​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ແຂວງເຊກອງ ລົງຕິດຕາມກວດສອບ ແລະ ສະກັດກັ້ນສິນຄ້າລອກຮຽນແບບ

  ວັນທີ 21 ຕຸລາ 2020 ທີ່ຜ່ານມາທາງຄະນະກຳ ມະການຄຸ້ມຄອງວຽກງານຊັບສິນທາງປັນຍາ, ມາດ ຕະຖານ ແລະວັດແທກແຂວງເຊກອງ

ເຊິ່ງນໍາໂດຍທ່ານ ວຽງໄຊ ວໍລະສິງ ຮອງຫົວໜ້າພະແນກວິທະຍາສາດ ແລະເຕັກໂນໂລຊີແຂວງເຊກອງ ໄດ້ລົງ ຕິດຕາມກວດກາ ແລະສະກັດກັ້ນສິນຄ້າລອກຮຽນແບບເຄື່ອງໝາຍການຄ້າ ຜະລິດຕະພັນແປ້ງນົວກາຈອງ ທີ່ຢູ່ຕາມທ້ອງຕະຫຼາດສົດແຂວງເຊກອງ ແລະເມືອງທ່າແຕງ.

ການລົງກວດກາຄັ້ງນີ້ ແມ່ນປະຕິບັດຕາມແຈ້ງການຂອງກົມຊັບສິນທາງປັນຍາສະບັບເລກທີ 0304 ລົງວັນທີ 28 ກຸມພາ 2020 ກໍຄືພາລະບົດບາດ, ສິດ ແລະໜ້າທີ່ຂອງພະແນກວິທະຍາສາດ ແລະເຕັກໂນໂລຊີ ແຂວງເຊກອງ, ພ້ອມນີ້ກໍເປັນການຜັນຂະຫຍາຍ ບັນດາກົດໝາຍ, ເປັນຕົ້ນກົດໝາຍຊັບສິນທາງປັນຍາ ແລະ ບັນດານິຕິກຳຕ່າງໃຫ້ພໍ່ແມ່ ປະຊາຊົນມີຄວາມເຂົ້າໃຈແລະ ພ້ອມກັນປົກປ້ອງຊັບສິນທາງປັນຍາ, ເຄື່ອງໝາຍການຄ້າ ແລະປົກປ້ອງ ຜົນປະໂຫຍດ ອັນຊອບທຳຂອງປະຊາຊົນ ແລະຜູ້ຊົມໃຊ້, ໃນການຊົມໃຊ້ຜະລິດຕະພັນທີ່ມີຄຸນນະພາບ, ພ້ອມກັນນັ້ນ ກໍເປັນການຕ້ານສະກັດກັ້ນການຜະລິດ ແລະ ການຈຳໜ່າຍສິນຄ້າປອມແປງ, ສິນຄ້າລອກຮຽນແບບເຄື່ອງໝາຍການຄ້າ ແລະສິນຄ້າທີ່ຜິດຕໍ່ລະບຽບກົດໝາຍ ໂດຍສະເພາະແມ່ນ ກົດໝາຍວ່າ ດ້ວຍ ຊັບສິນທາງປັນຍາ.

 ທ່ານ ວຽງໄຊ ວໍລະສິງ ກ່າວຕື່ມວ່າ: ການລົງຄັ້ງນີ້ ແມ່ນໄດ້ລົງຢູ່ 2 ຕົວເມືອງ: ເມືອງລະມາມ ແລະ ເມືອງທ່າແຕງລວມມີ 24 ຮ້ານ, ພົບເຫັນສິນຄ້າ ຮຽນແບບເຄື່ອງໝາຍການຄ້າແປ້ງນົວກາຈອງ 3 ຮ້ານລວມມີ 30 ຖົງ, ໃນນີ້ຢູ່ຕະຫຼາດເມືອງລະມາມ ຫຼື ເທດສະບານແຂວງ 2 ຮ້ານ ແລະເມືອງທ່າແຕງ 1 ຮ້ານ, ພາຍຫຼັງທີ່ກວດພົບກໍໄດ້ເຮັດບົດບັນທຶກກັບເຈົ້າຂອງຮ້ານ ແລະໄດ້ຢຶດເອົາສິນຄ້າດັ່ງກ່າວ ມາຮັກສາໄວ້ທີ່ພະແນກວິທະຍາສາດ ແລະເຕັກໂນໂລຊີແຂວງເຊກອງ ເພື່ອລໍຖ້າການທຳລາຍຢ່າງເປັນທາງການ ແລະ ວັນຊັບສິນທາງປັນຍາໂລກ.


ຂ່າບ ແລະຮູບພາບ: ມະນີໄຊ ເທບໄກສອນ

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates