​ຍີນ​ດີ​ຕ້ອນ​ຮັບ ​ສູ່​ເວັບ​ໄຊ ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ ປະຊຸມແລກປ່ຽນບົດຮຽນ

0112ໃນຕອນເຊົ້າ ຂອງວັນທີ 5 ເມສາ 2019 ພະແນກ ວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ ໄດ້ຈັດກອງປະຊຸມພົບປະແລກປ່ຽນບົດຮຽນໃນ ການຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນ

ໂລຊີ, ວຽກງານຊັບສິນທາງປັນຍາ, ມາດຕະຖານ ແລະ ການວັດແທກ ຂັ້ນທ້ອງຖິ່ນ ເຊິ່ງຈັດຂຶ້ນທີ່ຫ້ອງ ປະຊຸມຂອງຄະນະໂຄສະນາອົບຮົມແຂວງອັດຕະປືໂດຍພາຍໃຕ້ການເປັນປະທານຂອງ ທ່ານ ບຸນທຽນ ວົງພູທອນ ກໍາມະການພັກແຂວງ, ຫົວໜ້າພະແນກ ວຕ ແຂວງອັດຕະປື, ທ່ານ ແຫວນເພັດ ລັດດາວົງ ກໍາມະການພັກແຂວງ, ຫົວໜ້າພະແນກ ວຕ ແຂວງ ສາລະວັນ, ທ່ານ ສຸລະພົນ ໝື່ນວິເສດ ຫົວໜ້າພະແນກ ວຕ ແຂວງເຊກອງ ແລະ ທ່ານ ສົມຈິດ ໂພທິສານ ຮອງຫົວໜ້າພະແນກ ວຕ ແຂວງ ຈໍາປາສັກ ມີບັນດາທ່ານ ໃນຄະນະພະແນກ, ຫົວໜ້າ ແລະ ຮອງຫົວໜ້າຫ້ອງການ, ຫົວໜ້າ ແລະ ຮອງຫົວໜ້າຂະແໜງ ພ້ອມດ້ວຍຫ້ອງການວິທະຍາສາດ ແລະ ເຕັກໂນໂລຊີເມືອງ ໃນ 4 ແຂວງເຂົ້າຮ່ວມທັງໝົດຈໍານວນ 55ທ່ານຍິງ 16 ທ່ານ.

ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອສະຫລຸບຕີລາຄາຄືນຜົນງານການຮ່ວມມື ແລະ ການຊ່ວຍເຫລືອເຊິ່ງກັນ ແລະ ກັນ ໃນຕະຫລອດໄລ ຍະ 1 ປີ ແລະ ກຳນົດທິດທາງການຮ່ວມມືໃນຕໍ່ໜ້າ ພ້ອມທັງຮັບຟັງການລາຍງານສະພາບພົ້ນເດັ່ນໃນການຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີຂອງແຕ່ລະແຂວງ ໃນສົກປີ 2018.

ໃນກອງປະຊຸມໄດ້ພ້ອມກັນຕີລາຄາສູງຕໍ່ກັບໝາກຜົນ ແລະຜົນງານການພົວພັນຮ່ວມມື ຊ່ວຍເຫລືອເຊິ່ງກັນ ແລະ ກັນແບບພິເສດ ຂອງພະແນກ ວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ໃນໄລຍະຜ່ານມາ ແລະ ໄດ້ມີການແລກປ່ຽນບົດຮຽນເຊິ່ງກັນ ແລະ ກັນຢ່າງກົງໄປກົງມາ ດ້ວຍບັນຍາກາດ ທີ່ຟົດຟື້ນເພື່ອເຮັດໃຫ້ການພັດທະນາ, ການຄຸ້ມຄອງ ແລະ ການເຄື່ອນໄຫວຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີ ຢູ່ຂັ້ນທ້ອງຖິ່ນມີຄວາມ ເປັນເອກະພາບ, ເຂັ້ມແຂງ ທັງເປັນທີ່ຮັບຮູ້ ແລະ ເຂົ້າໃຈ ໃນທົ່ວສັງຄົມຢ່າງກວ້າງຂວາງແນໃສ່ເຮັດການນຳໃຊ້ວິທະຍາສາດ ແລະ ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ຂອງທ້ອງຖິ່ນມີການເຕີບໃຫຍ່ຂະຫຍາຍຕົວເພີ່ມຂື້ນເປັນກ້າວໆ ແລະ ສຸດ​ທ້າຍກອງ​ປະ​ຊຸມໄດ້​ເຫັນ​ດີເປັນເອກະພາບ ກັນຮັບຮອງເອົາບົດບັນທຶກການຮ່ວມມືໃນ 2 ປີຕໍ່ໜ້າ (ປະຈຳປີ 2019 ແລະ 2020) ເພື່ອ​ເປັນ​ບ່ອນ​ອີງໃຫ້ແກ່ພະແນກວິທະຍາສາດ ແລະ ເຕັກໂນໂລຊີ ທັງ 4 ແຂວງ ນໍາໄປຈັດຕັ້ງຜັນຂະຫຍາຍເຂົ້າສູ່ພາກປະຕິບັດຕົວຈິງ ​​ແລະ ມາຮອດເວລາ 12:00 ໂມງກອງປະຊຸມກໍ່ໄດ້ປິດລົງຢ່າງເປັນທາງການ ດ້ວຍຜົນສໍາເລັດ ອັນຈົບງາມ.

ບົດຂ່າວ: ນ.ລັດສະໝີ ກົມມະສິດ

ຮູບພາບ:ບຸດ​ດີ ພົມ​ພິ​ທັກ

0113 0114 0115 0116 0117 0118 0119 0120 0121 0122 0123 0124

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ&ແຟັກ:(+856)38211646, ແຟກ:(+856)38211646
Powered by Joomla 1.7 Templates