳ​ນົ​ນ, ຄວາ​ມ​ສະ​ຫລາດ​ສ່ອງ​ໄສ ແລະ ຕໍ່​ສູ້​ມີ​ໄຊ ຂອງບັນດາຜູ້ນໍາ ແລະ ພະນັກງານນັກຮົບໃນ​ພາ​ລະ​ກິດ​ຕໍ່​ສູ້​ກູ້​ຊາດ ກໍ​ຄື​ໃນ​ພາ​ລະ​ກິດ​ປົກ​ປັກ​ຮັກ​ ແລະ ສ້າງ​ສາ​ພັດ​ທະ​ນາ​ປະ​ເທດ​ຊາດ ເຂົ້າສູ່​ການ​ເຄື່ອນ​ໄຫວວຽກ​ງານ​ຕົວ​ຈິງ ​ປະ​ກອບ​ສ່ວນ​ເຂົ້າພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ກ້າວ​ໄປສູ່ຈຸດ​ປະ​ເທດ​ຫລຸດ​ພົ້ນ​ອອກ​ຈາກ​ດ້ອຍ​ພັ​ດ​ທະ​ນາ ໃນປີ 2020.

​ເຜີຍແຜ່ ແລະ ເຊື່ອມຊຶມໃນຄັ້ງນີ້ມີ ທ່ານ ລຳພັນ ແກ້ວມະຫາໄຊ ຮອງເລຂາໜ່ວຍພັກ, ຮອງຫົວໜ້າພະແນກ ຮັບ​ຜິດ​ຊອບ​ເຊື່ອມ​ຊຶມ ເອກະສານ ວັນສ້າງຕັ້ງກອງບັນຊາການທະຫານແຂວງເຊກອງ ຄົບຮອບ 35 ປີ (14 ເມ​ສາ 1984 ຫາ 14 ເມ​ສາ 2019) ແລະ ເອ​ກະ​ສານວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( 20 ມັງ​ກອນ 1949 ຫາ 20 ມັງ​ກອນ 2019) ແລະ ທ່ານ ວຽງໄຊ ວໍລະສິງ ຮອງຫົວໜ້າພະແນກ ຮັບ​ຜິດ​ຊອບ​ເຊື່ອມ​ຊຶມ ມູນເຊື້ອການກໍາເນີດ ຂອງອົງການຈັດຕັ້ງກໍາມະບານລາວ ຄົບຮອບ 63 ປີ (01 ກຸ່ມ​ພາ 1956 ຫາ 01 ກຸມ​ພາ 2019).

ໃນໂອກາດທ້າຍນີ້ ທ່ານ ສຸລະພົນ ໜື່ນວິເສດ ເລຂາໜ່ວຍພັກ,​ ຫົວໜ້າພະແນກ ວິທະຍາສາດ ແລະ ເຕັກໂນໂລຊີແຂວງ ຍັງໄດ້ໃຫ້ກຽດໂອ້ລົມ ຕໍ່ກອງປະຊຸມ ທ່ານໄດ້ສະແດງຄວາມ​ຍ້ອງ​ຍໍຊົມເຊີຍມາ​ຍັງຖັນແຖວສະມາຊິກພັກ ແລະ ພະນັກງານ-ລັດຖະກອນ ພາຍໃນພະແນກ ທີ່​ຕັ້ງ​ໃຈ​ຮັບ​ຟັງ​ການ​ເຜີຍ​ແຜ່​ເຊື່ອມ​ຊຶມ​ໃນ​ຄັ້ງ​ນີ້, ພ້ອມນັ້ນ ທ່ານຍັງໄດ້ຮຽກຮ້ອງໃຫ້ພະນັກງານ-ສະມາຊິກພັກຈົ່ງສຶບຕໍ່ສຶກສາຮ່ຳຮຽນເອົາຄຸນງາມຄວາມດີ, ຄຸນສົມບັນສິນທຳປະຕິວັດ ແລະ ແບບແຜນການດຳລົງຊີວິດຂອງບັນດາຜູ້ນໍາ ແລະ ພະນັກງານນັກຮົບປະຕິວັດລຸ້ນ​ກ່ອນ ເຂົ້າໃນການດຳລົງຊີວິດ ແລະການເຄື່ອນໄຫວວຽກງານຕົວຈິງຂອງຕົນ ເພື່ອຍົກສູງປະສິດທິພາບດ້ານການປະຕິບັດໜ້າທີ່ວິຊາສະເພາະຂອງຕົນແນໃສ່ເຮັດໃຫ້ວຽກງານໄດ້ຮັບການພັດທະນາຂື້ນເປັນກ້າວໆ ແລະ ປະກອບສ່ວນເປັນ ສ່ວນໜຶ່ງໃນການພັດທະນາເສດຖະກິດ-ສັງຄົມຂອງແຂວງກໍ່ຄື ປະເທດຊາດ.

ເຂົ້າຮ່ວມພິທີໃນຄັ້ງນີ້ມີ ຄະນະພະແນກຫົວໜ້າຫ້ອງການຮອງຫົວໜ້າຫ້ອງການຫົວໜ້າຂະແໜງຮອງຫົວໜ້າຂະແໜງພ້ອມດ້ວຍພະນັກງານ- ລັດຖະກອນທັງໝົດເຂົ້າຮ່ວມ22ທ່ານ,​ຍິງ 7ທ່ານ

ບົດ​ຂ່າວ: ນ. ລັດສະໝີ ກົມມະສິດ

ຮູບ​ພາບ: ບຸດ​ດີ ພົມ​ພິ​ທັກ

0064 0065 0066

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates