​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ກອງປະຊຸມທາບທາມພະນັກງານນຳພາ-ຄຸ້ມຄອງ

083ໃນວັນທີ 24 ສິງຫາ 2017 ນີ້, ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີແຂວງ ເຊກອງ ໄດ້ຈັດກອງປະຊຸມທາບທາມພະນັກງານ ນຳພາ-ຄຸ້ມຄອງ ຂອງພະແນກວິທະຍາສາດ ແລະ ເຕັກໂນໂລຊີແຂວງ

ໂດຍພາຍໃຕ້ການເປັນປະທານ ຂອງທ່ານ ບຸນຕີ ທະມິດ ຮອງເລຂາຄະນະພັກ, ຮອງລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ມີທ່ານຫົວໜ້າກົມ ພ້ອມດ້ວຍພະນັກງານທີ່ກ່ຽວຂ້ອງ ຈາກກົມຈັດຕັ້ງ- ພະນັກງານ, ທ່ານຕ່າງໜ້າຈາກຄະນະຈັດຕັ້ງແຂວງ, ພະແນກພາຍໃນແຂວງ ແລະ ກວດກາພັກ-ລັດແຂວງ ເຂົ້າຮ່ວມເປັນສັກຄີພິຍານຢ່າງພ້ອມພຽງ.

     ຈຸດປະສົງ ແມ່ນເພື່ອປະຕິບັດຕາມແຈ້ງການຂອງຄະນະຈັດຕັ້ງແຂວງສະບັບເລກທີ 30/ຄຈຂ, ລົງວັນທີ 30 ມີນາ 2017 ແລະ ແຈ້ງການຂອງກະຊວງວິທະຍາສາດ ແລະ ເຕັກໂນໂລຊີ ສະບັບເລກທີ່ 0722/ກວຕ.ກຈພ ລົງວັນທີ 16 ກໍລະກົດ 2017 ວ່າດ້ວຍການຂຶ້ນແຜນກໍານົດພະນັກງານນຳພາ-ຄຸ້ມຄອງ ພາຍໃນພະແນກວິທະຍາສາດ ແລະ ເຕັກໂນໂລຊີຄືນໃໜ່ ເພື່ອເປັນບ່ອນອີງໃຫ້ຂະແໜງການ ໃນການກໍ່ສ້າງ, ຍົກລະດັບພະນັກງານສືບທອດໃນແຕ່ລະໄລຍະ ແລະ ແທດເໝາະກັບພື້ນຖານເງື່ອນໄຂຄວາມເປັນຈິງຂອງຂະແໜງການ ແລະ ທ້ອງຖິ່ນ, ເຊິ່ງເປົ້າໝາຍການທາບທາມໃນຄັ້ງນີ້ ແມ່ນພະນັກງານໃນຕຳແໜ່ງ ບໍລິຫານປະເພດ 4 ລົງມາຮອດຕຳແໜງບໍລິຫານປະເພດ 6 ຫລື (ຫົວໜ້າພະແນກລົງຮອດຮອງຫົວໜ້າຂະແໜງ) ໂດຍມີການທາບທາມ 3 ຮອບຄື: ຮອບທຳອິດແມ່ນເອົາໃນພະນັກງານລັດຖະກອນສົມບູນທັງໝົດເຂົ້າຮ່ວມ, ຮອບທີສອງແມ່ນເອົາໃນສະມາຊິກພັກເຂົ້າຮ່ວມ ແລະ ຮອບສຸດທ້າຍແມ່ນເອົາໃນຄະ ນະພັກ ແລະ ຄະນະພະແນກເຂົ້າຮ່ວມ.

ໃນໂອກາດເຂົ້າຮ່ວມກອງປະຊຸມຄັ້ງນີ້ ທ່ານ ບຸນຕີ ທະມິດ ຮອງເລຂາຄະນະພັກ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ກ່າວວ່າ: ການທາບທາມຢັ້ງຫາງສຽງໃນຄັ້ງນີ້ ກໍ່ເພື່ອເຮັດໃຫ້ການຂຶ້ນແຜນກຳນົດພະນັກງານນຳພາ-ຄຸ້ມຄອງ ພາຍໃນພະແນກວິທະຍາສາດ ແລະ ເຕັກໂນໂລຊີແຂວງ ມີລັກສະນະຖືກຕ້ອງສອດຄ່ອງກັບສະພາບ ແລະ ເງື່ອນໄຂຕົວຈິງຂອງຂະແໜງການ ກໍ່ຄືທ້ອງຖິ່ນ ທັງຊອກໃຫ້ເຫັນຜູ້ທີ່ມີມາດຖານເງື່ອນໄຂ ທີ່ຈະມາເປັນພະນັກ ງານລຸ້ນສືບທອດໃນຕຳແໜ່ງງານຕ່າງໆ ເພື່ອມາຈັດຕັ້ງປະຕິບັດຊີ້ນຳ-ນຳພາ ໜ້າທີ່ການເມືອງ ກໍ່ຄືວຽກງານວິຊາສະເພາະ ໃຫ້ມີຄວາມກ້າວໜ້າ ແລະ ເຂັ້ມແຂງຂຶ້ນ ທັງໃນປະຈຸບັນກໍ່ຄືໃນອານາຄົດຕໍ່ໜ້າ ເຮັດໃຫ້ຂະແໜງການວິທະຍາສາດ ແລະ ເຕັກໂນໂລຊີສາມາດທຽບທັນກັບຂະແໜງການອື່ນໄດ້, ນະໂອກາດດຽວກັນນີ້ ທ່ານຮອງລັດຖະມົນຕີຍັງຮຽກຮ້ອງໃຫ້ສະມາຊິກພັກ, ພະນັກງານລັດຖະກອນທຸກທ່ານ ຈົ່ງມີຄວາມຮັບຜິດຊອບສູງ ພ້ອມກັນຄົ້ນຄວ້າ, ສຸມສະຕິປັນຍາເລືອກ ເອົາຜູ້ທີ່ມີມາດຖານ, ເງື່ອນໄຂຄົບຖ້ວນຕາມທີ່ກະຊວງວິທະຍາສາດ ແລະ ເຕັກໂນໂລຊີ ກໍ່ຄືແຂວງເຊກອງກໍານົດໄວ້ ແລະ ຫລີກເວັ້ນການເລືອກເອົາຍ້ອນ ເປັນບຸກຄົນທີ່ຕົນເອງສະໜິດສະໜົມ, ໝູ່ຄູ່ ແລະ ຍາດພີນ້ອງ ທີ່ບໍ່ຖືກຕ້ອງຕາມມາດຖານເງື່ອນໄຂທີ່ກຳນົດ.

       ເຂົ້າຮ່ວມກອງປະຊຸມໃນຄັ້ງນີ້ມີ ຂະແໜງການທີ່ກ່ຽວຂ້ອງທັງສູູູູູູູູູນກາງ ແລະ ທ້ອງຖິ່ນ, ມີຄະນະພັກ, ຄະນະພະແນກ, ຫົວໜ້າ ແລະ ຮອງຫົວ ໜ້າຫ້ອງການ, ຫົວໜ້າ ແລະ ຮອງຫົວໜ້າຂະແໜງ ພ້ອມດ້ວຍພະນັກງານ-ລັດຖະກອນພາຍໃນພະແນກ ເຂົ້າຮ່ວມທັງໝົດ 30 ທ່ານ,​ ຍິງ 11 ທ່ານ.

ບົດຂ່າວ: ລັດສະໝີ ກົມມະສິດ

ຮູບພາບ: ບຸດດີ ພົມພິທັກ

084 085 086  088 089 090087 091 092

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates