​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພວຕ ແຂວງເອົາໃຈໃສ່ລົງເຄື່ອນໄຫວສອບ ທຽບໝໍ້ນັບໄຟຟ້າ ແລະ ໝໍ້ແທກນ້ຳປະປາ ຢູ່ ເມືອງ ທ່າແຕງ

00151 ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ ໄດ້ລົງຊຸກຍູ້ຕິດຕາມ ວິຊາການວຽກ ງານມາດຕະຖານ ແລະ ວັດແທກ ລົງກວດສອບ ສອບທຽບ ໜໍ້ນັບໄຟຟ້າ ແລະ ໝໍ້ແທກນ້ຳປະປາ

ທີ່ຕິດຕັ້ງນຳໃຊ້ພາຍໃນ ເມືອງ ທ່າແຕງ ຄັ້ງວັນທີ 4-10 ມິຖຸນາ 2019 ຜ່ານມານີ້ ໂດຍສົມທົບກັບ ຫ້ອງການວິທະຍາສາດ ແລະ ເຕັກໂນໂລຊີ ເມືອງທ່າແຕງ, ລັດວິສາຫະກິດໄຟຟ້າລາວ ແລະ ລັດວິສາຫະກິດ ນ້ຳປະປາ.

      ຈຸດປະສົ່ງ ໃນການລົງເຄື່ອນໄຫວຄັ້ງນີ້ແມ່ນເພື່ອຕິດຕາມກວດກາສອບທຽບ ແລະ ກວດຄືນອຸປະກອນ ວັດແທກ ປະເພດໝໍ້ນັບໄຟຟ້າ ແລະ ໝໍ້ແທກນ້ຳປະປາ ທີ່ໄດ້ຕິດ ຕັ້ງນຳໃຊ້ພາຍໃນເມືອງ ທ່າແຕງ ກໍເພື່ອຢັ້ງຢືນ ຄວາມຊັດເຈນຂອງອຸປະກອນດັ່ງກ່າວຕໍ່ຜູ້ຊົມໃຊ້ ເຮັດໃຫ້ສັງຄົມມີຄວາມຍຸຕິທຳປອດໄພ ແລະ ມີຄວາມເປັນເອກະພາບ ບົນພື້ນຖານ ຄວາມຖືກຕ້ອງຕາມ ລະບຽບຫລັກການ ແລະ ມາດຕະຖານ ຂອງພາກພື້້ນ ແລະ ສາກົນ ແນ່ໃສ່ ຊຸກຍູ້ສົ່ງເສີມການບໍລິ ການທີ່ມີຄຸນນະພາບແທດເໝາະກັບສະພາບຄວາມເປັນຈິງ ບໍ່ໃຫ້ມີການເອົາປຽບ ລະຫວ່າງຜູ້ໃຫ້ບໍລິການ ແລະ ຜູ້ໃຊ້ບໍລິການ ເຮັດໃຫ້ການຊົມໃຊ້ອຸປະກອນ ວັດແທກພາຍໃນ ແຂວງເຊກອງ ມີຄວາມຍຸຕິທຳ.

          ການຈັດຕັ້ງປະຕິບັດໃນຄັ້ງນີ້ ຢັ້ງຢືນວ່າເປັນການກວດຄືນໝໍ້ນັບໄຟຟ້າ ແລະ ໝໍ້ແທກນ້ຳປະປາ ທີ່ຕິດຕັ້ງນຳໃຊ້ໃນຄົວເຮືອນ ເຊິ່ງຮອບ ວຽນ 2 ປີ ຕໍ່ໜຶ່ງຄັ້ງ ຈຳນວນ 3 ສ່ວນຮ້ອຍ ຂອງຈໍານວນໝໍ້ນັບໄຟຟ້າ ແລະ ໝໍ້ແທກນໍ້າປະປາທັງໝົດທີ່ມີໃນທົ່ວເມືອງ ເຊິ່ງຜ່ານ ການກວດທຽບບັນດາອຸປະກອນວັດແທກ ປະເພດໝໍ້ແທກນ້ຳປະປາ ຈຳນວນທັງໝົດ 2,028 ໜ່ວຍ ສາມາດກວດສຸ່ມໄດ້ 60 ໜ່ວຍ, ແລະ ໝໍ້ນັບໄຟຟ້າຈຳນວນທັງໝົດ 6,266 ໜ່ວຍ ສາມາດກວດສຸ່ມໄດ້ 200 ໜ່ວຍ ເຫັນວ່າຜົນການກວດສອບ ສອບທຽບດັ່ງກ່າວແມ່ນມີຄວາມຊັດເຈນຖືກຕ້ອງຕາມເກນມາດຕະຖານທີ່ໄດ້ກຳນົດໄວ້ ແລະ ທາງຄະນະທິມງານວິຊາການກໍ່ໄດ້ ໜີບກົ່ວປ້ອງກັນການດັດປັບ ແລະ ຕິດສະຕິກເກີຢັ້ງຢືນຜ່ານການກວດສອບຖືກຕ້ອງແລ້ວ ພ້ອມດຽວກັນນີ້ ຄະນະທິມງານ ວິຊາການຍັງໄດ້ໃຫ້ຄຳແນະນຳ ປະຊາຊົນ ບັນດາເຜົ່າທີ່ນຳໃຊ້ໃຫ້ອຸປະກອນ ເອົາໃຈໃສ່ຕິດຕາມດ້ວຍຕົນເອງເພີ່ມຕື່ມ ເພື່ອປ້ອງກັນ ແລະ ຫລີກລ້ຽງ ການສູນເສຍ ທີ່ເກີດຈາກອຸປະກອນ ມີຄວາມຄາດເຄື້ອນ.

ບົດຂ່າວ: ນ.ລັດສະໝີ ກົມມະສິດ

ຮູບພາບ: ຄ່ຽມແກ້ວ ແກ້ວດວງມະນີ

00152 00153 00154

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates